Cù 1:2 - ŊWÀʼ NYÙY

² «Ntò se vinyò se à yíi dù, e yòŋ e wír veé Israyi ji á wáa jùmrì si sìne. Wìr lóo wìy ji wun cu Nyùy Tàr, wù kù a ker nàʼ, kìn bvə́y fo mvə̀m ŋgoo yee shó.

Cù 1:2 Referans Kwoze

Ŋwàʼ woó Rom 12:6

Mo Nyùy bùʼùn vèsən é dzəə sí dzəə sí, wìr mòʼón mòʼón ku nèn a yiì kinyo ke Nyùy wayin e wùn kiwo. A dzə̀ ji wìr wáa fìʼtì a dzə̀ kinyo ke Nyùy, wù wàa fìʼtì mo wù wayin shilív, Nyùy sə́ wun, wù wáa fìʼtì.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

1 Wòŋ 16:29

Vèn wáa kwa wun, a sùyrì yír rə́ ye ghaʼáné, a wìy e cúu, a koʼtí e wun si. Wù bvə́yí, vèn tsə̀m é si wo, e fò ghvə́m e wun.

Kèʼlo 4:5

Yii bèy, wù ŋwáy Keen wùn à rə́ yee cúu. Keen nèn a shwiíy kilòŋ é ŋàŋén, a tsəmrí rə́r.

Kèʼlo 4:3

Wáa dzə e ghan símóʼ sí, Keen lì vifá vímóʼ ví ve wù‑uù kavin fó sum, e wìy, e cù Nyùy Tàr shó.

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

Maak 7:11

Vèn nén a toyír kén jii, a wìr kér kifá ke dzə̀ wù sə̀ tàr wov wùn yè wov shó, e sùúy ji kifá kee shooy ki sì koban, a dzə̀ ji sì ké Nyùy,

Ŋwàʼ Fəə 20:24

« ‹Vèn bóm *kíy cù wómé e nsay si. Dzə̀ fó, fo vèn wíy a cù mo e nyám sén see anjiì si, kìn bvə́y si, kìn anàʼ. Lóo dzə cu ye tonèné, á tòn fó, lóo dzə yé kikòŋnìn, á seè fó. Kirə́ʼ kidzə̀m ke m yíi dìn ji vèn cu mo shó, m yíi wìy, e səə̀vì ven, é vèn wáa yu vijuŋ.

Kintaŋ 15:3

lóo cù Nyùy Tàr e cu ye və́yí bin fo fo, ji kirəm ki wáa rə̀ʼtìn, a bòŋ wun, á kù tàʼ nyam cù a dzə̀ fó ŋgoo nàʼ, kìn fó ŋgoo bvəy. Kú a dzə kíwun, kìn dzə̀ cu ye á ton nyám e dzə̀m, kìn dzə̀ ye á rúner kilìʼ, kìn dzə̀ yé kimbòŋwùn, kìn dzə̀ yee bìʼ ŋkàʼ se á yí e ghan see shó.

Kintaŋ 5:15

bo ŋgaàŋ li wiíy, e wìy, e yen taà cù sho. Wù lóo wìy, é wù wáa wìy e cu yee bìʼ wiíyi. A wù wiy a dzə̀ e meŋkfəŋ me sàŋ yee *barli mè kilu e mòʼón, e làa yòʼ way meŋgvə́r, kìn *frankinsen sho. Dzə̀ cu vifa ve yi yee yé kinyò ke shuùn kí, cu ye yí yimrì lòn.

Kintaŋ 7:15

Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

Esra 3:5

Vé‑eè yii sa cu ye tonèné yee ghán sidzə̀m wùn à yé ŋwee wo fíyi, à yé ŋkàʼ sé Nyùy Tàr see jeéy sí, e bóo lì yé kimbòŋwùn ye wìr yii e Nyùy Tàr.