3 Joon 1:6 - ŊWÀʼ NYÙY

⁶ Aámóʼó‑oò lo wìy fèn, e fèr e wír veé kintatì fène mo wò‑oò koŋ áwune, kér áwune. Kii wò, kú a sə áwune bey mo Nyùy koŋè, aá wáa ghan ghán yév,

3 Joon 1:6 Referans Kwoze

1 Tesalonika 2:12

vèn wáa ker a liì wo wù gheenen Nyùy. A dzə̀ wun woo Nyùy wo wù liìn ven ji vèn wáa dzə e wùn mvə̀m saʼ, e nəə́ sa e wùn mvə̀m vijùŋ.

Titur 3:13

Ku mùm sa fó sə Senar wo wù yeʼeyin ne nsər se bàràʼ wùn Apolor, aá tav dù ghán yév. Ku yèn ji áwune koóy á kifá ke á kér shií shó kidzə̀m.

Lim Aŋgàa Ntum 15:3

Mo kintatì ki tumen áwune, á nèn lò, a shaà dzə́ə fó wòŋ Fənisia wùn à woó Samariàa, a ghan aŋgàa biimé vee fó, a fìʼtì mo wír ve bó yòʼ dzəə̀n veé Judàa biimen ne sa kinyo ke Jesus. Wìr dzə̀m wáa yu, a sheʼrí feyì.

1 Pita 2:20

A bó yòʼ dzə̀ wù wàa sheʼrí wír wo á ndzə́n, a wù dzə́ ji nyaáŋ, aá ndzə́n a dzə̀ fo wùn jay. Wù kù yii shéʼri a dzə̀ wír wo wù yii kfə́ a dzə̀ vinyo ve ru ví, aá nyavrì sho kisáŋ, a wù kù dzə́ ji nyaáŋ, yú a dzə̀ fo Nyùy.

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

Filipi 4:14

Mo m fə̀m suuy bèn, vèn‑eè lo yiì kijuŋ feyì, e sə̀ mo é ghan sé ŋgeʼ sìn.

2 Korin 1:16

A mò‑oò yén jii, m wíy lòo dù e wòŋ Masedonia, é m shaa, e ghàn ven é Korin, lóo kfən, é vèsən kfən dzə̀ʼtì, é vèn koóy kifá kée sə mo shó, é m ghán, e dù mèé e wòŋ woo Juda.

Ŋwàʼ woó Rom 15:24

á lèn wo m kwaʼ ji m kù sí yìi yen a ven. A dzə̀ jii, m wíy lòo dù e wòŋ woo Spen, é m shaa, e ghàn ven. Vèsən dzəʼtì shishàr, shilív shí rəsìn mo, é m nèn tòsín. Lóo dù, ghan símóʼ sí, é vèn koóy kifá kée sə mo shó, é m du, e mèé fo.

Lim Aŋgàa Ntum 21:5

Kishiíy kér ké lò ki gheén, vèr nèn lì dzə́ə, a dù ghán yér. Wùn à vikìy, à wóné tsəə́né ver adzə̀m, e fəə̀sín mvəmlaʼ. Vèr áwune meé é shùu rìbà ndzə̀v, e tsə̀m fó nsay, e bùnrì, e shàʼnìn.

3 Joon 1:12

Ké Demetiyur ki dzə̀, a wìr dzə̀m búri liì və. A vinyo ve wù yii vidzə̀m vi din sa ji wù tíy a dzə̀ e Nyùy kinyò ke ru kí. Kù dzə̀ sá réŋréŋ mo m bínsi liì və wo juŋ woo shooy. À kì sá ji m suuy bèn, a m yii suuy a dzə̀ á kinyo ke ru kí.

Lim Aŋgàa Ntum 15:29

vèn kú a leʼ vifá ve á cuùn anyùy sho, a leʼ nyám yee là seé, a leʼ mensə́, e kfə̀n a leʼ liì woo kùm kinjàŋ. A vèn lò, a baàmè vinyo vìn, bo vèn yii réŋ. Á bèr ne.»

Jona 4:4

Nyùy Tàr suúy shó jii, «Kù yòʼ dzə̀ ghay wó fó a shwiíy kilòŋ á?»

Kèʼlo 4:7

Aà kì yiì réŋ, m wàa ten wò vèn à cu yée á? Kinyo ke bi kí dzə wuú yé, a kí yíi ghaʼ wò, aà ben dzə̀ là fóo bàʼàr, a yiì a dzə̀ kinyo ke réŋ kí.