Cù 2:3 - ŊWÀʼ NYÙY

³ Wù yii bèy, bo kibér ke meŋkfə̀ŋ kìn ki sì ké Aaron wùn à wón vəə́. Dzə̀ vifá ve yi vee jeéy ví féyì feyì, bìʼ fo dzəə̀n mbìv vifa ve á cuùn Nyùy Tàr shó e cu ye və́yí bìnèn fó fo.

Cù 2:3 Referans Kwoze

Kintaŋ 18:9

Fo cu see jeéy féyì si, vifá vidzə̀m ve á yòʼ ton e və̀y ví yíi a dzə mbìv vèn à wóné. Kù yíi a dzə mbìv yen fó cù see jeéy féyì se á cu mo shó sidzə̀m, kìn dzə̀ cu vifa ve yi, kìn yé ajay, kìn dzə̀ cu njò.

Cù 21:22

Yii bèy, a dzə̀ wù yì vifá ve á cuùn mo shó. A dzə̀ wù yì vee jeéy, à ve ví dzəə̀n jeéy féyì feyì.

1 Samuel 2:28

Mò‑oò shòʼ kfə́ə rə́ ji yí wáa dzə atàá cù vém, a lìm e mǒ kiy cù, a tòn kiláy, é wìr kfə́n a màʼ shiŋkèéy shé kikum, e bó a suŋnín e mò. Fo rám seé Isray si sidzə̀m, bó m yòʼ‑oò shòʼ a dzə̀ kfə́ə rə́ à? Áwune kfə̀n sə́ vidzə̀ vé nyàm se á ton e mǒ kiy cù. Bó yòʼ fò mo vitaáví ji á wáa sə à?

Cù 7:9

Cu vifa ve yi ve á naŋsin, e fèr e dzə̀me wíy a dzə yé taà cù wo wù yiìn cu yee shooy, kìn dzə̀ vifá ve yi ve á naŋsin, e tòn, kìn ve á kaŋen é kikaŋ ke sətín kí, kìn e kee tèéter ki.

Cù 6:26

Taà cù wo wù yii cu ajay rə̀n wíy a yi, a wù wíy a yi a dzə̀ é kirə̀ʼ ke dzəə̀n kee jeéy kí é mvə̀m maàndzə *kibàn ké ntàsín.

Cù 2:10

Á bèy, bo kibér ke vifa ve cù vìn vi sì vé Aaron wùn à wón vəə́. Dzə̀ vifá ve yi vee jeéy ví féyì feyì, bìʼ fo dzəə̀n mbìv vifa ve á cuùn Nyùy Tàr shó e cu ye və́yí bìnèn fó fo.

Ŋwàʼ Fəə 29:37

Ku wìy a yiì bèy, kishiíy kee saàmbà kidzə̀m, é kíy cùu nèn wìy a dzə jeéy ji kifá kém ŋkuuŋkùŋ. Kifá ki kumè, bo kí kù sì sá kifá kee jeéy kí.

Cù 5:13

Á mo taà cù ku tàŋrí ŋgaàŋ bèy, e màn jay və, kìn wù jày ka fó vinyò fèy, é Nyùy laysin. Wù yii bèy, é kibér ke meŋkfə̀ŋ ki nèn a dzə ké taà cù, réŋréŋ mo nsər cù vifa ve yi dzəə̀n sá bèy.

Esra 2:63

Ŋgaà saʼ nèn sùúy aáwune jii, «A taà cù bùŋ wóo toʼór áwune e Urim wùn Tumim, bo bó yòʼ dzə̀ áwune wàa yi a vifá ve cù, a ví sì ji vifá ve yi vee jeéy ví féyì.»

Cù 6:9

wù naari á nsər see kùm cu ye tonèné e Aaron wùn à wón vəə́. Nsər sìn si dzə̀ jii, cu ye tonèné wíy a gòʼ e kiy cù, a shiíy fo, é və́yí kú a shwi e sar wo mo ndzə yíi ran.

Cù 7:7

Nsər cù yee bìʼ njò kù dzə̀ moo ye cù ajay. Taà cù wo wù manrin jay dzə̀ wo wù yíi yòv nyam cù.

Cù 10:15

Áwune lóo yiì cu, lóo wìy e fóm si ji á ton ji cu ye və́yí bin fo fo, á kù wìy sa e kibiy ki, e wìy e shúu shiliví ji á nan e Nyùy Tǎr si. Á yéen yee mbìv. Kù sí wìy a dzə vidzə̀ vé vèn à wóné, e wìy dù, e mày mo Nyùy Tàr‑iì yòŋèn.»

Cù 14:13

a wù kù yíi see kiyáʼ kìy e kirə̀ʼ kee jeéy kí, fo á yii seé cu ajay, à ye tonèné. Mo cu jayi yii dzə́ vidzə̀ vé taà cù, kù dzə̀ mo cu ye yí tsəʼ njò jay rə̀ne yíi a dzə. Dzə̀ cu yee jeéyí féyì.

Esiker 44:29

Áwune wíy a yi cú vifa ve yi, a yi cú ajay, a yi cú njò. Vifá ve wír veé Israyi wiy, shwí mo shó vi kù wíy a dzə vév.

Esiker 46:20

Wù yòŋ e mò jii, «Kirə́ʼ kin ki dzə̀ fo atàá cùu naa nyám ye dzəə̀n ye cù njò, á nàá ye cù ajay. Kù dzə̀ sá fo á fer kibán ke tonèn kí kee meŋkfəŋ me cù vifa ve yii. Á yii bèy ji lá áwune yòʼ fəə̀ shó e maàndzə mbìy, fo wíri kum vifá vee jeéy ví, e lì jiv.»