Cù 10:1 - ŊWÀʼ NYÙY

¹ Wón Aaron vee Nadav wùn Abihùu nèn lò, e lì vikáŋ vév vé kilay, e wày və́y shó, e neèr kiláy é kitu wo, e nèn a kfəmrí e Nyùy Tǎr si. A dzə̀ və́y kisaŋe mo vé‑eè ton bèy, bìʼ fo Nyùy Tàr yòʼ‑oò lo yòŋ ji dzə̀ á yiì bey.

Cù 10:1 Referans Kwoze

Kintaŋ 26:61

Yii bèy, Nadav wùn Abihu kpúkír é ghan se vé‑eè cu Nyùy Tàr e və́y kisaŋe.

Cù 16:12

é wù li káy se və̀y fó *kiy cù kilay e Nyùy Tǎr si e kikaŋ ke və̀y kirúnén, e ŋèʼ sa kiláy ke kpuún kí, ke kí rəʼtìnè, viwó vibaà, e soo raŋ, e nəə́ sho e kirə̀ʼ ke dzəə̀n kee jeéy kí féyì.

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Kintaŋ 16:46

Mooser suúy e Aaron jii, «Lì kikáŋ ké ki, e lì və́yí fó kiy cù, e wày shó, e neèr kiláy shó, e dù sho cér fo màŋgòŋ dzəə̀n, e *kfə̀mrí áwune, bìʼ fo dòʼshwiiy Nyùy Tàr koʼon ne, a kifə̀ʼ ki sì e wírí mvəm.»

Ŋwàʼ Fəə 24:1

Nyùy Tàr màysì, e fò nsər sìn, e sùúy e Mooser jii, «Kóʼ é kitu ke gwan, e yèn mo. Kù yíi wìy vèn à Aaron, à Nadav, à Abihu, à vilìmbìy veé Isray vímóʼ ví msaàmbà. Vèn lóo meʼ fó, á tsə̀m ndzəə́, e làʼ kitú e nsay, a ghvəm mo, aá dzə̀ə́ kwaʼda.

Ŋwàʼ Fəə 6:23

Aaron‑eè kòóy Elisheba ji wiíy, a dzə̀ wan Amminadav, a kfə̀n dzə̀ jemèr Naashon. Wùn wun dzəə́ Nadav wùn à Abihu, à Eleasar, à Itamar.

Nsùyrì Nyùy 141:2

Ku səə̀sí bunrì yém rə́ne ji kiláy ke á ton e wò, e səə̀sí wó ye m nan e yuv rə́ne ji cu yee ŋkuùr.

Cù 22:9

Kù dzə̀ jii, atàá cù adzə̀me wáa yiì vinyo ve m suuyin vin. Là bey, bo á yíi lì njò, e kpukír mo á leeyin nsər sém ntéŋ. Dzə̀ mo Nyùy Tàr wo m kù yii, bo áwune wáa dzə aránén ji wír vém.

Ŋwàʼ Fəə 28:1

Nyùy Tàr kfən sùúy e Mooser jii, «Suúy ji á wiy á e Aaron woo ŋgàywìr yè, é wù wiy á wùn à Nadav, à Abihu, à Eleasar, à Itamar vee wón və́. Á ku fə̀ə́r áwune fo wír veé Israyí mvəm, aá fíʼ a lìm ji atàá cù vém.

Ŋwàʼ Fəə 24:9

Mooser nèn lò, e kòʼ é gwan wùn à Aaron, à Nadav, à Abihu, à vilìmbìy veé Isray vee msaàmbà vìy vi. Wùn áwune yén Nyùy wo dzəə̀n woó Isray, a mfiì dzə̀ e wun sar wuù, a yì kiʼ moo *síbaŋ ye á yoŋ ji safiri, a yí səə́ne moo yúv bey.

Cù 16:1

Yì‑iì dzə̀ é ghan se wón Aaron vee abàá‑aà kpukin, áwune ve vé‑eè koʼtin e Nyùy Tǎr si, e və́y kisaŋe, Nyùy Tàr yòŋ Mooser,

Cù 9:24

Nyùy Tàr ku nèn tsə̀nsí və́y, wú wìy, e laàr cu ye tonèné wùn à fóm si fó kiy cù. Wìr dzə̀m yén, e bùʼ shirəə́, e tsə̀m sí e nsay.

Ŋwàʼ Fəə 27:3

À kù wíy fèr kifá kidzə̀m keé ghaa kiy cù e kisha kee brons ki. Vifá moo vikáŋ ve á wáy kibvə́ sho wùn à viŋkwaà vi, à vighín ví, à vimbav ve nyàm vi, à vikáŋ ve á fəər káy se və̀y shó vi.

Hibru 9:4

A dzə̀ fo kíy ye vé‑eè ton kiláy ké Nyùy shoo‑oò tíyí, aá fér a dzə̀ e *kisha ke mbàm ke baar kí. Ŋkùv wáa tiy sa fo, aá yoŋ ji wo mensàŋ me Nyùy gwàrìn wùn à wíri, aá fér e kicí kí, e laàrì e kisha ke mbàm kee shooy ki. Viwaŋ ve tiy ví‑iì dzə̀ shó vibaà, a dzə̀ ve vé‑eè saŋen nsər se mensàŋ mèy sho. Mbìʼí wáa dzə sa e ŋkùv foo fèy, wùn à mbàŋ, aá fér mbìʼ woo shooy sa e kisha ke mbàm ki, e lèm kisəəm ké vifa ve yi vímóʼ ví shó, aá yoŋ ji *manna. Mbàŋ‑eè dzə̀ ye Aaron ye Nyùy‑iì yiìn, yì lò, a tèʼ tèʼèn.

Jeremia 44:15

Á bèy, vilum adzə̀m ve vé‑eè kiìn ji vikìy véví ton a kiláy, cu anyùy sho, e lì vikìy adzə̀m ve vé‑eè dzəə̀n fó si, à wìr dzə̀m wo wù‑uù dzə́ e Patros, e nsay Ejiv, màŋgòŋ və̀n e dzə̀m nèn tàtí, a bìnèr e Jeremia, a waamé waamén jii,

Jeremia 44:8

Vèn fer anyùy e wó yéné é nsay Ejiv fèn fo vèn wìyìn, a dzə, ton kiláy, cu sho, ŋáʼar dòʼshwíiy wom ji ka? Vèn taʼ ji á yiì laàr ven, é vitúm veé kitu ke nsay vi li yír yén ji liy, a jàʼ ven jáʼan a?

Jeremia 32:35

Áwune kfə̀n‑eè bòm kirə́ʼ ké cù ke nyùy woo Baal e Kiwoóy ké Ben Hinnom, a lì wón vév vee vilum wùn à vee vikìyí, a yiì cu sho e nyùy woo *Molek, a bó m yòʼ‑oò yiì yòŋ kinyo kee bey, a bó kí yòʼ fə̀m‑eè yiì ne a dzə e mǒ kwàʼtì ji áwune yii kfə́ə joònè woo ben, e yiì, é Juda jáy.»

Jeremia 19:5

Vé‑eè bòm virə́ʼ vé cù ve nyùy woo *Baal, a tònrì wón vév fó, a cù wun sho, a m yòʼ‑oò yiì yòŋ kinyo kee bey, kìn ji m fó sáʼ yímóʼó bey, a bó kí yòʼ fə̀m‑eè yiì ne a dzə e mǒ kwàʼtì.

Jeremia 7:31

Á kfə̀n bàʼrì kíy se cù símóʼ sí é Kiwoóy ké Ben Hinnom, aá yoŋ ji sé Tofet, e nèn a tòn wón vév vee vilum wùn à vee vikìyí fó ji cu, a m yòʼ‑oò yiì yòŋ kinyo kee bey, a bó kí yòʼ fə̀m‑eè yiì ne a dzə e mǒ kwàʼtì.

Remrí 17:3

a cù anyùy ámóʼó, e kfə̀n a ghvəm, kìn dzə̀ shúy, kìn dzə̀ ŋwee, kìn dzə̀ kifá kímóʼ kí é yuv, a mò‑oò shàʼnín ne,

Remrí 4:2

Vèn kú a lèm a dzə̀ nsər se Nyùy Tàr woo Nyùy wòsən se m yoŋ e vèn sí. Lá vèn yòʼ dzə̀sì kifá e vinyò ve m yoŋ e vèn, lá vèn yòʼ shòʼór kifá fo fo.

Ŋwàʼ Fəə 40:27

e tòn kiláy ke rəʼtìn kí shó, kù mo Nyùy Tàr‑iì suuyin e wun.

Ŋwàʼ Fəə 38:3

Wù kfən fèr kifá kidzə̀m keé ghaa kiy cù e kisha kee brons ki. Vifá moo vikáŋ wùn à viŋkwaà vi, à vighín ví, à vimbav ve nyàm vi, à vikáŋ ve á fəər káy se və̀y shó vi.

Ŋwàʼ Fəə 37:29

Wù kfən fèr meŋgvə́r me yoʼ mee jeéy ji me Nyùy, e fèr sa kiláy ke rəʼtìn kí, kee wúntí kíwun, a vifá vìn vi rəʼtìn moo vé ŋgaà wo wù fer biʼ se rəʼtìn sí bey.

Ŋwàʼ Fəə 31:11

Áwune wíy fèr sa meŋgvə́r me yoʼ, à kiláy ke rəʼtìn kí ke á wíy a tòn e mǒ kirə̀ʼ kee jeéy. Áwune kù wíy fèr vifá vìn vidzə̀m réŋréŋ mo m naàrìn e wò.»

1 Afòn 18:38

Və́y Nyùy Tàrí nèn sə̀y fó yuv, meŋkaʼ mè shwí wùn à nyàm cù, à tíy sí, à nsay, mendzə́v medzə̀m me mè‑eè dzəə̀n é bii mè yúm.

Ŋwàʼ Fəə 8:27

Vèr kér fó dù ghán yee vishiíy vitaár e kirə̀ʼ ké woʼ kí, e cù Nyùy Tàr woo Nyùy wor mo wù yíi dìn e vèr.»

Kintaŋ 4:18

«Vèn wáa yen fo kinyo ki koóy kfə́ə Kohat, aáwune lay fo rám Levìí mvəm.