Cù 1:3 - ŊWÀʼ NYÙY

³ «A cu rəə́ dzə̀ ye tonèné, ye á yii ton a dzə̀ nàʼ, bo wù táy nyám yee lumèn, yee là nsem fo ŋgoo nàʼ, e wìy sho e shuù wo wú nəə e kibàn ké ntàsín ji Nyùy Tàr ku biìmé a cu rə́.

Cù 1:3 Referans Kwoze

Remrí 15:21

A nyàm yee shooy ndzə̀m, kìn dzə̀ ji dzə̀ yee ntèŋ, kìn yì fìr, kìn yì kér a dzə̀ njò yìmòʼ, a fə̀m dzə̀ rəné, lá vèn yòʼ kfə̀n lì, a cù Nyùy Tàr woo Nyùy won shó.

Hibru 9:14

Mo mensə́ me nyàm mè‑eè kér vitaáví fó naŋsín ŋgaà kifàn, bo me Jesus Kristu mè‑eè yiì kinyo, e shaà kee shooy feyì. Mo wù‑uù foon kitú kfə́, e kpù, a bó wù yòʼ kér njò yìmòʼ ye dzəə̀n ji rə́ə, Kiyoy ke Nyùy ke kí gòʼòn kàŋ mòʼón ki nèn yiì, woo shooy woo ntàŋrí náŋsín melív mèsən lèn, vèsən bóy fó vinyò ve vé‑eè yii, a bó yòʼ dzə̀ ví sə̀ wír wù ghèén fo Nyùy. Vèsən nén a dzə lèn vèsən à Nyùy, a lìm fo fo.

Ŋwàʼ Fəə 12:5

Wàn bvəy və̀n kú a dzə woo lumèn, a dzə là ndzə́m. Vèn tar fo věn mvə̀m njiì, kìn fó mvə̀m bvəy se loŋ,

Efesor 5:27

A Kristu‑uù nàŋsín áwune bey ji wáa dzə ji kfə́ kee kintatì, a bòŋkìr, a njàʼkìr mo kifá ke Nyùy ki yii dzə́. A dzə̀ jii, kí wáa dzə a là shilóm, e làa yòʼ a ker nsem yìmòʼ gheéy, a dzə bèn là jay.

Remrí 17:1

Mooser suúy e wír veé Israyi jii, «Lá vèn yòʼ wìy a yiì cu Nyùy Tàr woo Nyùy won e nyàm ye yì kér nsem, kìn dzə̀ nàʼ, kìn njiì. Kee shooy ki kóʼoy fo wun.

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

Efesor 2:18

Vèsən adzə̀m nén a dzə lèn, a dzə̀ á wàa beè Kiyoy ke Ranén kí, a koʼtí e Nyùy woo Tàr wòsə́n si. Aá kù bee a dzə̀ Kiyoy kee shó kimòʼón.

Kèʼlo 22:8

Abraham bìnèr jii, «Wan wom, Nyùy kitú kfə́ yíi fo wan njiì wo á cu wun sho.» Áwune vee wír abàá nèn kù a dù kiwuú kimòʼón.

Joon 1:36

Jesus nèn a shaà, wù kfən sùúy jii, «Vèn yén wír wo wù dzəə̀n moo wan njiì wo Nyùy seé, e taŋrí wíri shó.»

2 Korin 9:7

Yii bèy, wìr lóo fo, wù wàa fo mo wù wayin fo wùn shiliv. La wù yòʼ a fo, a ŋònkìr, kìn wù fó mo á kàn wun kánen. Vèn wáa kiíy jii, ŋgaà fómo wo Nyùy shéʼri dzə̀ wo wù fó, ŋwaŋè.

Malakay 1:14

«Lòné dzə̀ wó wìr wo wù mum ji wun bóʼ mo, fəər nyám fo mvə̀m kày, a dzə̀ ye yì kér nsem ji wun cu mo shó, a kinsòŋ ke nyàm ke wù‑uù kàʼàn ji wun wíy cù mo shó ki kù dzə̀ é kày. M dzə̀ Fon wo kuʼùn, aá ghvə́m mo vitúm vidzə̀m. Suuy mo woo Nyùy Tàr woo Taà Mànjòŋ.»

Esiker 20:40

A dzə̀ jii, ghán sí wíy gheén, é wìr dzə̀m woó Isray wiy, a cù mo a dzə̀ e mǒ gwan wo ranén, gwan wo wù taá vitú e nsay Isray. Dzə̀ fo m wíy a yu vijuŋ vén, a shìy ji vèn wáa wìy aàfómo véné, a wìy e vifá ve ntay vi, a wìy e vifá ve cù vi, a dzə̀ vee jeéy ví ji vém.

Nsùyrì Nyùy 110:3

À wíy fəə rə́r é kishiíy fó, é wír vée wiy, a fo vitú vév. Awàʼ vée wíy wìy, e tom wò, a kaarí aàgwan ve dzəə̀n vé Nyùy moo ŋweʼ ye yí gbu kijàvndzə.

Nsùyrì Nyùy 40:8

Éè Nyùy wom, m kér shií fó a yiì kinyo ke à sìysìn. Ntir yè lum e mǒ shiliv.»

Kintaŋ 29:13

Á keʼ e kishiíy ké mbìy ki, a yiì cu ye tonèné, cu ye və́yí bin fo fo, é kirəm kfə́ kí wáa rə̀ʼtìn, a bòŋ Nyùy Tàr. Vèn yii e wón nàʼ vee vilume nshòv sitaár e ghvə̀m, e yiì e viyáʼ vi vibaà, e yiì e wón viyaʼ vee kiyá kiyáa nshòv sikweè e ghvə̀m. Nyám sìn sidzə̀m si kú a dzə see là nsem.

Cù 3:1

«Wìr lóo cù Nyùy Tàr e cu kikòŋnìne, a wù fó a dzə̀ nyám fo ŋgoo nàʼ, bo wù kù táy a dzə̀ yee là nsem, kìn dzə̀ yee lumèn, kìn dzə̀ yee wiíy.

Ŋwàʼ Fəə 24:5

Wù nèn tùm wónlě nsùm veé Isray ámóʼó, á tàʼ nyám si, a cù Nyùy Tàr e cu ye tonèné wùn à ye á yii yii e nàʼ ji yé kikòŋnìne.

Kèʼlo 22:13

Abraham lòo màʼ sí, e nèn yèn kiyáʼ, a kí dzə̀ kitaŋsìn fó loŋ, e mvə̀m kighìn. Wù nèn dù, e lì kiyáʼ kìy, e tòn, e cù Nyùy sho e wǎn kiliŋ.

Joon 10:9

Dzə̀ mo shúu kày. Wìr wo wù shaàn shó, e nə̀ə́ wíy lùŋ moo njiì wo wù fəə́ fo kày, yíkir, kfə̀n kfə́n e kày.

Ŋwàʼ Luk 1:35

Nshìylav Nyùy bìnèr sho jii, «Kiyoy ke Ranén kí yíi wìy fo wò, é Nyùy woo Taà Vitu yii e vitaáví və́ ví, áà tiím bvəm. Bìʼ bey, aá nèn wìy a yòŋ wán woo shooy ji wo ranén, e kfə̀n a yòŋ ji Wan Nyùy.

Aysaya 1:11

Nyùy Tàr dzə́r jii, «Vèn seéri nyám sigháʼán, cu mo shó. Vèn cu bèy, kwaʼtì ji kí boŋ mo é gha? M yòʼ dzəə́ taʼ feyì ji vèn kfə́n a tòn viyáʼ, a cù mo shó, a tòn fóm se nyàm, nyám se vèn yiirin kijuŋ. M yòʼ dzəə́ yú vijuŋ ve mensə me ambòŋ, kìn me wón njiì, kìn me bvəy si, mensə́ me nyàm se vèn yii cu sho e mò.

Ŋwàʼ Fəə 32:6

Wù yòŋ bèy, yì bvəə́shí, e jàv, wír veé Israyi wìy e nyám si, a yiì cu sho, ton se tonèn sí, seéri se á yíi kfər ji cu kikòŋnìn. Á yiì bèy, e nèn dzə̀ʼə̀m, a yi vitú vév, a no meluʼ, e yiì lò tsə̀ə́m ceŋ, a sheʼrí shibvə̀m.

Ŋwàʼ Fəə 29:42

Cu rə̀ne kù wíy a dzə e ŋgwàʼ sí ŋgwàʼ si mo rám sén sí wíy a dzə. Á wíy a tòn cu rə̀n e shùu *kibàn ké ntàsín, e mo woo Nyùy Tǎr si. Dzə̀ fóo fèy, fo wòsò wíy a tarnín, é m wáa suŋnín wòsò.

Ŋwàʼ Fəə 29:18

e tatí, e tòn kidzə̀m e kiy cù. Dzə̀ cu Nyùy Tàr ye á ton e dzə̀m. Kù dzə̀ cu ye və́yí bin fo fo, kiyúy kfə́ kí rəʼtìn, boŋ mo féyì.

Kèʼlo 22:2

Nyùy suúy shó jii, «Lì wan wò, màyshó wan wò Aysi, wo à koŋè, e dù sho e nsay Moria, e tòn, e cù mo shó, e gwan wo m yíi dìn e wò.»

Kèʼlo 8:20

Noa nèn bòm *kíy cù wó a cù Nyùy Tàr shó, e shòʼtí nyám se nsər din ji see là *kifàn símóʼ sí, wùn à menə́n mee là kifàn mè, a tòn e kiy fèy, a cù Nyùy Tàr shó.

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Kintaŋ 23:3

Balaam lò, e sùúy e Balak jii, «Tiím e wò ghaa cù ye tonèné, é m du, e yèn ó ji vèr Nyùy Tàr sà‑áà tárnín á? Kinyo ke wù dìnèn e mò, bo dzə̀ kíwun ke m yíi suúy e wò.» Wù suúy bey, e nèn ŋàʼáy, e kòʼ é ntoò gwan.

2 Korin 8:12

A wìr kòŋ ji wù fó kifá mo wù kérí, Nyùy kù səə̀sí kifá kee shooy. A bó yòʼ dzə̀ wù wàa leéy ji wìr fó kifá ke bó yòʼ dzəə̀n vitaáví və́.

Joon 10:7

Wù nèn a suúy jii, «Vèn wáa kiíy rúrú jii, dzə̀ mo shúu kày wo njiì shaa sho.

Kintaŋ 23:19

Nyùy yòʼ dzə̀ wir msòŋ, e bó a boʼtí kimboʼtì. Wù yòʼ dzə̀ wan wìr msòŋ, e bó a kuvsín kwaʼtì rə́. Wù‑uù yiì ne sùúy kinyo, e làa yòʼ wìy yiì a? Wù‑uù yiì ne kàʼ kinyo, e làa yòʼ wiy yiì kíwun a?

Cù 17:9

a bó wù yoʼ wìy sho e shùu kibàn ké ntàsín ji yé Nyùy Tàr, bo á wíy fəə́r wun fo wír Nyùyí mvəm.

Cù 4:23

Á yii, wù kiíy kinyo ke wù kì jayin, bo wù wiy e kibév ki, a kù dzə̀ kee là nsem ji cu rə́.

Ŋwàʼ Fəə 35:5

wíri báʼtí, e fò á cu e Nyùy Tàr. Wìr wo wù koŋ, e fo cu e Nyùy Tàr, é wù fó *kisha ke mbàm ke baar kí wùn à ke fəvír kí, à kisha kee *brons ki,

Ŋwàʼ Fəə 29:4

«Áà nèn lì Aaron wùn à wón vəə́, e wìy sho e mǒ shùu *kibàn ké ntàsín, e sù áwune e mendzə́v mè.

Cù 17:4

ji wun cu Nyùy Tàr shó, e làa yòʼ wìy sho a dzə̀ é shùu *kibàn ké ntàsín, e see e Nyùy Tǎr si, bo njò mensə kù dzə̀ e ŋwèrín kitu. Wù jaár mensə́ me cù jaárín, á kù fə̀ə́r wun fo wír Nyùyí mvəm.

Cù 16:7

e nèn lì vibév vee vibaà viy, e koʼtí sho e Nyùy Tǎr si, e shùu *kibàn ké ntàsín,

Cù 8:21

Á sù vifá ve mvəm ví wùn à vikoy vi, Mooser nèn tòn. Wù‑uù tòn kiyáʼ kee shooy kidzə̀m e kiy cù ji cu ye tonèné, réŋréŋ mo Nyùy Tàr‑iì yòŋèn e wun ji á yii. Kù dzə̀ cu Nyùy Tàr ye və́yí bin fo fo, a kirəm kfə́ kí boŋ Nyùy Tàr.

Cù 8:18

Mooser nèn lò, e kòʼór kiyáʼ ke cù ye tonèné, Aaron wùn à wón vəə́ neér wó yév é kitu wo,

Cù 7:16

Yii bèy, wáa dzə ji wìr wiy e cu kikòŋnìne, a dzə̀ ji wun lem ŋkàʼmé, kìn ji yé kimbòŋwùné, bo á yí e kishiíy ke wù yii cu rə́. Yì rán kibvəə́shí, a kifá ki bér, bo dzə̀ á yì.

Ŋwàʼ Fəə 38:1

Besalel nèn kfə̀n fèr sa kíy cù wo dzəə̀n wó cù ye tonèné, a wù fér a dzə̀ e kicí kee *akaasia ki. Wú‑uù dzə̀ kóy e ntàm se kiwo si sibaà réŋréŋ virə́v vikweè, vida ve koʼón ví wáa dzə ntàm se kiwo ntuùfú.

Ŋwàʼ Fəə 36:3

Mooser fó áwune vifá vidzə̀m ve wír veé Israyi kì wìyìn shó ji á baʼri á kibàn ké Nyùy Tàr shó. Wíri ku nèn kfə̀n a wìy aàfómo vév ámóʼó kijàvndzə kidzə̀m.

Ŋwàʼ Fəə 35:29

Á mo wír veé Isray adzə̀me‑eè wiy e vifá ve kibàʼrì ve Nyùy Tàr‑iì suuyin ji Mooser sə́ fo áwune ví. Aá wiy bèy, cu Nyùy Tàr shó e kishéʼrì ki, kù mo shilív shé wìr shi‑iì lumè.

Ŋwàʼ Fəə 35:21

Wìr dzə̀m wo wù‑uù kér shií, a shilív sə́ shí lum e kinyò fèn nèn lò, a wìy e vifá vi jeéy jeéy, a fo ji cu ye á wáa bàʼrì a *kibàn ké ntàsín shó, a fèr vifá veé kirə̀ʼ ké cù, e kfə̀n a fèr ndzə̀y sé atàá cù sho.

Kintaŋ 23:30

Balak ku nèn yiì mo Balaam‑eè suuyin, e yiì cu aànàʼ vee saàmbà wùn à viyáʼ vee saàmbà vi, li nàʼ wùn à kiyáʼ ki, wù yiì cu e kiy wo mòʼóne.

Remrí 12:27

Lóo dzə cu yén ye tonèné, vèn wìy e jav wùn à mensə́ mè e Nyùy woo Nyùy wón kiy cù. Ké mensə me cù yén, aá leér e Nyùy Tàr woo Nyùy wón kiy cù. Fo ké jav nyàm ki, a dzə̀ vèn yì.

Kintaŋ 23:27

Balak nèn kfə̀n sùúy e Balaam jii, «Wìy, é m li wò, é wòsò du é kirə̀ʼ kímóʼ kí. A tàm é wúné boŋ Nyùy foo fèy, é wù yii, áà shóv áwune, e fò e mò.»

Cù 1:10

«A cu wìr ye tonèné dzə̀ ye á yii ton a dzə̀ njiì, kìn bvəy loŋ, bo ŋgaàŋ kù taʼ a dzə̀ yee lumèn, yee là nsem,

Cù 4:15

Á wiy sho, vilìmbìy ve wíri ví neer wó yév é kitu wo, aá nèn seè fó e Nyùy Tǎr si,

Cù 6:8

Nyùy Tàr yòŋ e Mooser ji

Cù 17:8

«À kù yíi sə̀ntì aáwune jii, a wìr woó Isray, kìn kiŋgwìy ke kí dzə́ aáwuné mvəm kí wìy yiì cu ye tonèné, kìn dzə̀ yee rəneé,

Kintaŋ 15:3

lóo cù Nyùy Tàr e cu ye və́yí bin fo fo, ji kirəm ki wáa rə̀ʼtìn, a bòŋ wun, á kù tàʼ nyam cù a dzə̀ fó ŋgoo nàʼ, kìn fó ŋgoo bvəy. Kú a dzə kíwun, kìn dzə̀ cu ye á ton nyám e dzə̀m, kìn dzə̀ ye á rúner kilìʼ, kìn dzə̀ yé kimbòŋwùn, kìn dzə̀ yee bìʼ ŋkàʼ se á yí e ghan see shó.

Kintaŋ 15:8

«Vèn li nàʼ woo lumèn, lóo cù Nyùy Tàr shó ji cu ye tonèné, kìn ji ye seeríné, ye á yii bìʼ kilìʼ, kìn ji cu kikòŋnìn,

Esiker 40:39

Vidàŋ vi wáa dzə e mvə̀m kirə̀sí vibaà, ǎ mbìv fen, ǎ mbìv fésə. Yì‑iì dzə̀ fo vé‑eè yíi a seerí cu ye tonèné, a see yé ajay, à yé njòó.

Cù 4:3

A dzə̀ ji yii á taà cù wo á yoʼon ne jay və̀n, e sə̀ŋ lòn, e wìy sho e wírí kitu, bo wù kù‑úù wiy e wàn nàʼ woo lumèn, woo là nsem, ji á cu á Nyùy Tàr shó bìʼ jay wo wù kì yiìn, é wáa dzə cu yee bìʼ lǒn jay.

Cù 4:32

A wù lò, a wìy a dzə̀ e wàn njiì ji cu yee bìʼ jay və, bo wù wiy a dzə̀ e kifum ke njiì kee là nsem ki.

Cù 5:15

a wìr shòʼór nsər Nyùy ji wù yoʼ fò á kifá ke nsər din ji wù kì yíi fo ji cu e Nyùy Tàr, bo wù yíi làʼ njò yee shooy. Wù yíi wìy e kiyáʼ kee là nsem ki, aá kù fiʼ káv kiyaʼ réŋréŋ mo *shekel wo dzəə̀n wo cù yii dzə́. Dzə̀ cu njò yee bìʼ kifá ke wù kì yíi fo e Nyùy.

Cù 5:18

Wù yíi wìy, e yen taà cù e kiyáʼ kee là nsem ke kí gheenen kí ji cu njò, é taà cù nèn tàŋrí wun fo njò ye wù kì liìn là kiíy, é Nyùy laysin jay və.

Cù 6:2

a wìr kày Nyùy Tàr, e kùvrì kifá ke fər və, bo wù kù yíi siìr, e kfə̀n dzə̀sì. Kìn dzə̀ ji wìr shwìv fə́r və, e tèn fó siìr kifá ke fər və lèmèn e wun, kìn ke wù tiirin e wun, kìn ji wù shòŋ kifá ke fər və shóŋén, kìn wù bòʼ wun bóʼón,

Cù 9:2

Á wìy, wù yòŋ e Aaron jii, «Lì nàʼ woo lumèn, woo là nsem, e yiì cu ajayi shó, e lì kiyáʼ kee là nsem ki, e yiì cu ye tonèné shó. Ku yiì cu sìn si, e cù Nyùy Tàr shó.

Cù 14:10

«Lóo dzə e kishiíy kee waamé, é wù li wón viyaʼ abaà vee là nsem wùn à kifum ke njiì kee là nsem ki, kee kiyá, e kfə̀n tàʼ sa meŋkfəŋ me kpuún mè akilu ataár, aá shwír e meŋgvə́r me *oliv mè, e tàʼ meŋgvə́r pámpám e fur.

Cù 23:12

Lóo dzə, a kù dzə̀ é kishiíy ke á yii cu ye nanèn rə́ne, á kù seè wan kiyaʼ woo kiyá woo là nsem ji cu Nyùy Tàr ye tonèné.

Cù 23:18

Nyám se vèn wíy a tatí cu vifa ve yi vìn sho si wíy a dzə jii, wón viyaʼ saàmbà vee kiyá kiyá wùn à nàʼ woo lumèn, à viyáʼ vi vibaà, a nyám sìn si kù dzə̀ là nsem sidzə̀m. Sí yíi a dzə ji cu Nyùy Tàr ye tonèné, aá kù yii sa cu vifa ve yi, à yé melùʼu fó ghaŋ. Dzə̀ cu ye və́yí bin fo fo, kirəm kfə́ kí boŋ Nyùy Tàr.

Kintaŋ 19:2

«Ntò se nsər se Nyùy Tàr símóʼ sí sìne. Vèn suúy e wír veé Israyi ji á wiy á e nàʼ wo baar, a kù dzə̀ wo bó wù yòʼ kér nsem yìmòʼ gheéy, fə̀m shishàr, e kfə̀n a dzə wo bó á yòʼ‑oò yiì ne neèr kimbùŋ é ndzə̀m wó.

Kintaŋ 28:11

«Lóo dzə e kishiíy ké mbìy ki fó ŋwee, vèn yiì cu Nyùy Tàr ye tonèné. Á wíy a yiì a dzə̀ e wón nàʼ vee vilume abaà, a yiì e kiyáʼ ki kimòʼón, a yiì e wón viyaʼ vee kiyá kiyáa saàmbà, a nyám sìn sidzə̀m si kù dzə̀ see là nsem.

Kintaŋ 28:19

Á kú a yiì a dzə̀ cu ye tonèné, cu Nyùy Tàr ye və́yí bin fo fo. Aá wíy a yiì e wón nàʼ vee vilume abaà, a yiì e kiyáʼ ki kimòʼón, a yiì e wón viyaʼa saàmbà, a dzə̀ vee kiyá kiyá, a nyám sìn sidzə̀m si kù dzə̀ see là nsem.

Kintaŋ 28:31

Á lóo yiì cu se tonèn sin, táti wùn à sé vifa ve yi si, á ku bàr sá yé melùʼ fo ghaŋ réŋréŋ mo kí yii dzə́, e bóo lì cu ye tonèné, yee vishiíy vidzə̀m. Á kú a yen ji nyám sidzə̀m si wáa dzə see là nsem.

Kintaŋ 29:2

Lóo dzə e kishiíy fóo fèy, vèn cù Nyùy Tàr e cu ye tonèné, é kirəm kfə́ kí wáa rə̀ʼtìn, a bòŋ wun. Vèn yii cu rəə́ e wàn nàʼ woo lumèn, e yiì e kiyáʼ ki, e yiì e wón viyaʼa saàmbà, vee kiyá kiyá. Nyám sìn sidzə̀m si kú a dzə see là nsem.

2 Wòŋ 29:32

Nyám se cù se wíri‑iì wìyìn shó ji á ton, e yiì cu sho e Nyùy Tàr sí‑iì dzə̀ jii, nàʼ msaàmbà, kiyáʼ wií, e bóo lì wón njiì ghii baà.

2 Wòŋ 35:12

Áwune‑eè lèm nyám se cù ye tonèné jeéy ji á javti á e wír vee víyi mo akáŋ véví dzəə̀n é kfəə sí kfəə si, aáwune cu Nyùy Tàr shó mo vé‑eè saŋen é Ŋwàʼ Mooser. Á kù‑uù jàv sá anàʼ bèy.