Cù 1:1 - ŊWÀʼ NYÙY

¹ Nyùy Tàr súŋnín fó *kibàn ké ntàsín, e yòŋ Mooser, e sùúy sho jii,

Cù 1:1 Referans Kwoze

Ŋwàʼ Fəə 19:3

Mooser nèn kòʼ é gwan ji wùn Nyùy wàá tárnín. Nyùy Tàr yòŋ wun fo gwan, e sùúy sho jii, «Kinyo ke dzə̀ à kù sùúy e wír veé Isray ki kìne. Ku sùúy aáwune vee rám Jakovi jii,

Ŋwàʼ Fəə 25:22

Dzə̀ é shùu ŋkùv foo fèy fo wòsò wíy a tarnín. M wíy suŋnín e wò fo kintìntìn ke vifa vee vibaà ve ví dzəə̀n é kitu ke nsər ŋkùv mensàŋ, é m nèn a fo nsər sém sidzə̀m se dzə̀ à fò e wír veé Israyi.

Ŋwàʼ Fəə 29:42

Cu rə̀ne kù wíy a dzə e ŋgwàʼ sí ŋgwàʼ si mo rám sén sí wíy a dzə. Á wíy a tòn cu rə̀n e shùu *kibàn ké ntàsín, e mo woo Nyùy Tǎr si. Dzə̀ fóo fèy, fo wòsò wíy a tarnín, é m wáa suŋnín wòsò.

Joon 1:17

Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.

Kintaŋ 7:89

Mooser nèn yiì lò, e nə̀ə́ e *kibàn ké ntàsín ji wun súŋnin a wùn Nyùy Tàr, e yù, a kisúŋnìn ki wiy fo yuv e kitu ke kirə̀ʼ ké kiman ke kí dzəə̀n é nsər ŋkùv mensàŋ, a kí fəəsin fo nsàn vifa veé yuv vee vibaà ve ví kér vav si. Nyùy ku nèn sùŋnín wùn Mooser bèn.

Ŋwàʼ Fəə 39:32

Á bèy, wír veé Israyi nèn màysì lim yee bìʼ kibàn ké Nyùy Tàr e dzə̀m, aá ku yiì kifá kidzə̀m réŋréŋ mo Nyùy Tàr‑iì suuyin e Mooser.

Ŋwàʼ Fəə 33:7

Yì‑iì dzə̀ é ghan fóo fèy, wír veé Israyi‑iì lóo tam vibàn vév é kirə̀ʼ, Mooser lì kibàn kímóʼ kí, e fəə̀ fó kilaʼáy, e jàmér, e tàm jeéy. Tám bèy, wù wàa yòŋ ji kibàn ké kitar ke wùn Nyùy. Wìr‑iì lóo tàʼ ji wun mbaa Nyùy Tàr, wù nèn dù fo.

Ŋwàʼ Fəə 24:12

Nyùy Tàr nèn sùúy e Mooser jii, «Kóʼ é gwan fèn fo m dzəə̀n, a yuurí mo, é m lo, e fò wò viwaŋ ve tiy, a nsər sém wùn à ntir sém sí dzə̀ shó, a m sáŋ ji sí wáa tir wíri.»

Cù 7:38

Dzə̀ mo Nyùy Tàr‑iì yòŋèn e Mooser e Gwan Sinay e kirə̀ʼ ké woʼ kí, e kishiíy ke wù‑uù yòŋèn ji wír veé Israyi yii á cu.

Cù 9:16

e lì nyám yee bìʼ cu ye tonèné, e yiì cu sho, réŋréŋ mo nsər dinè,

Ŋwàʼ Fəə 3:4

Nyùy Tàr yén, a wù kóʼti fo mentsə̀m ji wun leéy, e nèn yòŋ fo mvə̀m kicì jii, «Mooser, Mooser.» Wù biímé jii, «Mo və̀ne.»

Ŋwàʼ Fəə 40:29

Ké kiy cù woo wó cù ye tonèné, Mooser tiír é maàndzə, e ŋkìʼnìn shuù wo wú nəə e kibàn, e nèn tòn nyám sho ji cu, e kfə̀n yiì cu ye dzəə̀n yé vifa ve yi fo, kù mo Nyùy Tàr‑iì suuyin e wun.

Kintaŋ 1:1

Mo wír veé Israyi‑iì dzə́ e woʼ yee Sinay, lòo dzə e kiya ke kí‑iì meen ji baà mo áwune‑eè loòn fó Ejiv, wáa dzə e kishiíy ké mbìy ki é ŋwee woo baà, Nyùy Tàr nèn lò, e sùŋnín e Mooser e mvə̀m *kibàn ké ntàsín.

Kintaŋ 7:15

Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

Remrí 27:6

Á ku bòm kíy cù Nyùy Tàr woo Nyùy won vən a dzə̀ e tíy yee là séme. Dzə̀ fo vèn wíy a yiì cu Nyùy Tàr woo Nyùy won ye tonèné,

2 Afòn 16:13

Wù‑uù yiì cu ye tonèné, e kfə̀n yiì cú vifa ve yi, à yé melùʼu, e wàŋrí mensə́ me cù kikòŋnìn e kitú ke kiy cù.

2 Wòŋ 29:32

Nyám se cù se wíri‑iì wìyìn shó ji á ton, e yiì cu sho e Nyùy Tàr sí‑iì dzə̀ jii, nàʼ msaàmbà, kiyáʼ wií, e bóo lì wón njiì ghii baà.