Cù 10:2 - ŊWÀʼ NYÙY

² Nyùy Tàr ku nèn tùm və́y, wú wìy, e tòn áwune, á kpúkír e wun si.

Cù 10:2 Referans Kwoze

Kintaŋ 26:61

Yii bèy, Nadav wùn Abihu kpúkír é ghan se vé‑eè cu Nyùy Tàr e və́y kisaŋe.

Kintaŋ 16:35

Nyùy Tàr túm və́y, wú laàr wír vee kishóv mtàn e ghiì baà (250) ve vé‑eè wìyìn e kiláy kí, a yiì cu sho.

Cù 9:24

Nyùy Tàr ku nèn tsə̀nsí və́y, wú wìy, e laàr cu ye tonèné wùn à fóm si fó kiy cù. Wìr dzə̀m yén, e bùʼ shirəə́, e tsə̀m sí e nsay.

2 Samuel 6:7

Dòʼshwiiy Nyùy Tàr ŋáʼáy, wù yúyrí Ussa e ghaa ŋkùv mensàŋ bìʼ kinyo ke wù‑uù mùmèn, e làʼ kiwó e ŋkùv mensàŋ.

1 Korin 10:11

Vinyo ve ví‑iì kooyin wír vìn vidzə̀m vi dzə̀ kisəəm ke kí din mo kí wíy koóy wír ve á yii sa vinyo vee ben. A vé‑eè sàŋ é ŋwàʼ bèn ji ví fíʼ a tir vèsən vee lán ve á sí méʼ ghán se ndzə wíy mày.

Lim Aŋgàa Ntum 5:10

Mo Pita suuy bèy, Safira ku nèn gbù fo nsay e si wo, e kpù. Wónlě vilum vìyi nəə́, e yèn, a wù kpú ne sa, á nèn bèʼèy, e dù, e dzəə̀mè e lum və́ ghaŋ.

Lim Aŋgàa Ntum 5:5

Ananiar yú bey, e kù nèn gbù fo nsay, e kpù. Wónlě vilume tàʼ ndzə̀y, e boò dzə́n rə́ shó, e dù, a dzəə̀mè. Wíri yú kinyo kee shooy, e fàn feyì.

Aysaya 30:33

Rúrú, e kèʼ fo yàŋgùʼ, Nyùy Tàr‑iì bàʼtí ne kirə́ʼ kee fo á wíy tòn dzə́n fòn. Wù tùŋ ne kíy, wú fáŋ, e kfə̀n shoò, e fiì meŋkaʼ sho, və́yí wáa shwi, a bò. Kiyoy ke Nyùy Tàr kí dzə̀ moo kiliímé ke və̀y, a kí wíy sə̀ʼ meŋkaʼ mèn, é mè wáa shwi.

1 Wòŋ 24:2

Nadav wùn Abihu‑uù kpù mbìy fo tàr wov, aá yòʼ kér wón. Á bèy, Eleasar wùn Itamar ku nèn gòʼ ji atàá cù.

1 Wòŋ 15:13

Vèn wáa kuumé jii, Nyùy Tàr woo Nyùy wòsən‑eè lò, e shwìíy kilòŋ bìʼ vèsən é ŋàŋ, bìʼ fo ven vee wír veé ram Levìi yòʼ‑oò ló a dzə fo, yée bèʼèy ŋkùv, a bó vèr yòʼ‑oò lo dzə̀r sá dzə́ə yee réŋ e Nyùy Tàr ye dzə̀ á keèrí, e bóo wìy sho.»

1 Wòŋ 13:10

Dòʼshwiiy Nyùy Tàr ŋáʼáy, wù yúyrí Ussa bìʼ kinyo ke wù‑uù mùmèn, e làʼ kiwó e ŋkùv mensàŋ. Wù ku nèn kpù fó e Nyùy Tǎr si.

2 Afòn 1:12

Elija ku bìnèr jii, «A m dzə̀ rú wir Nyùy, və́yí kù sə̀y fó yuv, e tòn wò vèn à wír vé vee mtàne.» Nyùy nèn tsə̀nsí və́y, wú sə́y fó yuv, e tòn wun wùn à wír və́ vee mtàne, á kpúkír.

2 Afòn 1:10

Elija bìnèr e mfòómé jii, «A m dzə̀ rú wir Nyùy, və́yí kù sə̀y fó yuv, e tòn wò vèn à wír vé vee mtàne.» Və́yí ku nèn sə̀y fó yuv, e tòn wun wùn à wír və́ vee mtàne, á kpúkír.

1 Samuel 6:19

Wír veé Bet‑Shemesh ámóʼó‑oò lò, e tùytí sí e ŋkùv mensàŋ. Nyùy Tàr nèn yùyrí áwune wír msaàmbà. Wír veé Bet‑Shemeshi wáa sòv kitú e ŋàŋ, bìʼ fo Nyùy Tàr‑iì teèn wíri anín.

Kintaŋ 16:49

A wír ve vé‑eè kpuun kpú kifə̀ʼə‑əə̀ dzə̀ kishóv ghií saàmbà aànsə̀kìi nshòv sikweè e ghvə̀m (14,700), e bóo lì ve vé‑eè kpuun bìʼ kinyo ke Kora.

Cù 16:1

Yì‑iì dzə̀ é ghan se wón Aaron vee abàá‑aà kpukin, áwune ve vé‑eè koʼtin e Nyùy Tǎr si, e və́y kisaŋe, Nyùy Tàr yòŋ Mooser,

Cù 10:5

Á nèn wìy, e lì dzə́n siy mo sí kù‑uù dzəə̀n e ndzə̀y sév sé cù sí wùn, e fəə̀sín kibeey shó, mo Mooser kì suuyin.

Ŋwàʼ Fəə 24:1

Nyùy Tàr màysì, e fò nsər sìn, e sùúy e Mooser jii, «Kóʼ é kitu ke gwan, e yèn mo. Kù yíi wìy vèn à Aaron, à Nadav, à Abihu, à vilìmbìy veé Isray vímóʼ ví msaàmbà. Vèn lóo meʼ fó, á tsə̀m ndzəə́, e làʼ kitú e nsay, a ghvəm mo, aá dzə̀ə́ kwaʼda.

1 Afòn 18:38

Və́y Nyùy Tàrí nèn sə̀y fó yuv, meŋkaʼ mè shwí wùn à nyàm cù, à tíy sí, à nsay, mendzə́v medzə̀m me mè‑eè dzəə̀n é bii mè yúm.

Ŋwàʼ Jov 1:16

Mo wù kù tíy tiísi, ŋgaà lìm wùmòʼ nèn siì bvə̀y, e sùúy e Jov jii, «Nyùy tsə̀nsí ne kishèv fo yuv, kí dzə́v njiì e dzə̀m, e yùyrí aŋgaà vé lìm adzə̀m, e laàr kifá kidzə̀m láarin, ku bèr mo vèr mòʼón cáʼ wo m leʼen ji m ku wìy, e fìʼtì e wò.»

Nsùyrì Nyùy 50:3

Nyùy wòsən wiyì, a bó yòʼ dzə̀ wù kfə̀n gòʼ kisə́sə. Və́y wo wú laar virə́ʼ láariné baári fo wun mbìy, a wù shaa e mvə̀m kinsəm ke wiy kí, a kí kar virə́ʼ.

1 Afòn 13:28

wù kóʼ, e dù yèn dzə́n rəy, a yí néŋ e ghaa dzəə, a bvərə̀ʼ wùn kimbèʼbìy kí tíy fo ghaŋ, a bvərə̀ʼ yoʼ kfə̀r dzə́n, a wù yoʼ kfə̀r kimbèʼbìy.