Cù 1:9 - ŊWÀʼ NYÙY

⁹ Ké vito wùn à vikoy vi kí dzə̀, a ŋgaà cù kù tombìy sù e mendzə́v mè. Á bèy, é taà cù nèn tòn kifá kidzə̀m e kiy cù ji cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Cù 1:9 Referans Kwoze

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»

Cù 1:13

Ké vito wùn à vikoy vi kí dzə̀, a ŋgaà cù kù tombìy sù e mendzə́v mè. Á bèy, é taà cù nèn tòn kifá kidzə̀m e kiy cù. Dzə̀ cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

2 Korin 2:15

A kù dzə̀ ver ve dzəə̀n kiláy kee shoon ke Kristu ghán, ton fo Nyùy, a kí kóʼ e wìr dzə̀m wùn, kìn dzə̀ ve á wíy lùŋ, kìn ve á wíy lày.

Esiker 20:41

M wíy fəə́r ven fó vitum fo vèn‑eè taʼrin, e dù, e baʼtí kirə́ʼ kimòʼón, e nèn səəsí ven moo cu ye á ton, yí wàa rə̀m, a rə̀ʼtìn, vitúm vi lóo yen, é ví fíʼ a kiíy ji m dzə̀ á e ránén ji Nyùy.

Cù 3:11

Bo taà cù sí ton e kiy cù ji cu vifa ve yi, cu Nyùy Tàr ye və́yí bin fo fo.

Ŋwàʼ Fəə 29:18

e tatí, e tòn kidzə̀m e kiy cù. Dzə̀ cu Nyùy Tàr ye á ton e dzə̀m. Kù dzə̀ cu ye və́yí bin fo fo, kiyúy kfə́ kí rəʼtìn, boŋ mo féyì.

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Esiker 20:28

Mò‑oò lì áwune, e dù sho e wòŋ wo mò‑oò kàʼàn áwune shó. Á meé fó, yén gwan wo da, kìn kicí ke rəŋsìn kí, á nèn dù, a cù anyùy fo. Vé‑eè yii cu vifa ve yi, yii yé melùʼ, ton kiláy, tínsin mo shó.›

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Nsùyrì Nyùy 66:15

M wíy a see vinsòŋ ve nyàm, a tòn, a cù wò sho, é kindzə́ʼ ke cù yee viyáʼ vi kí wáa koʼ, a kùm mbàʼ. M wíy a cù wò aàmbòŋe wùn à bvə́y si.

Nsùyrì Nyùy 51:6

Rúrú, à kér ké shií é suuyrú wo wù lo a dzə̀ fó shiliv. Ku yèʼéy mo vifií vé, é ví nəə́ e mǒ kwàʼtì.

Cù 9:14

Á sù vifá ve mvəm ví wùn à vikoy vi, wù neér é kitu ke nyàm ye yì‑iì shwí e kiy cù, e tàtí, e tòn.

Cù 8:21

Á sù vifá ve mvəm ví wùn à vikoy vi, Mooser nèn tòn. Wù‑uù tòn kiyáʼ kee shooy kidzə̀m e kiy cù ji cu ye tonèné, réŋréŋ mo Nyùy Tàr‑iì yòŋèn e wun ji á yii. Kù dzə̀ cu Nyùy Tàr ye və́yí bin fo fo, a kirəm kfə́ kí boŋ Nyùy Tàr.

Cù 1:17

e nèn ghar shinə́n fó vàv si, e sàr, yii bèy, e làa yòʼ jàvsìn. Wù sar bèy, é wù nèn neèr e kitu ke meŋkàʼ me mè shwí e kiy cù. Dzə̀ cu ye tonèné, cu ye və́yí bin fo fo, a kirəm kfə́ kí boŋ Nyùy Tàr.

Ŋwàʼ Fəə 29:25

Áwune nanè, áà nèn sə̀ kidzə̀m fo áwuné wo, e dzə̀sì e nyàm ye á kì yíi tòn, e tòn kidzə̀m e kiy cù, é kiyúy kfə́ kí wáa rə̀ʼtìn, a bòŋ mo. Dzə̀ cu Nyùy Tàr ye və́yí bìnèn fó fo.

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Ŋwàʼ Fəə 12:9

Lá vèn yòʼ kfə̀r kifá fo fo, a kí dzə̀ kikó, kìn kinaán. Á kú a tòn tònèn wùn à kitú ki, à vikoy vi, e kfə̀n a tòn sa vifá veé bvə̀m.

Cù 4:31

Wù yíi fəə́r fóm se nyàm sidzə̀m mo á fə̀ə́r fóm fo nyàm cù kikòŋnìn, e tòn e kiy cù ji wáa dzə kirəm ke kí boŋ Nyùy Tàr. Á mo taà cù ku tàŋrí wír woo və̀y bèy, e màn ajay və́, é Nyùy laysin.

Kintaŋ 15:3

lóo cù Nyùy Tàr e cu ye və́yí bin fo fo, ji kirəm ki wáa rə̀ʼtìn, a bòŋ wun, á kù tàʼ nyam cù a dzə̀ fó ŋgoo nàʼ, kìn fó ŋgoo bvəy. Kú a dzə kíwun, kìn dzə̀ cu ye á ton nyám e dzə̀m, kìn dzə̀ ye á rúner kilìʼ, kìn dzə̀ yé kimbòŋwùn, kìn dzə̀ yee bìʼ ŋkàʼ se á yí e ghan see shó.

Kintaŋ 28:11

«Lóo dzə e kishiíy ké mbìy ki fó ŋwee, vèn yiì cu Nyùy Tàr ye tonèné. Á wíy a yiì a dzə̀ e wón nàʼ vee vilume abaà, a yiì e kiyáʼ ki kimòʼón, a yiì e wón viyaʼ vee kiyá kiyáa saàmbà, a nyám sìn sidzə̀m si kù dzə̀ see là nsem.

Remrí 12:27

Lóo dzə cu yén ye tonèné, vèn wìy e jav wùn à mensə́ mè e Nyùy woo Nyùy wón kiy cù. Ké mensə me cù yén, aá leér e Nyùy Tàr woo Nyùy wón kiy cù. Fo ké jav nyàm ki, a dzə̀ vèn yì.

Cù 2:2

Wù yii bèy, é wù nèn lì, e dù, e yèn wón Aaron sho, áwune vee vitó və́, vee atàá cù, é taà cù wùmòʼ ŋeʼ meŋkfəŋ fo meŋkfə̀ŋ me á cuùrìn ne meŋgvə́r shó mèy, kiwó kifur, e tàtí wùn à kiláy kí, e tòn e kiy cù ji sàʼ vifa ve cù. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Cù 2:9

e fə̀ə́r vímóʼ ví ji sàʼ, e tòn e kiy cù. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Cù 2:16

Taà cù yíi ŋòʼ mbìv yìmòʼ, e tatí wùn à kiláy kí, e tòn ji sàʼ. Bo dzə̀ cu Nyùy Tàr ye və́yí bin fo fo.

Cù 3:5

Wón Aaron vee vitó və́ vee atàá cùu yíi lì, e tòn e kiy cù, aá ku neèr a dzə̀ é kitu ke cù ye tonèné, ye yí siìn é kitu ke meŋkàʼ. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Cù 6:14

Nsər se cù vifa ve yi si síne. Wón Aarone yii cu ye dzəə̀n vifá ve yi, á wìy shó e ghaa kiy cù, e dìn e Nyùy Tàr.

Cù 8:28

Mooser nen kfə̀n sə̀ fo áwuné wo, e neèr e kitu ke nyàm ye yì sí shwí e kiy ji cu ye tonèné, e tòn ji cu kinjoʼ. Dzə̀ cu Nyùy Tàr ye və́yí bin fo fo, a kirəm kfə́ kí rəm, rəʼtìnè.

Kintaŋ 28:7

Cu melùʼ ye á bár e wàn kiyaʼa wíy a dzə lita melùʼ, aá wíy a màʼ e ghaa kiy cù.

Kintaŋ 28:8

Wàn kiyaʼ wo á yii cu sho e ŋkuùr, á kù wíy a bar cu vifa ve yi moo yee kijàvndzə bèy, wùn à cu rə́ melùʼu. Kù dzə̀ sá cu ye və́yí bin fo fo, ye kirəm kfə́ kí rəʼtìn, boŋ Nyùy Tàr.

1 Wòŋ 6:34

wo yì‑iì dzəə̀n wan Elkana woo wan Jeroham, woo wan Eliel woo wan Toa,

2 Wòŋ 4:6

Á kfən fèr mbìʼ sí e ghvə̀m se á wáa sù vifá sho, e tìír see sitàn e mbìv ye yì kiʼ tsə́n, e tìír see sitàn e mbìv yè yì kiʼ kuy. Mbìʼ sin si‑iì dzə̀ se á wáa sù vifá ve cù ye tonèné shó, áàtàá cùu wáa sù wún fó mbìʼ woo Rìbà Ndzə̀v.

Esiker 40:38

Vibuʼ ve ví‑iì nəə e maàndzə mvə̀m ví‑iì dzə̀, a wàn lav bár e wǔn kirəsí, kér shuu wo á nəə sho fo mvə̀m kirə̀sí. Yì‑iì dzə̀ fo vé‑eè su cu se tonèn sí.