Cù 2:4 - ŊWÀʼ NYÙY

⁴ «Wìr lóo wìy e vifá ve cù vi, a dzə̀ viyíkìr ve á tònèn é kiy wo boméné, bo yíi a dzə kibán ke tonèn kí kee là nyaà, aá kù li a dzə̀ meŋkfəŋ me kpuún mè, e tov e meŋgvə́r mè. Kìn á ton e ntuʼ si, kìn á vemèr, e bóo tòn. Lóo dzə ke vemèrìn kí, á kfə̀n yòʼ meŋgvə́r shó.

Cù 2:4 Referans Kwoze

Ŋwàʼ Fəə 29:2

e kfə̀n tàʼ meŋkfəŋ me *wit me juŋ mè, áà nèn tòn kibán kee là nyaà e meŋkfəŋ mèy mè. À wíy tòn kibán kìn dzə́ə sitaár, é kímóʼ kí wáa dzə kee là meŋgvə́r, é kímóʼ kí wáa ker meŋgvə́r, e tòn kibér e mentuʼ, e bóo yoʼ e meŋgvə́r mè.

Nsùyrì Nyùy 22:14

Vitaáví vém ví nyòóy ne e mày, e nyòóy moo mendzə́v me á səə̀rìn fó nsay, a vighvə́r vém ví sìmsìn ne, shilív shí yaáné mo moo ghám vilù.

1 Pita 2:22

Wù yòʼ‑oò lo yiì yiì kinyo ke bi kímóʼ kí gheéy, a bó wù yòʼ‑oò lo yiì sùúy kinyo ke kisaŋ ki fo wùn shuù.

1 Pita 2:1

Kí nén a dzə jii, mo Nyùy foon ne ven dzəʼə̀m ye fíy rə̀ne, vèn ku nèn màʼtì melív me bi mè. Lá wìr yòʼ dzə́ə a boʼtí sa kimboʼtì. Lá wù yòʼ a suŋnín lám e baà. Lá vèn yòʼ a dìy kifá ke wìr. Lá vèn yòʼ a suʼ kinsuʼ.

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

Joon 12:27

Jesus kfə́n a suúy jii, «Ghán sin si dzə̀ lèn, a shilív shí sí búʼ mo búʼún. Mo shí búʼ bèn, a dzə̀ m wàa lon fo Tàr wor ji wù ku tèér ŋgeʼ ye m sí nəə sho rə̀n a? Bó yòʼ dzə̀ m wàa lon, bìʼ fo mò‑oò wìyìn a dzə̀ bìʼ kee shoon.»

Joon 3:34

bìʼ fo wìr wo Nyùy tumen və̀n súŋnin a dzə̀ jí se dzəə̀n sé Nyùy, mo wù‑uù foon Kiyoy kfə́ shó là mfìʼ.

Matio 26:38

Wù suúy aáwune jii, «Kindzə́m ke kí dzəə̀n e mǒ shiliv kí dzə̀ ke dzə̀ kí yùyrí mo. Vèn kú a dzə fèn e mǒ ghaŋ, a kìʼ, a bùnrì.»

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Cù 10:12

Mooser yòŋ e Aaron, e yòŋ sa e Eleasar wùn Itamar vee kibér ke wón Aaron ki jii, «Vèn li kifá ke kí berin fó vifa ve yi ve á cuùn Nyùy Tàr shó vìn vi ji cu ye və́yí bin fo fo, e nàŋsín là nyaà, a yi e ghaa kiy cù. Dzə̀ cu yee jeéyí féyì feyì.

Esiker 46:20

Wù yòŋ e mò jii, «Kirə́ʼ kin ki dzə̀ fo atàá cùu naa nyám ye dzəə̀n ye cù njò, á nàá ye cù ajay. Kù dzə̀ sá fo á fer kibán ke tonèn kí kee meŋkfəŋ me cù vifa ve yii. Á yii bèy ji lá áwune yòʼ fəə̀ shó e maàndzə mbìy, fo wíri kum vifá vee jeéy ví, e lì jiv.»

Aysaya 61:1

Kiyoy ke Nyùy Tàr woo Taà Ndzə ki shiy mo, bìʼ fo Nyùy Tàr yoʼon ne mo, e tùm ji m wáa fiʼtì sáʼka wo juŋ e vé ŋgeʼe. Wù‑uù tùm mo ji m rəər wír ve melív mev mè seèmèn ne, a tiisí e wír ve á koon é shùu rərí ji á yíi bòyìr áwune fó vikwàn, a tiisí e vé sháŋé ji á sí lo, e fəə́r áwune fó lav sháŋ.

Cù 7:12

A wìr lò a yiì cu rə̀n, a dzə̀ yée beèrì Nyùy, bo wù yii e nyàm cù kikòŋnìn, e bóo kfə̀n dzə̀sì kibán kee là nyaà shó, kfəə́ e taár, ke á tovin meŋgvə́r shó, à ke á vèmèrìn, e bóo yoʼ meŋgvə́r shó yoʼón kí, à ke á fèrìn a dzə̀ e meŋkfəŋ me kpuún mè, e tòv e meŋgvə́r mè.

Cù 6:17

Bó á yòʼ wíy a fèr, a way nyaà shó. Nyùy Tàr fò ne yee shooy yee mbìv fo wun cù ye və́yí bin fo fo ji vidzə̀ vév. Dzə̀ kifá kee jeéy kí féyì, réŋréŋ mo cu yee bìʼ lǒn jayi dzəə̀n, à yee bìʼ njò ye suun.

Cù 1:11

e wìy sho e ghaa kiy cù, e mbìv ye yì kiʼ kuy, e see fo, e Nyùy Tǎr si. Wù seé, é wón Aaron vee vitó və́, vee atàá cùu nèn wàŋ mensə́ e wǔn kiy cù, virə́v vidzə̀m,

Ŋwàʼ Fəə 16:31

Fo ké vifa ve yi ve vé‑eè báʼti vìy, wír veé Israyi yòŋ yír ji manna. Ví‑iì fə́r moo ŋgoòy kifa ye fəvír bey, kfə̀n nyom moo kifá ke á tovin e meŋkfəŋ mè wùn à vilu vi, e bóo tòn.

Ŋwàʼ Fəə 12:8

Wíy lóo dzə vitsə́ʼ vee shooy, á tòn nyám tónen, e nèn a yi wùn à *kibán kee là nyaà kí, à vikwiíy ve shiʼirín ví.

Kintaŋ 6:15

Wù lóo fo cu sìn, é wù fó sá yé vifa ve yi, à yé melùʼu, e tatí ŋkaà kiban kee là nyaà, a yì kér ke vemèrìn kí, aá fér e meŋkfəŋ me kpuún mè, e shwìr meŋgvə́r shó, a yì kfə̀n kér ke á tònèn é mentuʼ, e yòʼ meŋgvə́r shó.