Cù 1:4 - ŊWÀʼ NYÙY

⁴ Wù yíi neèr kiwó e kitu wo, é Nyùy Tàr nèn biìmé cu rə́ ji ntàŋrí, e bóo lò, e man ajay və́.

Cù 1:4 Referans Kwoze

Cù 4:26

A wù yíi tòn fóm se nyàm sidzə̀m e kiy cù moo fóm se cù kikòŋnìn bèy. Á mo taà cù ku tàŋrí taà saʼ bèy, e bóo man ajay və́, é Nyùy laysin.

Cù 4:20

Wù kù yii e wàn nàʼ və̀n réŋréŋ mo wù‑uù yiìn e wo á cuùn Nyùy sho bìʼ və́ə woo jay. Wù yii bèy, bo sì cu ye yí manen jay wìr veé Isray, Nyùy láysín.

Cù 3:8

e shùu kibàn ké ntàsín, e neèr kiwó kfə́ é kitu wo, e seè é shùu kibàn ké ntàsín. Wón Aaron vee vitó və́ vee atàá cùu yíi lì mensə́, e waŋ e kiy cù, virə́v vidzə̀m.

Cù 3:2

Wù yíi wìy sho e shùu *kibàn ké ntàsín, e neèr kiwó kfə́ é kitu wo, e see fo, áàtàá cù vee wón Aaron vee vitó vəə́ nèn lì mensə́, e wàŋ é virəv vé kiy cù vidzə̀m.

Ŋwàʼ Fəə 29:15

«Áà nèn lì kiyáʼ kee kimòʼón ki, é Aaron wùn à wóné neer wó yév é kitu wo,

Ŋwàʼ Fəə 29:10

«À wíy koʼór wan nàʼ e shùu kibàn ké ntàsín, é Aaron wùn à wón vəə́ neer wó yév é kitu wo,

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

Cù 4:31

Wù yíi fəə́r fóm se nyàm sidzə̀m mo á fə̀ə́r fóm fo nyàm cù kikòŋnìn, e tòn e kiy cù ji wáa dzə kirəm ke kí boŋ Nyùy Tàr. Á mo taà cù ku tàŋrí wír woo və̀y bèy, e màn ajay və́, é Nyùy laysin.

Ŋwàʼ Fəə 29:19

«À wíy maysì kiyáʼ kímóʼ kí, é Aaron wùn à wóné neer wó yév é kitu wo,

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Aysaya 56:7

á wír ve m wíy yiì, aá wáa wìy e mǒ gwan wo ranén. Á kù wíy a wàʼrì, a wìy e mǒ lav bùnrì, a sheʼrí mo. M wíy səəsí cu yév ye tonèné wùn à ye seeríné e mǒ kiy cù, aá wíy a yòŋ lav yem ji lav bùnrì fo vitúm vi vidzə̀m.»

Kintaŋ 15:25

Á wiy sho, é taà cù nèn yiì cu, e màn jay màŋgòŋ woó Isray sho. Wù máné, é Nyùy nèn làysìn jay wov, bìʼ fo á yòʼ‑oò lo jày e kúmé, bo taaka mo á kfə̀n wìyìn ne e cu see bìʼ jay wov sí, e cù Nyùy Tàr e cu ye və́yí bin fo foo, e kfə̀n yiì cu ajay.

Cù 16:24

Wù lemè, é wù nèn dù, e sù wún é kirə̀ʼ kee jeéy kímóʼ kí, e màʼ lèn ndzə̀y sə́ see siy, e nèn dù, e yiì cu rə́ ye tonèné, e yiì sa yé wíri, e màn ajay və́, à vé wírií.

Cù 16:21

Wù wiyì, é wù neer wó rə́ é kitu wo, e tuùné vinyo ve wìr veé Isray ve bi ví vidzə̀m wùn aàjay véví, à liì kisaŋ wov e dzə̀m. Wù yii bèy, bo wù siìr ne vinyo vìn e kibév kí kitu, é wìr wo wù kì yíi jùm nèn tsəə̀né, e dù sho e kwaʼ.

Cù 9:7

Wù nèn yòŋ e Aaron jii, «Kóʼtí, e wìy e ghaa kiy cù, e yiì cu yé yee bìʼ ajayi, à ye tonèné, e màn ajay vé, e màn sá vé wíri.» Áà nèn wìy e cu wìr veé Israyi, e màn ajay vév mo Nyùy Tàr yòŋèn.

Cù 8:22

Mooser nèn kòʼór lèn kiyáʼ ke yì‑iì dzəə̀n ké kinjoʼ, Aaron wùn à wóné neèr wó yév é kitu wo.

Cù 8:14

Mooser lò, e kòʼór nàʼ woo lumèn woo bìʼ cu ajay, Aaron wùn à wón vəə́ neér wó yév é kitu wo.

Cù 4:35

Wù yíi fəə́r fóm se nyàm sidzə̀m mo á fə̀ə́r sé wàn kiyaʼ woo wo cù kikòŋnìn, e nèn tòn e kiy cù, a wù yíi neèr a dzə̀ é kitu ke nyàm ye á sí ton, e fo ji cu Nyùy Tàr ye və́yí bin fo fo. Á mo taà cù ku tàŋrí ŋgaàŋ bèy, e màn jay və, é Nyùy laysin.

Cù 4:29

Wù wiy sho, é wù kóʼór fo á yii seé ye cù ye tonèné, e neèr kiwó kfə́ é kitu wo, e see fo.

Cù 4:24

Wù wiy sho, é wù kóʼór fo á yii seé ye cù ye tonèné, e neèr kiwó kfə́ é kitu wo, e see e Nyùy Tǎr si. Dzə̀ cu ye yí tsəʼ lǒn jay.

Cù 4:15

Á wiy sho, vilìmbìy ve wíri ví neer wó yév é kitu wo, aá nèn seè fó e Nyùy Tǎr si,

Cù 4:4

Wù yíi wìy e wàn nàʼ və̀n e shùu *kibàn ké ntàsín, e neèr kiwó kfə́ é kitu wo, e nèn see e Nyùy Tǎr si.

Cù 3:13

e shùu kibàn ké ntàsín, e neèr kiwó kfə́ é kitu wo, e seè fó. Wón Aarone yíi lì mensə́, e waŋ e kiy cù, virə́v vidzə̀m.

Hibru 10:4

A kí dzə̀ bey, bìʼ fo bó yòʼ dzə̀ féyì, mensə́ me nàʼ wùn à me bvəy mè yiì, wìr ràn fo wùn vinyò ve bi ví.

Ŋwàʼ woó Rom 5:11

A bó yòʼ jòʼsì kishéʼrì ke vèsən wíy a ker e ghan see shooy. Vèsən sí yú vijuŋ lèn vèsən à Nyùy, mo Tàr wòsən Jesus Kristu yiìn ne, vèsən à Nyùy koó viŋkar.

Ŋwàʼ woó Rom 3:25

Wù‑uù tùm Jesus Kristu ji wù kpú fo wíri, e tàŋrí áwune, é wun fíʼ làysìn ajay wìr ve á biimen ntàŋrí woo shooy. A Nyùy‑iì yii bèy, fó dìn ji wun kù yii sáʼ ajay ve wíri jáy adzə̀m. Yii bèy, mo wíri kù‑uù jáy fo ŋgùʼ, la wù yòʼ a saʼ, wù‑uù kfə̀mén, e tìír nsaʼ yev.

Daniel 9:24

«Ku kìíy ji Nyùy lèm ne ntàm bìʼ vinyo ve wìr vén, à vé ŋkàlaʼ yen ye ranén ví, a ntàm rə̀n dzə̀ kiyá saàmbà kàŋ msaàmbà. Wù lèm ji á mayir á yii ye bií, é vinyo ve á jáy vi seéy, aá kfən màn lòn woo bìʼ vinyo ve bi ví, é Nyùy nèn tìír kinyo kee tínén é nsànloŋ, é kí wáa tiy fo ŋkuuŋkùŋ, e kfə̀n tiír kinyo ke wù‑uù ghemen ndzə e wír vəə́, à ke wù‑uù tumen aŋgàa ntum və́ shó ki. Wù tiirì, aá nèn *kfə̀mrí kirə́ʼ keé lav cù kee jeéy kí féyì.

Kintaŋ 25:13

A mè dzə̀ jii, wùn à rám rəə́ kù wíy a dzə atàá cù, e wìy dù, e mày, bìʼ fo wù‑uù dìnèn shií ji á ghvə́m a dzə̀ á Nyùy və. Á bèy, wù nèn lì kilíŋ, e màn jay wìr veé Isray.»

Kintaŋ 15:28

Wiy sho, é taà cù nèn màn vinyo ve ŋgaàŋ sho e Nyùy Tǎr si, bìʼ jay wo wù jayin là kiíy, é Nyùy nèn làysìn.

Kintaŋ 8:12

Aaron yii bèy, é wír veé ram Levìi nèn neèr wó yév aànàʼá kitu, áà nèn lì wo mòʼón, e cù Nyùy Tàr shó ji cu ajay, e lì wùmòʼ ji wo cù ye tonèné, e fíʼ manrí ajay wìr veé ram Levi sho.

Cù 22:27

«Nyàm dzəə wán, kìn dzə̀ nàʼ, kìn dzə̀ njiì, kìn dzə̀ bvəy loŋ, bo wàn dzəʼtì kishiíy saàmbà wùn à kiyìy kí. Wàn mee kishiíy waamé, bo dzə̀ á lì lèn, e cù Nyùy Tàr shó ji cu ye və́yí bin fo fo.

Cù 22:21

A wìr lò, a cù Nyùy Tàr a dzə̀ e cu kikòŋnìne ji wun rúnsí ŋkàʼmé, kìn ji wun yii cu a dzə̀ yé kimbòŋwùn, wù kù tày nyám a dzə̀ fó ŋgoo nàʼ, kìn fó ŋgoo bvəy. A nyàm rə̀n kù kér fó a dzə là nsem, é bo Nyùy biímé cu rə́.

Cù 6:7

Á bèy, é taà cù nèn cù Nyùy Tàr shó, e tàŋrí ŋgaàŋ, é Nyùy Tàr laysin kinyo ke wù‑uù yiìn fó vinyò fèy, e bóo lì njò.

Cù 5:6

e kfə̀n cù Nyùy Tàr, e fíʼ làʼ njò rə bìʼ kinyo ke wù kì jayin. Wù yíi wìy e njiì, kìn e kifum ki fó ŋgoo bvəy ji cu yee bìʼ lǒn jay, é taà cù táŋrí wun, e màn jay və.

Ŋwàʼ Fəə 28:38

Aaron kù wíy a ker kicí ké tan kin e wun yírvishi, wír veé Israyi lóo cù mo, fə́m jáy kinyo, é la m yòʼ kìv njò yev. Kí kù wíy a dzə e Aaron yírvishi, é mo woo Nyùy Tàr ku sə̀ cu yév e dzə̀m.

Ŋwàʼ Fəə 29:33

Kù wíy yi áwune vifá ve á manen ajay sho e ghan se á yoʼon áwune. Kù wíy a yi atàá cù cáʼ, bìʼ fo dzəə̀n vidzə̀ vém.

Cù 4:33

Wù wiy sho, é wù kóʼór fo á yii seé ye cù ye tonèné, e neèr kiwó kfə́ é kitu wo, e see ji cu yee bìʼ lǒn jay.

Kintaŋ 8:10

À kóʼor áwune e Nyùy Tǎr si bèy, é wír veé Israyi neer wó yév aáwuné kitu,

Esiker 45:15

Mo vèn kér kwáʼ wo juŋ wó a lìy bvə́y sho e nsay Isray, ŋgoo bvəy mee ghii baà, vèn fə̀ə́r bvə́y fo fo e mòʼón. Vifá vìn vidzə̀m vi wíy a dzə vé cù vifa ve yi wùn à ye tonèné, à yé kikòŋnìne, aá yii cu sho, e fíʼ man ajay wíri. Suuy mo woo Nyùy Tàr woo Taà Ndzə.

Cù 8:18

Mooser nèn lò, e kòʼór kiyáʼ ke cù ye tonèné, Aaron wùn à wón vəə́ neér wó yév é kitu wo,