Wan woo shooy meé kishiíy waamé, á náŋsín, e kù nèn a yòŋ yír rə́ ji Jesus. A kù dzə̀ yír ye nshìylav Nyùy‑iì suuyin e yeè wàn, é bo wù wìy a tiím bvə́m wan.
Mo vèn áwune tatin, wù nen nàŋsín ven ji wír Nyùy. A bó wù yoʼ nàŋsín ji wun səə̀m a dzə̀ wún fó ndzə mo wír veé Judàa yii səəmè. Kristu nàŋsín kfə́ a dzə̀ shilív, la shí yòʼ dzəə́ a tiy e vinyò ve mensə́ mè taʼà.
M dzə̀ wán woó nsay Isray feyì, a m lò fo kfəə Benjamin. M kfə́n a dzə naaŋkàntì wìr Hibru, a yì‑iì dzə̀ə́ wír veé Hibru mo. Kishiíy kí meé waamé, á náŋsín mo mo liì wor wòŋ taʼà. Á lóo kfən fo mbìv *Nsər Mooser, m nèn a dzə wír woó mbìv Farasi.
M nen kfə̀n a feesí vituʼùr vé wìr ve á biíme ji vé‑éè wáa yiì bèy jii, a wìr lò, a yiì bèy, bo wù kér a fó wìy a ŋeèvì nsər se Nyùy‑iì foon e wír veé Judàa sidzə̀m, a lèm.
M nén a tàʼ ji vèn kiíy á jii, mo Nyùy‑iì kàʼàn Abraham e kinyò fèn, kiyá ki siíy, e shaà kishóv mtaár e ghiì kweè, bo wù wáa fo nsər, bo bó yòʼ dzə̀ nsər yee shooy kfə̀n kòr mensaŋ me Nyùy‑iì gwàrìn fó mbìy, é kinyo ke wù‑uù kàʼàn kí lay kisáŋ.
Á mo vé‑eè saŋen é Ŋwàʼ Nyùy, a vèsən kì jii, vinyo ve vé‑eè saŋen shó vidzə̀m vi dzə̀ á fo wír ve á kér ŋwàʼ woo shooy ji á wáa yu fo fo. Mo Nyùy din ajay wíri shó, bo bó yòʼ dzə̀ wìr kfə̀n a ker kinyo kée wovrí gheéy, aá kér fó wìy tiím e wùn si adzə̀m, é wù sáʼ nsaʼ yev.
Wír ámóʼó nèn wìy lò fo wòŋ woo Juda, e wìy e Antiyok, a yeʼéy aŋgàa biimé jii, bó yòʼ dzə̀ Nyùy lùŋèr áwune, a bó á sáŋ á *mbèʼ sév mo *Nsər Mooser dzəə̀n.
Á sáŋé, é yeè wàn kfən dzə̀ʼə̀m kishiíy nshòv sitaár e mtaár, aá *kfə́mrí wun, é bo wù rán fó səy ye wù kì sə́yí. Wù yòʼ yíi a kùm kifá ke á lèmèn jeéy ji ké Nyùy, a bó wù yòʼ yíi shaà e *kibàn ké ntàsín, a bó kinyo kfə́ ké kfəmrí ki shaá.
