Cù 2:2 - ŊWÀʼ NYÙY

² Wù yii bèy, é wù nèn lì, e dù, e yèn wón Aaron sho, áwune vee vitó və́, vee atàá cù, é taà cù wùmòʼ ŋeʼ meŋkfəŋ fo meŋkfə̀ŋ me á cuùrìn ne meŋgvə́r shó mèy, kiwó kifur, e tàtí wùn à kiláy kí, e tòn e kiy cù ji sàʼ vifa ve cù. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Cù 2:2 Referans Kwoze

Cù 6:15

Wìr wùmòʼ ŋeʼ kiwó ke meŋkfə̀ŋ me kpuún mèy, me á shwirin wùn à meŋgvə́r mè, e kfə̀n lì kiláy kee *frankinsen kidzə̀m ke kí néŋ e kitu wo, e tatí, e tòn e kiy cù ji sàʼ vifa ve cù. Kirəm ke cù rə̀n ki rəm, rəʼtìn, boŋ Nyùy Tàr.

Cù 5:12

Wù yíi wìy, e yen taà cù sho, é taà cù ŋeʼ kiwó fo fo kifur ji sàʼ, e fəə̀sì e kitu ke cù ye tonèné é kiy cù, e tòn ji cu Nyùy Tàr. Kù sì cu yee bìʼ lǒn jay.

Lim Aŋgàa Ntum 10:4

Wù nèn a fàn, e tùy sí e wùn wó, e dzə̀r jii, «Dzə̀ ká, Tàr?» Yì bìnèr jii, «Nyùy yù ne bunrì yé, e kfə̀n yèn lim yé ye juŋe, e kuùmé wò.

Cù 24:7

Á yíi neèr kiláy kee *frankinsen kee wúntí kíwun e ŋgoo si fóo fèy ji á yií lóo tòn, é kí wáa dzə ŋkùvtu kiban ji cu Nyùy Tàr ye və́yí bin fo fo.

Cù 2:9

e fə̀ə́r vímóʼ ví ji sàʼ, e tòn e kiy cù. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Aysaya 66:3

Yii bèy, ké wìr wo wù ŋwáy mo kí dzə̀ kfə́ jii, wù cu mo e mbòŋ, m kù a lì kém wun moo ŋgaà kinjuyrì. Wù cu mo e wàn njiì, m kù lèéy kém wun moo wír wo wù cu mo e jwi. Wù cu mo e viyíkìr vi, m lì kém wun moo wír wo wù cu mo e mensə́ me kǔnnyàm mè. Ŋgaàŋ lóo tòn kiláy kee *frankinsen ji m wáa kuumé wun, m wàa yen kém woo shooy moo wír wo wù mbaa a dzə̀ anyùy. Rúrú, kfə́ə wìr vee béne ŋwày ne mo, e kù a yiì a dzə̀ vinyo ve ví gheen áwune. Á kù sí yú vijuŋ, a dzə̀ e vinyo ve kisaŋ ve m yòʼ tíy sho vi.

Cù 2:16

Taà cù yíi ŋòʼ mbìv yìmòʼ, e tatí wùn à kiláy kí, e tòn ji sàʼ. Bo dzə̀ cu Nyùy Tàr ye və́yí bin fo fo.

Nehemia 13:22

M lò, e kfə̀n fò sáʼ ji wír veé ram Levìi kfə́mrí á vitú vév, e dù, a shìy a shuu se kày, é kishiíy ké bam ki fíʼ a dzə a kee jeéy kí. Éè Nyùy wom, kú a kuumé rì sa mo bìʼ kin, a sham mo bìʼ koŋ yé ye ghaʼtíné ye yí tíy fo ghán sidzə̀m.

Nehemia 13:14

Éè Nyùy wom, kú a kuumé mo bìʼ vinyo vìn, e làa yòʼ làysìn vinyo ve juŋ ve mò‑oò yii e wò woo Nyùy wóm lav wùn à lim ye mò‑oò limèe.

Kintaŋ 5:18

Taà cù yíi koʼór wiíy e Nyùy Tǎr si, e sàʼ kitú fo fo, e way cu vifa ve yi ye yí yimrì lòn é kiwo wo, cu ye kù dzəə̀n yé kinyò ke shuùn kí. Wáyí, é wun woo taà cù keérí kfə́ a dzə̀ mendzə́v me shiʼirín mè, me mè wiy e lòné,

Ŋwàʼ Fəə 30:16

À wíy a sə mbàm sìn fo wír veé Israyi, a lèm ji sé lìm yeé kibàn. M wíy a kuumé wír veé Isray bìʼ mbàm sìn, a teʼtín áwune fó ŋgeʼ.»

Cù 4:31

Wù yíi fəə́r fóm se nyàm sidzə̀m mo á fə̀ə́r fóm fo nyàm cù kikòŋnìn, e tòn e kiy cù ji wáa dzə kirəm ke kí boŋ Nyùy Tàr. Á mo taà cù ku tàŋrí wír woo və̀y bèy, e màn ajay və́, é Nyùy laysin.

Cù 5:11

Wáa dzə, a bó yòʼ dzə̀ wù wàa ker vibìŋ vibaà, kìn vibuù vibaà, bo wù wiy e meŋkfəŋ me kpuún mè kilu mòʼón ji cu rə́ jay wo wù jayin. Wù yòʼ yíi cuùrì meŋgvə́r shó, a bó wù yòʼ yíi dzə̀sì sa kiláy kee *frankinsen, bìʼ fo dzəə̀n cu yee bìʼ lǒn jay.

Kintaŋ 5:26

Wù kóʼti, é wù ŋeʼ cu vifa ve yi rə̀n kiwó kifur ji kitó, e tòn e kiy cù, e nèn fo lèn mendzə́v mèy, é wiíy nó.

Cù 1:9

Ké vito wùn à vikoy vi kí dzə̀, a ŋgaà cù kù tombìy sù e mendzə́v mè. Á bèy, é taà cù nèn tòn kifá kidzə̀m e kiy cù ji cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Cù 1:13

Ké vito wùn à vikoy vi kí dzə̀, a ŋgaà cù kù tombìy sù e mendzə́v mè. Á bèy, é taà cù nèn tòn kifá kidzə̀m e kiy cù. Dzə̀ cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Cù 1:17

e nèn ghar shinə́n fó vàv si, e sàr, yii bèy, e làa yòʼ jàvsìn. Wù sar bèy, é wù nèn neèr e kitu ke meŋkàʼ me mè shwí e kiy cù. Dzə̀ cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.