3 Joon 1:8 - ŊWÀʼ NYÙY

⁸ Kí nen ghèén ji vèsən ve dzəə̀n wír Nyùyi kú a sə áwune, é vèsən áwune tátí, a yiì lim ye áwune lim bìʼ kinyo ke Nyùy ke ru kí amòʼón.

3 Joon 1:8 Referans Kwoze

3 Joon 1:10

M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.

Filemon 1:24

Maak wùn à Aritakur, à Demar, à Luk ve vèr áwune tatin, a lìm kinyo ke Jesus Kristùu shaʼtì sa wò.

Filemon 1:2

Vèr kfən sàŋ sá fo kintatì ke kí báʼti, bunrì e wò lav ki, bo taaka jemèr yer Afia, e lì Akipur wo vèr áwune tatin, a fùnèn kinyo ke Tàr wòsən Jesus Kristu.

1 Tesalonika 3:2

e tùm á fər wòsən Timoti fo vèn. Fər wòsən Timoti və̀n dzə̀ ŋgaà lìm Nyùy wo vèr wun fiʼtì sáʼka wo juŋ woo kùm Jesus Kristu. Mo vèr‑iì kiiyin ne ji vèn yén ŋgeʼ e ŋàŋ, vèr nèn a fàn fo melív men mè wáa weèy, e tùm Timoti ji wù wiy, e tàvír ven, e tìr ven mo dzə̀ vèn wày shilív e Nyùy wùn kijuŋ. A vèn kì sá ji ŋgeʼ see shoon si kù kér fó a koóy vèsən vee aŋgàa biimé adzə̀m.

Kolosia 4:11

Joshua wo á kfə̀n yoŋ sa ji Justur shaʼtì sa ven. Fo wír veé Juda ve á tíy wùn à Jesus Kristùu kù mày vee ataár vìn ve á tatin ŋgoo yem, vèr áwune wáa fìʼtì kinyo kee kum sáʼ Nyùy. Aáwune sə́ mo féyì.

Filipi 4:3

M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

2 Korin 8:23

Fo ké Titur ki, vèn wáa kiíy ji dzə̀ á ŋgaà wom ŋgoo wo wù sə́ mo, a vèr wun lim fo vèn vee vintatì ve wìr Nyùy. Ké afə́r vesən vee abaà vin ki dzə̀, a tùm vintatì e Titur bàm. Dzə̀ wíri, a lim yéví kóʼor yír Kristu.

2 Korin 6:1

Vèr nén a boòrì ven moo wír ve vèr à Nyùy tatin wó, a lìm lim rə́ jii, lá vèn yòʼ màʼày kilíŋ ke wù bùʼùn ven shó kìn, é kí lay á kisáŋ.

Ŋwàʼ Luk 11:7

A tàm e ghan símóʼ sí, wìr woo shooy nèn bìnèr fo mvə̀m lav jii, ‹Lá à yòʼ dzə́ə a jivír mo. Shúu lavi sì e finèn, a vèr à wón vémé neèmkìr ne. Bó yòʼ dzə̀ m kfə̀n a lò e yuv ji m taʼ kifá, e fò e wò.› »

Matio 10:40

«A wìr səə́si ven, bo ŋgaàŋ səə́si a dzə̀ mo. Wìr səə́sí mo, bo wù səə̀sí a dzə̀ Tàr wor wo wù tumen mo.

Matio 10:14

Vèn du e laʼ, kìn dzə̀ é ntèʼ, wíri tén fó səəsí ven, e làa yòʼ a tàʼ, e yuurí kinyo kén, vèn lò fó fo, lóo lò, á tèr nsay fo bàm.

3 Joon 1:7

bìʼ fo áwune ghán a dzə̀ bìʼ kinyo ke Jesus Kristu, a bo á yòʼ ghán bèy, leey shúu wìr ve bó yòʼ dzəə̀n vé Nyùy.

3 Joon 1:9

Mò‑oò sàŋ sá ŋwàʼ wúmóʼó fo věn kintatì, e yù ji Diyotefer wo wù kù yii táŋ kfə́ a dzə̀ mbìy tèn á fó yu jí yem.

Nsùyrì Nyùy 94:16

Wìr wóo sə mo fo wír ve bií dzə̀ shó à? Wìr wo wù fəər mo fo áwuné wo dzə̀ la?