Cù 2:9 - ŊWÀʼ NYÙY

⁹ e fə̀ə́r vímóʼ ví ji sàʼ, e tòn e kiy cù. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Cù 2:9 Referans Kwoze

Cù 2:2

Wù yii bèy, é wù nèn lì, e dù, e yèn wón Aaron sho, áwune vee vitó və́, vee atàá cù, é taà cù wùmòʼ ŋeʼ meŋkfəŋ fo meŋkfə̀ŋ me á cuùrìn ne meŋgvə́r shó mèy, kiwó kifur, e tàtí wùn à kiláy kí, e tòn e kiy cù ji sàʼ vifa ve cù. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Cù 6:15

Wìr wùmòʼ ŋeʼ kiwó ke meŋkfə̀ŋ me kpuún mèy, me á shwirin wùn à meŋgvə́r mè, e kfə̀n lì kiláy kee *frankinsen kidzə̀m ke kí néŋ e kitu wo, e tatí, e tòn e kiy cù ji sàʼ vifa ve cù. Kirəm ke cù rə̀n ki rəm, rəʼtìn, boŋ Nyùy Tàr.

Filipi 2:17

Mo vèn wayin shilív e Wàn Nyùy wùn, a sheʼrí, bo dzə̀ cu mo vèn cu Nyùy. A wù ben yèn ji á yúyrí mo, e dzə̀sì cu yén shó, bo m kù nəə a dzə̀ e věn mvə̀m kisheʼrì, é vèsən maysi, a yu vijuŋ.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Ŋwàʼ woó Rom 15:16

Wù‑uù lì mo ji m wáa dzə ŋgaà ntum Jesus Kristu, a fìʼtì sáʼka və wo juŋ e wír ve bó yòʼ dzəə̀n veé Judàa. A m fiʼtì bèy ji Kiyoy ke Ranén kí fiʼ bìnèr áwune, aá wáa dzə wír wun woo Nyùy, é m wáa dzə kém moo taà cù wo wù báʼti áwune, e cù Nyùy sho, é wù wáa kòŋ.

Ŋwàʼ Fəə 29:18

e tatí, e tòn kidzə̀m e kiy cù. Dzə̀ cu Nyùy Tàr ye á ton e dzə̀m. Kù dzə̀ cu ye və́yí bin fo fo, kiyúy kfə́ kí rəʼtìn, boŋ mo féyì.

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Aysaya 53:10

Yii bèy, kù‑uù sìysì Nyùy Tàr ji wù yén ŋgeʼ, aá bvə́ʼ wun, é fó ye wù foon kitú kfəə́ fiʼ tàŋrí wíri, a wù kù wíy a dzə sho e tin, a yen wón wùn à wón won vəə́, a ntaŋ Nyùy Tàr kù wíy shaà a dzə̀ fo wun kiwo, e bóo ghan kijuŋ.

Cù 2:8

Á yií wiy e cu vifa ve yi ve á fèrìn a dzə̀ e vifá vìn vi ji á fó e Nyùy Tàr, á wày e taà cù kiwo, é wù nèn dù sho e ghaa kiy cù,

Cù 2:16

Taà cù yíi ŋòʼ mbìv yìmòʼ, e tatí wùn à kiláy kí, e tòn ji sàʼ. Bo dzə̀ cu Nyùy Tàr ye və́yí bin fo fo.

Cù 4:31

Wù yíi fəə́r fóm se nyàm sidzə̀m mo á fə̀ə́r fóm fo nyàm cù kikòŋnìn, e tòn e kiy cù ji wáa dzə kirəm ke kí boŋ Nyùy Tàr. Á mo taà cù ku tàŋrí wír woo və̀y bèy, e màn ajay və́, é Nyùy laysin.

Cù 5:12

Wù yíi wìy, e yen taà cù sho, é taà cù ŋeʼ kiwó fo fo kifur ji sàʼ, e fəə̀sì e kitu ke cù ye tonèné é kiy cù, e tòn ji cu Nyùy Tàr. Kù sì cu yee bìʼ lǒn jay.

Cù 24:7

Á yíi neèr kiláy kee *frankinsen kee wúntí kíwun e ŋgoo si fóo fèy ji á yií lóo tòn, é kí wáa dzə ŋkùvtu kiban ji cu Nyùy Tàr ye və́yí bin fo fo.

Kintaŋ 5:26

Wù kóʼti, é wù ŋeʼ cu vifa ve yi rə̀n kiwó kifur ji kitó, e tòn e kiy cù, e nèn fo lèn mendzə́v mèy, é wiíy nó.

Cù 1:9

Ké vito wùn à vikoy vi kí dzə̀, a ŋgaà cù kù tombìy sù e mendzə́v mè. Á bèy, é taà cù nèn tòn kifá kidzə̀m e kiy cù ji cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.