Amos 2:1 - ŊWÀʼ NYÙY

¹ Nyùy Tàr suuy jii: «Abaày, wír veé Moavi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu, Yìiy, áwune‑eè tòn vighvə́r vé fòn woó Edom, ví dú é kibvə.

Amos 2:1 Referans Kwoze

Amos 2:4

Nyùy Tàr suuy jii: «Abaày, wír veé Judàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune ŋwày Nsər sém, e tèn fó a yu sáʼ yém. Áwune kù ghán a dzə̀ áàtàr véví mbòv, tiir vifií a dzə̀ áànyùy kisaŋe, nèn bin e dzəə ye bi.

Amos 1:3

Nyùy Tàr suuy jii: «Abaày, wír veé Damaskusi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè lóvti e wír veé Gileadi, kù mo wìr bùʼ sáŋ, a dzə̀ e kisha ki.

Aysaya 25:10

Rúrú, Nyùy Tàr kù wíy a kìŋsìn Gwan Sion. Yii bèy, wù wíy sèn wír veé Moav, e nyèŋrì áwune e wuú, kù mo á nyèŋ viŋgà ve á kuʼun é bii.

Amos 2:6

Nyùy Tàr suuy jii: «Abaày, wír veé Israyi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, á kan alànjò, aá lim vikwàn ji áwune fiʼ kòóy, li ghéʼncey, á kàv kiwuú ké lábáʼ shó.

Amos 1:13

Nyùy Tàr suuy jii: «Abaày, wír veé Ammone fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè táŋ bìíy wòŋ, maʼ Gilead e rə́r sí, maʼà, shuʼtì bvəm se vikìy, aá dzə̀kìr e bvə́me.

Amos 1:11

Nyùy Tàr suuy jii: «Abaày, wír veé Edome fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè ghíʼ afə́r vév e rə́r sí, nyoorì feyì, e làa yòʼ a rər mendzən mev. Kilòŋ kév ke shwiiyín kí yòʼ‑oò kpúrinè, a dòʼshwíiy wov kù‑uù kúy kuyín.

Amos 1:9

Nyùy Tàr suuy jii: «Abaày, wír veé Tayàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè tòn kitúm, e yèr wir dzə̀m fo fo, e dù, e fiìnè e wír veé Edome ji akwàn. Á yòʼ kfə̀n‑eè kuúme *mensaŋ me viŋkar me wùn áwune‑eè gwàrìn.

Ŋgàn 15:3

Nyùy Tàr kaʼày virə́ʼ vidzə̀m, kíy wír ve juŋe, à ve bií.

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Amos 1:6

Nyùy Tàr suuy jii: «Abaày, wír veé Gasàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè tòn kitúm, e yèr wir dzə̀m fo fo, e dù, e fiìnè e wír veé Edome ji akwàn.

Aysaya 11:14

Wír veé Efrayim wùn à veé Judàa wíy suusín, e ghiʼ wír veé Filistia e rə́r sí, áwune ve á dzə́ e sar se agwan, e mbìv yee fo shùy yii nəə, e kfə̀n kuúy vifá ve wìr ve á dzə́ e mbìv ye shùy yii tó fo fo. Á wíy boŋ wír veé Edom wùn à veé Moavi, a dzə̀ e kiŋkoòvì ki, é wír veé Ammone wáa neŋ a dzə̀ aáwuné sar saʼ.

2 Afòn 3:9

Á bèy, fòn woó Isray wùn à woó Juda, à woó Edom nèn a dù. Á dù, a kaarí mvəm wòʼ vishiíy saàmbà, mendzə́v mè nèn lò, e mày, la vé rərí kìn nyám si yòʼ dzə́ə a ker mendzə́v mé a no.

Aysaya 16:6

Ver veé Juda adzə̀me kì ji wír veé Moavi dzə̀ vé kiŋkoʼòrwùné. Kiŋkoʼòrwùn kév kí yii, aáwune káy wíri. Yii bèy, a kiŋkoʼòrwùn kév kí dzə̀ là mvə́m.

Jeremia 25:21

M kfən nòór wír veé Edom wùn à veé Moavi, à veé Ammone,