3 Joon 1:7 - ŊWÀʼ NYÙY

⁷ bìʼ fo áwune ghán a dzə̀ bìʼ kinyo ke Jesus Kristu, a bo á yòʼ ghán bèy, leey shúu wìr ve bó yòʼ dzəə̀n vé Nyùy.

3 Joon 1:7 Referans Kwoze

Ŋgaà Yen 2:3

M kì sá mo vèn rə́si biíme ŋgeʼ si bìʼ kinyo kém, kù dzə́ ji nyaáŋ, e làa yòʼ shwèy.

Kolosia 1:24

Yii bèy, á wày ne mo é ŋgeʼ lèn, bìʼ fo m fiʼtì kinyo kee shooy e vèn. A m shéʼri kee shooy shéʼrín, bìʼ fo m yén ŋgeʼ a dzə̀ fo kintatì ke dzəə̀n wún Kristu ki. Wù‑uù yèn ŋgeʼ sigháʼán, e bóo kèʼ kintatì kìn. M nén a yen kém ŋgeʼ lèn ji m maysi kinyo ke wù‑uù kèʼèn, é kintatì ki fíʼ tuúy.

2 Korin 12:13

Mò‑oò lo lìm e věn mvəm réŋréŋ mo mò‑oò lim e vintatì vímóʼ ví. Kù mày cáʼ ji m yòʼ‑oò ló a leéy kifá kímóʼ kí fo vèn, e bó a yi. A mò‑oò jày kee shooy jáyín, bo m kù‑uù jày ne. Vèn kù làysìn rì jay wom.

2 Korin 4:5

Vèr kù fiʼtì kér jii, á wáa ghvəm a Jesus Kristu ji Taà Vitu, a bó yòʼ dzə̀ vèr wàa suúy a dzə̀ vitú vér. Vèr li vitú vér cáʼ ji aŋgàa lìm vén bìʼ wun woo Jesus.

1 Korin 9:18

Mo kí dzəə̀n ben, bo wóom woo séʼ dzə̀ ka lèn? Kù dzə̀ shéʼrí ye m shéʼri mo m fiʼtì sáʼka Nyùy wo juŋ fíʼtin kisáŋ, e làa yòʼ a dzər kifá ke kì dzə̀ á fò e mò woo ŋgaà fìʼtì.

Lim Aŋgàa Ntum 9:16

A m wíy dìn sho mo wù kér fó wìy yen ŋgeʼ bìʼ mo.»

Lim Aŋgàa Ntum 8:4

Aŋgàa biimé ve vé‑eè taʼrin víyi nèn a ghan virə́ʼ vidzə̀m, a fìʼtì kinyo ke Nyùy.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Joon 15:21

Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

Lim Aŋgàa Ntum 20:33

«Vèn kì sá mo mò‑oò dzəə̀n. Bó m yòʼ‑oò ló a siimé mbàm, kìn ndzə̀y sé wìr wùmòʼ gheéy. Mò‑oò lim lim a dzə̀ e wó yém rə́ne, bo vèr aàŋgaà vém ŋgoo wáa yikír.

Lim Aŋgàa Ntum 20:35

Vinyo ve mò‑oò yii vidzə̀m vi kù‑uù din e vèn ji wìr wáa lìm e wó rəə́, e fíʼ a sə vé kitàne, a kuumé kinyo ke Tàr wòsən Jesus‑eè suuyin jii, wìr wo wù kér kishéʼrì dzə̀ wo wù jav vifá, e shaà wo wù shiy shìyìn ji á fó.»

Filipi 2:9

Bìʼ kee shooy, Nyùy kóʼór wun, wù wáa dzə vitú ve ntaʼ, e bùʼ e yír ye yí shaàn yír sidzə̀m,

3 Joon 1:8

Kí nen ghèén ji vèsən ve dzəə̀n wír Nyùyi kú a sə áwune, é vèsən áwune tátí, a yiì lim ye áwune lim bìʼ kinyo ke Nyùy ke ru kí amòʼón.