3 Joon 1:5 - ŊWÀʼ NYÙY

⁵ Ŋkàr yèm, m kì sá mo à rə́si sə́ afə́r vesən adzə̀m, bo taaka ve dzəə̀n viŋgwìy, réŋréŋ mo Nyùy taʼ ji vèsən wáa yiì.

3 Joon 1:5 Referans Kwoze

Galatia 6:10

Vèsən ku nèn a yiì a dzə̀ vinyo ve juŋ vi e wìr dzə̀m mo Nyùy fó kintóʼ, bo taaka wír ve vèsən áwune tatin, e wày shilív e Kristu wùn.

Kolosia 3:17

Vèn lóo yiì vinyo ve vèn yii vidzə̀m, kìn dzə̀ ve vèn suuy suùyín, vèn kù a yiì e Tàr wòsən Jesus Kristu yir, a beè wun, a beèrì Nyùy woo Tàr wov wo wù tatin vèn áwune.

Ŋwàʼ Luk 12:42

Taàtá Jesus nèn a fèr jii, «Wánlè wìr woo jwáʼ wo wù kér vifií wo tàr wov yíi lèm láʼ sho ji ghán sí gheenè, wù fò vifá ve yi e vé lìme dzə̀ woó le?

Matio 24:45

Jesus nèn lò, e dzə̀r jii, «Wánlè wìr woo jwáʼ, wo wù kér vifií, wo dzə̀ tàr wov lèm láʼ sho ji ghán sí gheenè, wù jàv vifá ve yi e vé lìme dzə̀ woó le?

Lim Aŋgàa Ntum 1:15

Wìy lòo dzə e kishiíy kímóʼ kí, wír Jesuse báʼtí kishóv mbaà é wiì. Pita nèn nànèn, a suúy jii,

Ŋwàʼ woó Rom 12:13

Wìr yén, a fər və woo ŋgaà biìmé búŋ kifá, wù kù kòóy kifá, e sə̀ wun sho. Vèn kfə́n a səəsí afə́r vén e věn melav.

Hibru 13:2

Lá vèn yòʼ a làysìn fó a səəsí viŋgwìy e věn melav. Vèn wáa kiíy ji wír ámóʼó‑oò yiì ne bèy, e səə̀sí a dzə̀ nshèelav se Nyùy, a bó á yòʼ kì kì.

3 Joon 1:3

Mò‑oò shéʼri feyì, bìʼ fo afə́r vesən ámóʼó‑oò wìyìn, a fèr ji à tíy e kinyò ke dzəə̀n ké ru kí á shilív shimòʼón, réŋréŋ mo m kiìn ji à tíyí.

3 Joon 1:10

M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.

Matio 25:16

Wìr wo wù‑uù kér vibam vitàn və̀y siíy, e kàvnín wáy e mbàm sìy si, e kòóy séʼ sa vibam vitàn.