3 Joon 1:9 - ŊWÀʼ NYÙY

⁹ Mò‑oò sàŋ sá ŋwàʼ wúmóʼó fo věn kintatì, e yù ji Diyotefer wo wù kù yii táŋ kfə́ a dzə̀ mbìy tèn á fó yu jí yem.

3 Joon 1:9 Referans Kwoze

Ŋwàʼ Luk 9:48

e sùúy aáwune jii, «A wìr yén wán və̀n ji wír bìʼ mo, bo ŋgaàŋ yén a dzə̀ mo. Wù wáa yen mo, bo wù yén a dzə̀ ŋgaà wo wù tumen mo. Vèn wáa kiíy jii, wìr wo wù li kitú kfə́ fó tèr e věn mvəm, dzə̀ wo dzəə̀n wír wo kuʼùn.»

Maak 9:34

Á nèn gòʼ kisə́sə, bìʼ fo vé‑eè kfəynìn ji sà dzə̀ la wír wo kuʼùn aáwuné mvəm á?

3 Joon 1:8

Kí nen ghèén ji vèsən ve dzəə̀n wír Nyùyi kú a sə áwune, é vèsən áwune tátí, a yiì lim ye áwune lim bìʼ kinyo ke Nyùy ke ru kí amòʼón.

Ŋwàʼ woó Rom 12:10

Vèn wáa kòŋnìn mo wìr yii koŋ fə́r və, é wìr wáa yen wír, a shaà kitú kfə́.

Maak 9:37

«A wìr yén wán woo moo və̀n bèn ji wír bìʼ mo, bo ŋgaàŋ yén a dzə̀ mo. Wìr wáa yen mo, bo wù yén a dzə̀ ŋgaà wo wù‑uù tumen mo.»

Matio 7:8

Vèn wáa kiíy jii, wìr wo wù kooy kifá dzə̀ á wo wù lóné. A wìr wo wù taʼ kifá yíi yen, aá mvəʼ shúu lav, é wìr wo wù kumrì nəə́.

Kolosia 1:18

A kfə̀n dzə̀ wun kitú ke kintatì ke wìr Nyùy ke dzəə̀n ji wún və́. Kù‑uù yiì wun, bo kintatì kìn ki keʼ a dzə, bìʼ fo dzəə̀n wun wir mbìy wo Nyùy‑iì fəərin fó kpu, nén a dzə wun wo wù tíy mbìy vinyò vidzə̀m.

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.