Amos 8:3 - ŊWÀʼ NYÙY

³ Kishiíy kin ki wíy gheén, é vikìy ve á yov luŋ e ntoʼo wáa toŋnín, a shèŋ kitú. Dzə́n sé wíri sí wíy a neŋnín virə́ʼ vidzə̀m, a bó à yòʼ dzəə́ yú kikwe ke kifa.» Suuy wun woo Nyùy Tàr woo Taà Ndzə.

Amos 8:3 Referans Kwoze

Amos 5:23

Vèn kíŋrí e luŋ se vèn yov, yii njèʼèr sho e mǒ vitùʼùr sin si. M yòʼ taʼ, e yu kiléŋléŋ kén ké lúŋ nshì.

Amos 5:16

Kí nén a dzə jii, Nyùy Tàr woo Taà Ndzə, wun woo Taà Mànjòŋ suuy jii: «Wíri wíy a toŋ, a jeetí mentàrnín medzə̀m. Á wíy a rəəmé e ŋgvə̀n kwaʼ jii, ‹Óò, wír a e věr wùn.› Á wíy a jàŋ vé sumé wùn à vindìykpu vi ji á wiy, é wùn áwune tátí, a dìy adzə̀m.

Cù 10:3

Mooser nèn yòŋ e Aaron jii, «Á kinyo ke Nyùy Tàr‑iì suuy e ghan se wù‑uù yòŋèn jii, ‹Fo wìr ve dzə̀ á wàa koʼtí e mǒ ghaŋ, m kù wíy a dìn mo m dzəə̀n jeéy, e ránén, a m wíy a ker ghvə́m e wìr dzə̀m si.› » Aaron yú bey, e kù nèn gòʼ kisə́sə.

Nahum 3:3

Vé nyàm se ŋkoʼo liir nyám si, du e shùu rər, a nyùy sé rər sí njaʼàmè, a kòŋ sí bavkìrì. Á yùyrí ne wíri nyanyày, e fùm é vikfər vikfər, dzə́n sí, a bó yòʼ dzə̀ á tàŋ, a wíri bayrìn sho.

Amos 8:10

Yòʼ jòʼsì kee shooy, m wíy bìnèr vishiíy vén vé ŋkàʼ, é ví kfə́n ji vishiíy vé kindzəə̀mè. M wíy bìnèr luŋ sén sé kisheʼrì, é sí kfə́n ji sé kpu, e yiì, é vèn kwaay vitú, e màʼ ndzə̀y sé kpu. Vèn wíy a dìy, a shèŋ kitú moo kfəə́ ye màyshó wan wov shèsìn. Kinyo kidzə̀m ke kí wíy a koóy e kishiíy fen ki kù wíy a dzə ké mendzə̀n ki.»

Amos 4:10

«Mò‑oò yiì, kifə̀ʼ ki nəə́ ven mo kí‑iì nəən wír veé Ejiv. Mò‑oò yùyrí wónlě nsùm vén e rə́r sí, e tàtí, e yùyrí wùn à nyám se ŋkoʼ se áwune‑eè koorin fó shùu rər sí. Mò‑oò yiì, kiyúy ké dzən sé wìr ki wáa nəə́ e věn yuy. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Joel 1:11

Vé sumé, vèn wáa sòv vitú vi. Ven ve á lim vitiír vé vayin, vèn wáa dìy. Ŋguùmé sí ndzə̀ə́y ne sáŋ yee *wit wùn à yee *barlìi. Kifá ke á dzəə́ wìy kav fo sum kí yòʼ kfə̀n dzə̀ə́.

Joel 1:5

Éè amfoòkìnó, vèn yimen, a dìy. Ven vee anomèlùʼ, vèn wáa toŋ, a jeetí. Tútúʼ wo á fer meluʼ sho yòʼ kfə̀n dzə̀ə́. Meluʼ me fíy me vèn koŋ a no mè bùú ne.

Jeremia 22:18

Á bèy, Nyùy Tàr ku nèn a yiysí kùm Jehoyiakim, wun woo wan Fòn Josia woó Juda jii: «Wìr yòʼ wíy a dìy kpú rə́, a sham wún jii, ‹Éè mò, fər wom kpù ne.› Wìr yòʼ wíy a dìy kpú rə́, a sham wún jii, ‹Éè mò, tàr wor kpù ne›, kìn ji ‹fòn wor lày ne.›

Aysaya 37:36

Kú a dzə vitsə́ʼə́, nshìylav Nyùy Tàr fəə́, e dù e wír veé Assiriyàá kilaʼáy, e yùyrí wíri nsə̀kì nshòv sitàn e mwaamé e wiì (185,000). Wíri bvəə́shí, a lò e yuv kijàvndzə, e yèn, a sí néŋnin dzə́n sí.

Nsùyrì Nyùy 39:9

Bó yòʼ dzə̀ m mvə̀ʼ shuu wóm ji m suúy á kinyo, bìʼ fo dzəə̀n wò wo à yiìn ji m wáa yen ŋgeʼ.

Yòvdìy 2:10

Kfə́m sé wìr seé Sion si sèsín ne fo nsay, áwune sèsín ne, a dzə kisə́sə kisə́sə. Áwune fə̀vrì ne kitú e kibvər ki, e màʼ vinsàʼ ve ndzə̀y é wùn. Ké wónlě ŋgòn veé Jerusalem, á jòór ne a dzə̀ vitú e nsay.

Amos 6:4

Lòné dzə̀ wón, ven ve á néŋ e vikun, aá náŋsín e sóŋ kitàme, nasì e věn antaʼ, koó wón njiì, kfə́rí, fə́ti wón nyàm fo mvə̀m kày, kfə́rí.

Amos 6:5

Vèn maʼ wún, yú kinyo ji lúŋ nshì wùn à yòv, koŋ fó a fèr a dzə̀ lúŋ sí mo Davir‑iì ferì.

Amos 6:8

Nyùy Tàr woo Taà Ndzə kan kitú kfə́, kan bèy, lìʼ ji wun woo Nyùy Tàr woo Taà Mànjòŋ suuy a jii: «M ban kiŋkoʼòrwùn ké rám Jakov, ban virə́ʼ vév ve tavkín ve á bàʼrìn. M yíi way ŋkàlaʼ yev aàŋgaà vév vibàné wo, aá laar wùn à kifá kidzə̀m ke kí dzəə̀n shó ki.»

Tsəfaniya 1:7

Vèn lem nyaáŋ e Nyùy Tàr woo Taà Ndzə si. Kishiíy kfə́ ké nsaʼ ki sì fó mentsə̀m. Wù bàʼtí ne wír və́ moo nyám se cù, e bì aŋgàa vibàn vév ji á wiy á, e seèrí.