Amos 1:3 - ŊWÀʼ NYÙY

³ Nyùy Tàr suuy jii: «Abaày, wír veé Damaskusi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè lóvti e wír veé Gileadi, kù mo wìr bùʼ sáŋ, a dzə̀ e kisha ki.

Amos 1:3 Referans Kwoze

Amos 2:6

Nyùy Tàr suuy jii: «Abaày, wír veé Israyi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, á kan alànjò, aá lim vikwàn ji áwune fiʼ kòóy, li ghéʼncey, á kàv kiwuú ké lábáʼ shó.

Amos 1:9

Nyùy Tàr suuy jii: «Abaày, wír veé Tayàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè tòn kitúm, e yèr wir dzə̀m fo fo, e dù, e fiìnè e wír veé Edome ji akwàn. Á yòʼ kfə̀n‑eè kuúme *mensaŋ me viŋkar me wùn áwune‑eè gwàrìn.

Aysaya 8:4

Nyùy kfə́n a suúy jii, «Wan və̀n wíy lòo jì ji wun wáa yòŋ kitàr, kìn kiyìy, é fòn woó Assiriya tsə́nsí vé rərí, aá tátí bùʼ woó Damaskus, à woó Samaria, e kù kùúy kuuyín e dzə̀m, e dù sho.»

2 Afòn 8:12

Hasael dzə́r shó jii, «Taàtá wòm, à tóŋ ji ka?» Wù bìnèr jii, «Bìʼ fo m kiìn vinyo ve bi ví ve à wíy a yiì e wír veé Israyi. À wíy a tòn virə́ʼ vév ve tavkín ví e və́yí, a yuyrí wónlě nsùm vév é shùu rər, a ndzən wón vév ve terií é nsay, aá wáa kpukír, e siì kfə̀n a toʼtí bvəm se vikìy vév ve á dzəə̀n e bvə́me.»

Amos 2:4

Nyùy Tàr suuy jii: «Abaày, wír veé Judàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune ŋwày Nsər sém, e tèn fó a yu sáʼ yém. Áwune kù ghán a dzə̀ áàtàr véví mbòv, tiir vifií a dzə̀ áànyùy kisaŋe, nèn bin e dzəə ye bi.

Amos 2:1

Nyùy Tàr suuy jii: «Abaày, wír veé Moavi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu, Yìiy, áwune‑eè tòn vighvə́r vé fòn woó Edom, ví dú é kibvə.

Amos 1:13

Nyùy Tàr suuy jii: «Abaày, wír veé Ammone fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè táŋ bìíy wòŋ, maʼ Gilead e rə́r sí, maʼà, shuʼtì bvəm se vikìy, aá dzə̀kìr e bvə́me.

Amos 1:6

Nyùy Tàr suuy jii: «Abaày, wír veé Gasàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè tòn kitúm, e yèr wir dzə̀m fo fo, e dù, e fiìnè e wír veé Edome ji akwàn.

Sekariya 9:1

Rə̀n dzə̀ ntum yeé shií, a dzə̀ ntum Nyùy Tàr. Yì kìʼ woŋ woo Hadrak, e rə̀ʼə́y ŋkàlaʼ yee Damaskus. Wìr msòŋ e dzə̀m kù sí kiʼ a dzə̀ Nyùy Tàr, réŋréŋ mo rám seé Isray sidzə̀m si kiʼ wun.

Amos 1:11

Nyùy Tàr suuy jii: «Abaày, wír veé Edome fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè ghíʼ afə́r vév e rə́r sí, nyoorì feyì, e làa yòʼ a rər mendzən mev. Kilòŋ kév ke shwiiyín kí yòʼ‑oò kpúrinè, a dòʼshwíiy wov kù‑uù kúy kuyín.

Aysaya 41:15

Vèn yuúrí, e yù, m wíy yiì, é vèn wáa dzə kimbuʼ ke saŋ ke á wíy a buʼ vitúm sho. Kimbuʼ, aá fér, e tàrí mban si shó. Vèn wíy a buʼ vitúm, kù mo á kètì agwan, e bvə̀ʼə́y, á kfə́n é kibvə̀r. Vèn wíy bìnèr aŋkoŋ, aá kfə́n moo mvə́y.

Aysaya 7:8

Vitaáví vé wìr veé Siiria vi kù dzə̀ ŋkàlaʼ yev yee Damaskus, a vé Damaskus vi kù dzə̀ cáʼ ji Resin woo shifon shév. Fo ké wír veé Isray ki, kèʼ fo lèn, e wìy dù, e bàʼ kiyá nshòv sitàn e mntuùfú, aá táʼár áwune é dzəə ye bó yòʼ dzə̀ á kfə̀n wìy a dzə ji kitúm.

Ŋgaà Tàrvìnyò 11:2

Ku jàv kéŋ yée, e tìír e wíri jeéy jeéy, bìʼ fo bó à yòʼ kiìn kinyo ke a dzə̀ kí kòóy é wòŋ.

Ŋgàn 6:16

Yíi wìr msòŋé dzə̀ ntuùfú ye Nyùy Tàr banè, a yee saàmbàa kfə̀n dzə̀ ye wù yòʼ fə̀m taʼ e yu à yúu shó,

Ŋwàʼ Jov 19:3

À kuù ne mo akàŋ anín, a bó dzə̀rkìtu yòʼ koó wò fo à wáa lovtí e mò ben à?

Ŋwàʼ Jov 5:19

Nyùy yíi a kìŋsìn wò fo ŋgeʼ akàŋ akàŋ, a sí fə̀m gìm wò e le, bo bó kifá ki yòʼ yíi sə̀ʼ wò.

2 Afòn 13:7

A bó Fòn Jehoahas yòʼ kfə̀n‑eè ló a ker kifá kímóʼ kí gheéy, e shaà vé rər veé nyàm se ŋkoʼ mtàn wùn à *viténtén vé rər ví e ghvə̀m, à vé rər ve á ghán e kiwuú kií wír nsə̀kì e ghvə̀m. A kí‑iì dzə̀ bey, bìʼ fo fòn woó Siiria‑aà laàrìn ne mànjòŋ woó Isray, e bvə̀ʼə́y moo kibvər ke á nyèŋèn é riimé.

2 Afòn 13:3

Kí nèn yiì, kilòŋ ké Nyùy Tàr kí shwiíy, wù wáa yu bír e kinyò ke wír veé Israyi‑iì yiìn. Wù yú bír bèy, e nèn shwèy áwune, e màʼtì, Fòn Hasael woó Siiria wùn wan və Ben‑Hadad wáa tòn áwune ghán sí, ghán sí.

1 Afòn 19:17

A wìr yiì bàʼàr nyùy rə̀r Hasael, bo ye Jehu kù neer wun. Wìr kfən bàʼàr ye Jehu, bo ye Elisha kù‑úù neer ŋgaàŋ.

2 Afòn 16:9

Fòn woó Assiriya dù, e yù kinyo ke Fòn Ahas, e lì vé rər və́, e dù sho e Damaskus, e tòn fó. Wù‑uù yùyrí Fòn Resin, e koòrí wíri, e dù sho e Kir.

Aysaya 7:16

Kí dzə̀ á jii, wan və̀n wíy lòo jì ji wun kiíy mo dzə̀ wù tèn kinyo ke bi kí, e shòʼ ke juŋ ki, a bó wíri yòʼ dzə̀ə́ e Siiria wùn á Isray anín, a fóo kfə́n á ne ji vifə̀m. Kù dzə̀ á vitúm ve afòn vee abaà ve fòn fan e ŋàŋ vin.

Aysaya 28:27

Kí nén a dzə jii, bó ŋgaà sùm yòʼ yii li a dzə̀ kibur, e bó a buʼ *dill sho, a bó wù yòʼ yii li a dzə̀ kár ye səŋ nyám si, e bó a buʼ *kummin sho. Wù kù yii li a dzə̀ shicirìn, e bó a buʼ dill sho, li a dzə̀ mbàŋ, búʼ kummin sho.

Sekariya 9:2

Ntum rə̀n rə́ʼəy sa kitúm kee Hamat, a kí jáv bìíy wùn à Hadrak, à Damaskus. Yì kfə̀n kiʼ wír veé Taya wùn à Sidon, fə̀m mo á kiìn vinyo e ŋàŋ.