Cù 10:3 - ŊWÀʼ NYÙY

³ Mooser nèn yòŋ e Aaron jii, «Á kinyo ke Nyùy Tàr‑iì suuy e ghan se wù‑uù yòŋèn jii, ‹Fo wìr ve dzə̀ á wàa koʼtí e mǒ ghaŋ, m kù wíy a dìn mo m dzəə̀n jeéy, e ránén, a m wíy a ker ghvə́m e wìr dzə̀m si.› » Aaron yú bey, e kù nèn gòʼ kisə́sə.

Cù 10:3 Referans Kwoze

Ŋwàʼ Fəə 19:22

A fèn dzə̀ atàá cù ve á yii cu mo, bo á kù kér fó baʼtí vitú vév, búŋ là bey, bo m maʼ ŋgeʼ aáwuné kitu.»

Aysaya 49:3

Á bèy, Nyùy Tàr yòŋ e mò jii, «Wò, wo à dzəə̀n ji Isray, à dzə̀ wír wom lìm. Wíri wíy a ghvəm mo, bìʼ wò.»

Cù 21:6

Wù kù kér fó a dzə wír woo jeéy ji wo Nyùy, e làa yòʼ shoór yír Nyùy. Dzə̀ wun wo wù cu Nyùy Tàr e cu ye və́yí bin fo foo, ye dzəə̀n vifá vém vé yi, mo woo Nyùy won. Taà cù kù kér fó a dzə wír woo jeéy.

Kintaŋ 20:12

Nyùy Tàr nèn yòŋ e Mooser wùn Aaron jii, «Mo bó vèn yoʼ lò wày shilív e mǒ wùn, e yiì, wír veé Israyi yén vitaáví vém, mo woo Nyùy, bo yòʼ wíy lì ven màŋgòŋ və̀n, e dù sho e wòŋ wo m foon aáwune.»

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

Remrí 32:51

Kí dzə̀ bey, bìʼ fo bó vèn wun yòʼ‑oò lo yùnín mo e wír veé Israyí si, aá dzə̀ é ghaa ndzəv yee Meriba, e ghaa ŋkàlaʼ yee Kadesh, e woʼ yee Tsin. Vèn yòʼ‑oò lo ghvə̀m mo moo Nyùy e wír veé Israyí si.

Aysaya 52:11

Vèn ŋáʼáy, vèn lokir, vèn fəə́ fó wòŋ woo Babilon. Ven ve á béʼ vikáŋ veé lav cù, ven fəə́ fó fo, e *kfə̀mrí vitú vén ví. Vèn lóo fəə, lá vèn yòʼ kùm kifá ke *kifàn kí.

Nsùyrì Nyùy 89:7

Kintatì ke nsheèlav sé ki ghvə́m wò. Á ghvə́m kfə̀n fan wò e ŋàáŋàŋ, e shaà kifá kidzə̀m.

1 Samuel 6:20

Á nèn a ghaynín jii, «A dzə̀ tìím la e Nyùy Tǎr si, Nyùy wo wù ranen ben? Ŋkùv və fèn lo lò fo vèsən, é wù du a dzə̀ fo ala?»

Cù 21:21

Bó yòʼ dzə̀ wír e taà cù Aaron ram, a wù kér ndzə́m, wù kòʼtí é kiy cù ji wun cu Nyùy Tàr, e yiì cu ye və́yí bin fo fo. Mo wù kér ndzə́m, bo bó yòʼ dzə̀ wù kòʼtí ji wun fó vifá ve yi e Nyùy və.

Cù 8:35

Vèn kù wíy gòʼ e shùu kibàn ké ntàsín, à shùy, à vitsə́ʼə́ kishiíy saàmbà, a yiì mo Nyùy Tàr‑iì yòŋèn. Là bey, bo vèn‑éè kpúkír. Á mo Nyùy Tàr yòŋèn e mò ben.»

Esiker 20:41

M wíy fəə́r ven fó vitum fo vèn‑eè taʼrin, e dù, e baʼtí kirə́ʼ kimòʼón, e nèn səəsí ven moo cu ye á ton, yí wàa rə̀m, a rə̀ʼtìn, vitúm vi lóo yen, é ví fíʼ a kiíy ji m dzə̀ á e ránén ji Nyùy.

Cù 22:9

Kù dzə̀ jii, atàá cù adzə̀me wáa yiì vinyo ve m suuyin vin. Là bey, bo á yíi lì njò, e kpukír mo á leeyin nsər sém ntéŋ. Dzə̀ mo Nyùy Tàr wo m kù yii, bo áwune wáa dzə aránén ji wír vém.

Cù 21:17

«Suúy e Aaron jii, a wìr fo věn mvəm kér ndzə́m, lá wù yòʼ mùm ji wun cu Nyùy. Kú a dzə nsər mo ŋgwàʼ sén sí wíy a dzə.

Cù 21:15

Là bey, bo wón vəə́ yíi a dzə wón nshoórsíi e wír vəə́ mvəm. Dzə̀ mo Nyùy Tàr wo m lèmèn wun jeéy ji taà cù wo kuʼùn.»

Cù 21:8

Wìr Isray e dzə̀m kú a ghvəm taà cù ji wír wo á lèmèn jeéy ji wóom, bìʼ fo dzəə̀n wun wír wo wù cu Nyùy wov, fó vifá və́ vé yi. Vèn kú a ghvəm wun ji wír wo ranén, bìʼ fo mo woo Nyùy Tàr, m dzə̀ e ránén, a m yii ji vèn wáa dzə aránén.

Esiker 42:13

Wìr və̀y nèn sùúy e mò jii, «Wón lav ve á kiʼ lav cù, à fó mbìv yee kuy, à fó mbìv yee tsə́n víne dzə̀ vee jeéyí. Fóo fène dzə̀ fo atàá cù ve á yii cu Nyùy Tàrí wíy a yi vifá ve cù ve dzəə̀n vee jeéy ví féyì. Wón lav vìne kù dzə̀ vee jeéyí, a dzə̀ fo á kù wíy a lèm vifá ve cù ve dzəə̀n vee jeéy ví féyì, vé cù vifa ve yi, à vé cù ajay vi, e lì vé cù njòó.

Nsùyrì Nyùy 39:9

Bó yòʼ dzə̀ m mvə̀ʼ shuu wóm ji m suúy á kinyo, bìʼ fo dzəə̀n wò wo à yiìn ji m wáa yen ŋgeʼ.

1 Pita 4:17

Vèn wáa kiíy jii, ghán se Nyùy wíy tinén nsaʼ wìr dzə̀m si ghèén ne, a wù wíy kèʼ a dzə̀ fo wùn lav, e bóo fəə e ndzə. Mo kí dzəə̀n ji wù wíy kèʼ a dzə̀ fo vèsən, bo ké wìr ve á tenen kinyo kfə́ kí wíy a dzə e le?

Matio 10:37

«Kí nén a dzə jii, a wìr koŋ tàr wov wùn yè wov, e shaà mo, bo bó ŋgaàŋ yoʼ ghèén ji ŋgaà wom ŋgoo. Wìr kfə́n a kòŋ wán və woo lumèn, kìn woo wiíy, a shaà mo, bo bó ŋgaàŋ yoʼ ghèén sa ji ŋgaà wom ŋgoo.

Esiker 28:22

Yòŋ e wír veé Sidone ji ke Nyùy Tàr woo Taà Ndzə suuy ki dzə̀ á jii: « ‹M dzə̀ ŋgaà won vibàn. M wíy yiì kinyo ke m yiìn e vèn, é vikuʼùy vém ví yénsín e věn mvəm. Rúrú, m wíy màʼ ŋgeʼ e Sidon kitu, e dìn mo m dzəə̀n e ránén, é wìr dzə̀m nèn kìíy ji m dzə̀ á Nyùy Tàr.

Ŋwàʼ Jov 2:10

Yii bèy, Jov ku bìnèr e yeè lav və jii, «À suuy kinyo a dzə̀ ke a kì dzə̀ sùúy kiyúŋ ké wiíy. A dzə̀ wòsò kù a səəsí a dzə̀ kinyo ke juŋ ki fo Nyùy, e làa yòʼ səəsí ŋgeʼ à?» Mo vinyo vìn vi‑iì kooyin Jov, bó Jov yòʼ‑oò lo jày, a sày Nyùy.

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

1 Samuel 3:18

Samuel nèn kwèr kinyo kidzə̀m e Eli. Eli nèn sùúy jii, «Dzə̀ wun Nyùy Tàr. Wù ku yiì kinyo ke kí gheenen wun.»

Ŋwàʼ Fəə 14:4

M yíi yiì, é Farao kfən tàv kitú, e shèm e věn bàm ji wun koó ven. A m yíi so wun wùn à vé rər vəə́, é búrí ye kuʼùné yiì a dzə yém, é wír veé Ejivi nèn kìíy ji m dzə̀ ben, a m dzə̀ á Nyùy Tàr.» Wír veé Israyi ku nèn yùnín Nyùy Tàr, e kfə̀n é bàm, e tùy táv sév fo wù‑uù suuyin.

Kèʼlo 18:25

Rúrú, bó yòʼ dzə̀ wò wo dzə̀ à yùyrí wír vee là jay wùn à vé jayi. Yòʼ dzə̀ kí kòóy bey. Bó yòʼ dzə̀ wò wo a dzə̀ à yiì bey. Aà yiì bèy, bo à sí maʼ ŋgeʼ aàlàjayi wùn à vé jayí kitu réŋréŋ. Mo tínen wò nsaʼ seé kitu ke nsay sidzə̀m, bo bó yòʼ dzə̀ à kù yiì a dzə̀ kinyo kee réŋ kí a?»

2 Tesalonika 1:10

Wír və́ adzə̀me wíy yen vikuʼùy və́ ve ghaʼán vin vi é kishiíy fóo fèy, e jaáy, a sùyrì wun. A vèn wíy a dzə sa e ŋgoo foo fèy, bìʼ fo vèn‑eè biimen kinyo ke vèr‑iì fiʼtì e vèn.

Joon 14:13

Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor.

Nsùyrì Nyùy 119:120

Wúné yaʼ mo, bìʼ fan ye m fan wò. M leey vinyo ve à tinen, e wày ji nsər, wúné wàa beemé mo beemén.

Nsùyrì Nyùy 46:10

Nyùy suuy jii, «Vèn yar vindzəʼ vi, a kiíy ji m dzə̀ Nyùy. Sáʼ mo vitúm vidzə̀m. Kù kér mo kitú ke nsay.»

Aysaya 39:8

Fòn Hesekiya nèn bìnèr e Aysaya jii, «Ntum Nyùy Tàr ye à tiisin e mò dzə̀ e juŋ.» Wù‑uù binèr bèy, kwaʼ ji mo wun yíi a dzə sho e tin, bo kù sì ji nyaáŋ yíi a dzə sa e wun wòŋ.

Ŋwàʼ Fəə 14:17

Fo kém kí, m yíi yiì, é wír veé Ejivi táv kitú, e shèm aáwuné bàm. M yíi tòn Farao wùn à mànjòŋ və e dzə̀m, woó vitentén wùn à woó nyàm se ŋkoʼ, e nèn a ker viwìr.

Ŋwàʼ Fəə 30:30

À yii bèy, áà nèn yòʼ sá Aaron wùn à wón vəə́, e lèm, aáwune wáa lìm fo mò.

Kintaŋ 16:5

Wù lò, e sùúy e Kora wùn à ŋgoo rə jii, «Yíi lòo dzə kijàvndzə, é Nyùy Tàr tóʼór wír wo dzəə̀n və́ə, wír wo wù lèmèn ji woo jeéy. Tóʼorì, é wù yii, é wù kóʼtí e wun ghaa kiy cù. Woo shó wo wù yíi shoʼ, dzə̀ wo wù yíi yiì, é wù kóʼtí e wun ghaŋ.

Nsùyrì Nyùy 148:14

Wù yiì ne, wír vəə́ wáa dzə agháʼtín. Wù nàn ne yír wìr və́ é yuv, yír wìr dzə̀m wo wù tíy e wun wùn, yír wìr veé Isray ve wù koŋ e ŋàŋ. Á wáa burí Nyùy Tàr.

Esiker 38:16

À wíy wìy, e ghiʼ wír vém veé Isray e rə́r sí mo mbàʼ sùm woŋ. Gog, wíy lóo dzə e kishiíy kin e ghan sé bàm sí, é m ku yiì, áà nəə́ wír vém e rə́r sí. M wíy yiì bèy ji m fiʼ dìn e vitúm vi ji m dzə̀ e ránén ji Nyùy, aá wíy a yen e sí yéví a dzə̀ fó vinyò ve m wíy yiì e wò.

Esiker 40:46

Wàn lav wo wù kiʼ kuy wáa dzə wo atàá cù ve á leey kíy cù. Áwune dzə̀ rám Tsadok, a dzə̀ áwune cáʼ fo wír veé ram Levi ve dzə̀ á kòʼtí e Nyùy Tǎr si, e yiì lim Nyùy fo.»

Ŋwàʼ Fəə 19:24

Nyùy Tàr suúy jii, «Sə́y, lóo kfən, à lì Aaron, e wìy sho. Yii bèy, lá à yòʼ biimé, áàtàá cù wùn à wíri wáa taŋ wún ji á tósín, e kòʼ fo m dzəə̀n, fo wúné kin mo, é m maʼ ŋgeʼ aáwuné kitu.»

Nsùyrì Nyùy 39:10

Ku tsə̀ʼ nyár ye à màʼàn e mǒ kituu. Wúné wèʼ ne mo wéʼen bìʼ kindzəv ke à yuyin mo shó.

Nsùyrì Nyùy 93:5

Nyùy Tàr, nsər sé si kù tíy fo ŋkuuŋkùŋ. Lav yè kù wíy a dzə kirə́ʼ ke á cu wò fo, cu wò viyá viyá là may.