Cù 2:1 - ŊWÀʼ NYÙY

¹ «Wìr lóo cù Nyùy Tàr a dzə̀ e cu vifa ve yii, bo wù lo, e yiì a dzə̀ e meŋkfəŋ me kpuún mè. A wù yíi cuùrì meŋgvə́r shó, e neèr kiláy kee *frankinsen e kitu wo.

Cù 2:1 Referans Kwoze

Ŋgaà Yen 8:3

Yìmòʼ yee nshìylav nèn wìy, e tìím e ghaa kiy cù, a yì kér láŋ wo á yii wáy kiláy shó e kiwo, aá fér e *kisha ke mbàm ki. Á nèn fò kiláy shó kikuʼùn ji wù wàá ton é kiy cù wo á fèrìn e kisha ke mbàm ki, wú wáa tiy e shùu kàvàʼ. A yì yíi lòo tòn, é kirəm ki wáa tatí wùn à bunrì ye wíri bunrì Nyùyi, é kí wáa shàŋ, a rə̀ʼtìn.

Aysaya 66:20

Áwune wíy a lì afə́r vén fó vitum, a wìykìr sho e věn wòŋ, moo cu ye á wiy sho ji á fó e Nyùy Tàr. Á wíy a wìy sho e vitu ve nyàm se ŋkoʼ, a wìy sho e vitentén ve yii səŋ nyám si. Á wíy toór ámóʼó toórín áàntaʼ, aámóʼ vee wíri kóʼ vimbèʼbìy vé nyàmŋkoʼ wùn à áàkameri. Á wíy a wìy aàfə́r vén víne é Jerusalem, e mǒ gwan wo ranén, réŋréŋ mo wír veé Israyi lo, á wàa beʼ vifá ve yi, a wìy sho e mǒ lav ji á cu mo shó. Á kù yii béʼ a dzə̀ é vifa ve á kfəmrin ne, ví wáa dzə là *kifàn.

Cù 9:17

e lì sa cu vifa ve yi, e ŋèʼ kiwó kifur, e tòn e kiy cù. Wù yiì cu ye tonèné rən, e bàr yee kijàvndzə sho.

Ŋwàʼ Jud 1:20

Ŋkàr sem, vèn ku nèn a kìm vitú vén, a tiy a dzə̀ e Nyùy kinyò ke vèn biimen, a dù duùn fó mbìy, a tiír Kiyoy ke Ranén kí fó mbìy, a bùnrì ghán sidzə̀m.

Kintaŋ 7:19

a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

1 Joon 2:27

M sáŋ bèn, a m kì ji Kiyoy ke Ranén kí ke Jesus‑eè foon e vèn kí kù dzə̀ə́ e věn meliv, yéʼey ven, a vèn kiiy vinyo vidzə̀m, la shií yòʼ a dzə wo kfə́n a yeʼéy wír ven. A Kiyoy ke Ranén kí yéʼey ven a dzə̀ kinyo ke ru kí, a bó yòʼ dzə̀ kí bòʼtí ven. Bìʼ bey, m nén a tir ven ji vèn kú a yu a dzə̀ á fo fo, a suusín vèn à Jesus Kristu.

1 Joon 2:20

Bó vèn yòʼ dzə̀ moo wír vee shooy. Jesus Kristu fò ne ven Kiyoy ke Ranén kí, vèn wáa kiíy kinyo ke dzəə̀n ke ru kí.

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Malakay 1:11

Yír yémé dzə̀ e gháʼtín e vitúm ví mvəm. Wíri kù ghvə́m mo, e kèʼ fo shùy yii tó, e dù, e meé fo yì yii nəə. Á ton kiláy, suyrì mo virə́ʼ vidzə̀m, cu mo e cu yee réŋé. Rúrú, yír yémé dzə̀ e gháʼtín e vitúm ví mvəm. Suuy mo woo Nyùy Tàr woo Taà Mànjòŋ.

Joel 2:14

Yòʼ kì la, a Nyùy Tàr yíi kuvsín kwaʼtì rə́, e səə̀vì ven, e yiì, é vifá vi kfə́n a kuy e sum. Səəvì, é vèn kfən kòóy vifá vé a cù Nyùy Tàr woo Nyùy won shó, a cù wun e vifá ve yi vi, a cù e meluʼ mè.

Kintaŋ 7:13

a cu rəə́‑əə̀ dzə̀ kikóŋ kee *kisha ke mbàm ke fəvír kí, a vidzəəsì ví dzə̀ *ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

Ŋwàʼ Fəə 29:2

e kfə̀n tàʼ meŋkfəŋ me *wit me juŋ mè, áà nèn tòn kibán kee là nyaà e meŋkfəŋ mèy mè. À wíy tòn kibán kìn dzə́ə sitaár, é kímóʼ kí wáa dzə kee là meŋgvə́r, é kímóʼ kí wáa ker meŋgvə́r, e tòn kibér e mentuʼ, e bóo yoʼ e meŋgvə́r mè.

Joel 1:9

Cú vifa ve yii sèéy ne fo Nyùy Tǎr lav, a bó á yòʼ dzəə́ cu Nyùy Tàr e meluʼ mè. Atàá cùu sí diy, sov vitú, bìʼ fo vifá vé a cù Nyùy Tàr shó vi buŋen ne.

Cù 5:11

Wáa dzə, a bó yòʼ dzə̀ wù wàa ker vibìŋ vibaà, kìn vibuù vibaà, bo wù wiy e meŋkfəŋ me kpuún mè kilu mòʼón ji cu rə́ jay wo wù jayin. Wù yòʼ yíi cuùrì meŋgvə́r shó, a bó wù yòʼ yíi dzə̀sì sa kiláy kee *frankinsen, bìʼ fo dzəə̀n cu yee bìʼ lǒn jay.

Kintaŋ 8:8

Áà nèn yòŋ, aáwune wiy e wàn nàʼ woo lumèn wùn à cu vifa ve yi ve á yíi tatí shoo, a dzə̀ ji meŋkfəŋ me kpuún mè, aá shwír ne meŋgvə́r shó, áà nèn kfə̀n tàʼ wan nàʼ woo lumèn wùmòʼ ji wo cù ajay.

Kintaŋ 18:9

Fo cu see jeéy féyì si, vifá vidzə̀m ve á yòʼ ton e və̀y ví yíi a dzə mbìv vèn à wóné. Kù yíi a dzə mbìv yen fó cù see jeéy féyì se á cu mo shó sidzə̀m, kìn dzə̀ cu vifa ve yi, kìn yé ajay, kìn dzə̀ cu njò.

Kintaŋ 28:5

aá bár sá cu vifa ve yi ye dzəə̀n meŋkfəŋ me kpuún mè kilu e mòʼón, aá shwír e meŋgvə́r me *oliv me juŋ mè lita e mòʼón.

Kintaŋ 29:18

Á lóo yiì cu see nyám sìn si, á bàr yé vifa ve yi wùn à yé melùʼu e kitu kitu, aá ku bàr mo nsər din ji á yii e nyàm yee shó.

Aysaya 43:23

Vèn dzə̀ a wíy áànjìi ji á ton, e cù mo shó a? Vèn kù yúy kitú a dzə̀ é cù, a bó á yòʼ ghvə́m mo. M yoʼ dzə̀r cu e vèn e nín ye yí wáa ghaʼ ven, kìn ji m rə́ʼə́y ven e kibeʼèy kí ji vèn wáa cù mo e kiláy kee *frankinsen ki.

Cù 6:7

Á bèy, é taà cù nèn cù Nyùy Tàr shó, e tàŋrí ŋgaàŋ, é Nyùy Tàr laysin kinyo ke wù‑uù yiìn fó vinyò fèy, e bóo lì njò.

Cù 9:4

Á yíi tàʼ sa nàʼ wùmòʼ wùn à kiyáʼ ki, aá yii cu kikòŋnìn sho, e see e Nyùy Tǎr si. Á ku wìy sa e cu vifa ve yii, a dzə̀ meŋkfəŋ me á shwirin ne meŋgvə́r shó. Á ku yiì bèy, bìʼ fo Nyùy Tàr yíi dìn kitú kfə́ e vèn áwune lán.»

Cù 14:10

«Lóo dzə e kishiíy kee waamé, é wù li wón viyaʼ abaà vee là nsem wùn à kifum ke njiì kee là nsem ki, kee kiyá, e kfə̀n tàʼ sa meŋkfəŋ me kpuún mè akilu ataár, aá shwír e meŋgvə́r me *oliv mè, e tàʼ meŋgvə́r pámpám e fur.

Cù 24:7

Á yíi neèr kiláy kee *frankinsen kee wúntí kíwun e ŋgoo si fóo fèy ji á yií lóo tòn, é kí wáa dzə ŋkùvtu kiban ji cu Nyùy Tàr ye və́yí bin fo fo.

Esiker 46:20

Wù yòŋ e mò jii, «Kirə́ʼ kin ki dzə̀ fo atàá cùu naa nyám ye dzəə̀n ye cù njò, á nàá ye cù ajay. Kù dzə̀ sá fo á fer kibán ke tonèn kí kee meŋkfəŋ me cù vifa ve yii. Á yii bèy ji lá áwune yòʼ fəə̀ shó e maàndzə mbìy, fo wíri kum vifá vee jeéy ví, e lì jiv.»