Cù 13:3 - ŊWÀʼ NYÙY

³ Taà cù yíi kàʼày kirə́ʼ kee shó, e yen ji wuy yee fóo sà fə́rí a, wùn à ji fóo sà shoò, e shaà juv wùn á. Wù yén, a kí dzə̀ bey, bo sì yàsí wo bi, é taà cù nèn tòʼór e màŋgòŋ ji wù sí kér a *kifàn.

Cù 13:3 Referans Kwoze

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Hibru 13:7

Vèn wáa kuumé wír ve vé‑eè tòmbìy dàn ven é kinyò ke Nyùy fèn. Vèn kuúmé mo vé‑eè dzə́, yú a dzə̀ fo Nyùy, wíri yú vijuŋ bìʼ áwune. Vèn kú a bìʼnìn, a yu fo Kristu moo áwune.

2 Timoti 3:13

é wír ve bi ve á ghán kév, bóʼti wíri bóʼtíné kú a màysì, a tavkír tavkín, a boʼtí wíri, e kfə̀n a boʼtí vév vee vitú.

1 Timoti 1:20

Wír vìn ámóʼó dzə̀ Himenayur wùn Aleŋsanda, a m wáy wír vee abaà vin lèn a dzə̀ e Satan kiwo, aá yú mo á koó, e fiír fó a ghan, a bivír yír Nyùy.

Ŋwàʼ woó Rom 7:7

Mo nsər sí ŋáʼar mensə́, a mè yii vinyo ve bi ví, a dzə̀ vèsən sùúy ji ka lèn? Dzə̀ ji nsər se Nyùy‑iì foon sí dzə̀ kinyo ke bi kí a? Bó yòʼ dzə̀ bey gheéy. Ke kí dzəə̀n kí dzə̀ jii, yiì nsər, é bo m kiíy kinyo ke dzəə̀n ke bi kí. A là fo nsər wáa shaʼnín jii, «Lá wìr yòʼ a siimé kifá ke dzəə̀n ké wìr wùmòʼ», bo bó m yòʼ‑oò ló a gwàrìr ji m yii siíme bèy, a dzə̀ á jay.

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

Joon 20:23

Vèn wíy làysìn vinyo ve wìr ve bi ví, bo Nyùy làysìn ne. Vèn maʼti, bo ví gòʼ ne e ŋgaàŋ kitu.»

Matio 16:19

M wíy way vimbàʼ ve ví mvəʼ sáʼ Nyùy a dzə̀ e wò kiwo. Kinyo ke à wáy e nsay fèn ki wíy a dzə ke kí siìn kiwáyín é yuv, é ke à sháʼnin e nsay fèn ki wáa dzə ke kí siìn kisháʼnín é yuv.»

Malakay 2:7

«Rúrú, dzə̀ kilíŋ ke taà cù ji wù yii, é wíri kiíy kinyo ke Nyùy ke kí kù yii dzə́ tìítiy, a wìy, a yen wun, e fíʼ a yu ntir fo wun shuù, bìʼ fo wù dzəə̀n ŋgaà ntum Nyùy Tàr woo Taà Mànjòŋ.

Hagay 2:11

«Dù neèr dzə́tí sìn si aàtàá cùú si, aáwune tar, e shù kév kee kinyo. Mo woo Nyùy Tàr woo Taà Mànjòŋ dzə́r jii,

Hosea 7:9

Vitúm ve áwune yoy, tiir sho vi rèŋèr ne vitaáví vév, a wír veé Israyi yòʼ fə̀m gwarìr kee shooy. Fúv si fəə́ aáwuné kitu, aá yòʼ kiiyì.

Esiker 44:23

«Áwune ku wìy a yeʼéy wír vém, aá wáa kiíy jeéyjeéy fo kifá ke dzəə̀n ji ké Nyùy wùn à kee kiy ki, e kfə̀n a naàrì sa áwune, aá wáa kiíy jeéyjeéy fo kifá ke *kifàn kí, à kee là kifàn kí.

Esiker 16:30

Nyùy Tàr woo Taà Ndzə nén a taŋnín, a ghay jii, ‹À sà joy yàsí gha e wò shiliv, bó a shoʼ virom ve visàkì vee ben, là dzə̀rkìtu a?

Cù 13:2

«A wìr lò, a ker viváv e wun wùn, kìn vinto, a ví sí du ji yàsí wo bi é wùn wó, á dù, e yèn Aaron woo taà cù sho, kìn taà cù woo wán və.

Cù 10:10

Vèn kù kér fó a kiíy jeéyjeéy fó kifa ke dzəə̀n ji ké Nyùy wùn à kee kiy ki, e kfə̀n a kiíy sa jeéyjeéy fó kifa ke kí kér *kifàn, à ke kí yòʼ kér ki.

Kèʼlo 13:3

Wù ló fó Negev, a ghan, a beè e virə̌ʼ virə̀ʼ, e nèn wìy, e mèé e kirə̀ʼ ke kí dzəə̀n é kintìntìn ke Betel wùn Ay fo kibàn kfə́ kí‑iì siìn fó mbìy,

Cù 13:4

Wáa dzə ji kirə́ʼ kee shooy ki fə́rí, a kí yoʼ shoò e shaà juv wùn, a bó wuy yee fóo yòʼ fə́rí, bo taà cù yíi tsə̀ʼ wun jeéy kishiíy saàmbà.

Cù 5:3

A wìr dzə̀ e kifàn kí wùn ke a dzə̀ kí lìysín e wùmòʼ, wìr kum wun là kiíy, e yiì lò, e kìíy, bo ŋgaà kùm kér njò.

Cù 13:8

Taà cù kaʼay wun, e yèn ji yàsí dzə̀sì a ne rú, e dù e virə̀ʼ vímóʼ ví, bo taà cù tóʼor ji wù kér a kifàn. Dzə̀ yàsí woó jùv wùn.

Cù 13:10

Taà cù yií kaʼày wun, yén, a fóo gvə́m, wuy yee fóo wáa fəəsí, a kí sí du ji kiváv,

Cù 13:20

Taà cù kaʼày ŋgaàŋ, yén, a fóo shoó, e shaà juv wùn, kfə́n yén, a wuy yee fóo fəə́si, é wù nèn tòʼór ji ŋgaàŋ kér a kifàn. Dzə̀ yàsí woó jùv wùn wo wù loòn fó kinto fèy.

Cù 14:37

Wù yií kaʼày mfə̀m siy, yén, a sí dzə̀ é wǔn lav, yén, a vishom vi səə́ne, kìn a ví baaŋè, yén, a mfə̀m sí kfə́r wún lav, nəə,

Cù 14:54

«Á nsər see bìʼ ayàsí veé jùv wùn ve bií,

Cù 14:56

à sé virə̀ʼ ve ví gvəm vi, à sé vintokìr vi, à sé vimbùvrì vi.