A dzə̀ ji yii á taà cù wo á yoʼon ne jay və̀n, e sə̀ŋ lòn, e wìy sho e wírí kitu, bo wù kù‑úù wiy e wàn nàʼ woo lumèn, woo là nsem, ji á cu á Nyùy Tàr shó bìʼ jay wo wù kì yiìn, é wáa dzə cu yee bìʼ lǒn jay.
A kù nəə taà cù wo kuʼùn é mbìv yee fó mvəm kàŋ mòʼón e kitu ke kiya. Wù lóo nəə́, wù kù a ker mensə́ me nyàm me wù nəə, a kwàŋrì vinyo və́ wùn à ve wír ámóʼó jáy là kiíy sho.
A wù‑uù lo nə̀ə́ kfə́ e Nyùy kibàn keé yuv, e tòsín, e dù a dzə̀ fo Nyùy dzəə̀n. Wù yòʼ‑oò du bèy, kér mensə́ a dzə̀ me nyàm yee moo bvə́y, kìn wan nàʼ. Wù‑uù du kfə́, kér mensə́ a dzə̀ mvə́ə, e nèn tìn wíri fó ŋgeʼ, á bòy ŋkuuŋkùŋ.
«A cu rəə́ dzə̀ ye tonèné, ye á yii ton a dzə̀ nàʼ, bo wù táy nyám yee lumèn, yee là nsem fo ŋgoo nàʼ, e wìy sho e shuù wo wú nəə e kibàn ké ntàsín ji Nyùy Tàr ku biìmé a cu rə́.
Á wìy, wù yòŋ e Aaron jii, «Lì nàʼ woo lumèn, woo là nsem, e yiì cu ajayi shó, e lì kiyáʼ kee là nsem ki, e yiì cu ye tonèné shó. Ku yiì cu sìn si, e cù Nyùy Tàr shó.