Cù 1:5 - ŊWÀʼ NYÙY

⁵ Ŋgaàŋ yii bèy, é wù nèn seè nyám yee lumèn rə̀n e shùu kibàn ké ntàsín. Wù seé, áàtàá cù, áwune vee wón Aarone nèn lì mensə́, e nàn e Nyùy Tǎr si, e bóo dù, e waŋ e wǔn virəv vé kiy cù wo wú dzəə̀n é shùu kibàn.

Cù 1:5 Referans Kwoze

Cù 3:8

e shùu kibàn ké ntàsín, e neèr kiwó kfə́ é kitu wo, e seè é shùu kibàn ké ntàsín. Wón Aaron vee vitó və́ vee atàá cùu yíi lì mensə́, e waŋ e kiy cù, virə́v vidzə̀m.

Cù 1:11

e wìy sho e ghaa kiy cù, e mbìv ye yì kiʼ kuy, e see fo, e Nyùy Tǎr si. Wù seé, é wón Aaron vee vitó və́, vee atàá cùu nèn wàŋ mensə́ e wǔn kiy cù, virə́v vidzə̀m,

Cù 3:2

Wù yíi wìy sho e shùu *kibàn ké ntàsín, e neèr kiwó kfə́ é kitu wo, e see fo, áàtàá cù vee wón Aaron vee vitó vəə́ nèn lì mensə́, e wàŋ é virəv vé kiy cù vidzə̀m.

1 Pita 1:2

Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.

Hibru 12:24

Vèn áwune wìy ne, e yèn Jesus wo wù‑uù tiimen e Nyùy wùn à wírí nsàn, bo wù gwar *mensaŋ me fíy mè wùn à wíri. Vèn nén a tiy a dzə̀ e wun woo Jesus kitu ke mensə me mè‑eè tinen ven tínén fó lòn, e làa yòʼ way ven é lòn wáyín mo me Abel mè‑eè wayin Keen.

2 Wòŋ 35:11

Wír veé ram Levìi nèn a seerí wón bvəy Ŋkǎʼ Yáʼayshaà, aàtàá cùu sə́ mensə́, wáŋri e kiy cù, a wír veé ram Levìi nèn li bvə́y sìy, yuvì.

Cù 3:13

e shùu kibàn ké ntàsín, e neèr kiwó kfə́ é kitu wo, e seè fó. Wón Aarone yíi lì mensə́, e waŋ e kiy cù, virə́v vidzə̀m.

Ŋwàʼ Fəə 29:16

áà seé, e lì mensə́, e wàŋ é virəv vé kiy cù vee vikweè.

Hibru 10:11

A ké atàá cù veé *mensàŋ me mvə mè ki dzə̀, a vé‑eè rə́si tíy kév vishiíy vidzə̀m, táŋri antàŋrí, a bó yòʼ dzə̀ féyì antàŋrí vee shooyi yiì, wìr ràn fo wùn vinyò ve bi ví.

Mayka 6:6

Éè mò, m fèn yíi lòo wìy ji m suyrì Nyùy Tàr woó yuv, a wìy e ka kí vèné? M fèn yíi lòo tsəm e wun woo Taà Ndzə si, a tsəm vèr à ka kí? A dzə̀ rú m lòo koʼtí e wun si, m yiì a dzə̀ cu ye tonèné, mo a dzə̀ m wàa wìy a dzə̀ e wón nyàm vee kiyá kiyáa á?

Esiker 36:25

M wíy tsəm shindzə́v she ranén shí e věn wùn, é vèn rán fó kifàn ke vèn‑eè liìn bìʼ vinyo vidzə̀m ve vèn‑eè lorin vitú vén shó. Vèn wíy ran fo kifàn ke vèn‑eè ghvəmen mebvə̀m, e lì.

Aysaya 52:15

Mo vé‑eè méŋnin wun, kù dzə̀ mo vitúm vinín vi wíy a leéy wun lèn, a ker gháʼ. Afone wíy a leéy wun, é shúu wáa ma áwune. Kí dzə̀ jii, kinyo ke á yòʼ‑oò yiì ne fìʼtì aáwune, aá yén mo kí dzəə̀n, é ke áwune yòʼ‑oò yiì ne yù, aá kiíy mo kí dzəə̀n.»

Kintaŋ 18:17

Yii bèy, a dzə̀ wan nàʼ woo dzə́ə mbìyi, kìn dzə̀ wo bvəy njiì, kìn wo bvəy loŋ, bó vèn yòʼ wíy a tin. Vee shooyi kù sì kifá ke Nyùy. À wíy waŋrí mensə́ mev é kiy cù, e tòn fóm ji cu ye və́yí bin fo fo, a kirəm kfə́ kí boŋ Nyùy Tàr.

Cù 16:15

«Wù fəə́, é wù nèn seè kibév ke cù ajay wíri, e lì mensə́, e nəə́ sho e kirə̀ʼ kee jeéy kí féyì, e yiì sho mo wù kì yiìn e mensə́ me nàʼ mè, e waŋrí e nsər ŋkùv mensàŋ fo yuv, e kfə̀n waŋrí e wǔn ŋkùv mensàŋ fo mbìy.

Cù 1:15

Wù wiy sho, é taà cù li, e dù sho e ghaa kiy cù, e tòy kilòŋ fó fo, e màʼ e kiy, e lì shinə́n, e jiír mensə́ mvə é ghaa kiy cù.

Ŋwàʼ Fəə 29:11

áà nèn seè fó, e mǒ si,

Cù 4:29

Wù wiy sho, é wù kóʼór fo á yii seé ye cù ye tonèné, e neèr kiwó kfə́ é kitu wo, e see fo.

Cù 4:33

Wù wiy sho, é wù kóʼór fo á yii seé ye cù ye tonèné, e neèr kiwó kfə́ é kitu wo, e see ji cu yee bìʼ lǒn jay.

Cù 17:11

Dzəʼə̀m kifa ke ŋeʼèn kí e dzə̀me dzə̀ é mensə. M nen fò mensə́ ji á wáa cùtì e kiy cù, a taŋrí ven shó. Mensə́ mè dzə̀ dzəʼə̀m, nén a dzə mewun me mè mán ajay.

1 Samuel 1:25

Á dù, e seè nàʼ, e nèn lì wán, e dù fò e Eli.

Esiker 43:18

Nyùy Tàr nèn lò, e yòŋ mo jii, «Wàn wìr msòŋ, yuúrí nsər se m fó kùm kíy cù wo á wíy a yiì cu yém fó, a waŋrí mensə́ shoo, a kù fó mo woo Nyùy Tàr woo Taà Ndzə. Wíy lóo dzə e kishiíy ke á bàʼrìn kíy cù və̀n,

Ŋwàʼ Fəə 40:6

«Ké *kiy cù woo wó cù ye tonèné, à yíi tiír e maàndzə, e ŋkìʼnìn shuù wo wú nəə e kibàn,

Cù 4:7

e nèn kfə̀n yoʼ mensə́ e loŋ se kiy cù kilay wo wú dzəə̀n é kibàn ké ntàsín fey, e nèn fəə, e leér kibér ke mensə e kiyìy ke *kiy cù woo wó cù ye tonèné, a wú dzə̀ é dzəə̀ ndzə, e shùu kibàn.