3 Joon 1:2 - ŊWÀʼ NYÙY

² Ŋkàr yèm, m kìíy ne ji shilív shé shi tíy e Nyùy wùn kitávín. M nén a lon ji Nyùy ku yiì, é wún wóo wáa dzə sa e távín, é vinyo vé vidzə̀m vi wáa dù fo mbìy.

3 Joon 1:2 Referans Kwoze

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

1 Pita 4:8

A kinyo ke kí shaàn vidzə̀m ki dzə̀ jii, wìr wáa kòŋ a wír shilív shidzə̀m, bìʼ fo kikoŋnìn ki yii sə́ti ajay anín.

2 Tesalonika 1:3

A dzə̀ vèr kù a beèrì Nyùy bìʼ ven ghán sidzə̀m. A kí ghèén fo vèr wáa yiì bèy, bìʼ fo vèn wáy shilív e Nyùy wùn kijuŋ, du duùn fó mbìy, kfə̀n koŋ vitú vén féyì.

Filipi 2:4

Vèn lóo yiì kinyo, vèn wàa yiì a dzə̀ ke kí sə́ wir dzə̀m. Lá wìr yòʼ a yiì ji kí kú a sə a dzə̀ wun.

Ŋgaà Yen 2:9

M kì ŋgeʼ se sí rə́si kooy ven, a m kfə̀n kì mo kitan ki yúy ven. Yii bèy, a dzə̀ m wàa suúy ji vèn dzə̀ á vé bùʼu. M kì sá mo wír ámóʼó rə́si tóy vinyo e věn bàm, yoŋ vitú vév ji wír veé Juda, aá dzə̀ kév a dzə̀ e Satan ŋgoo.

Jeem 5:12

Afə̀r vem, kinyo ke kuʼùn kí wáa dzə jii, vèn lóo suúy kinyo, wìr wàa yen a fó a kàn kinyo. Kin wù kan a dzə̀ yúv, kìn dzə̀ nsay, kìn dzə̀ kifá kìka. Ke dzə̀ vèn wàa yiì ki dzə̀ jii, wìr biíme kinyo ji eè, kù a dzə a ji eè. Wù sháʼnin ji àáy, kù a dzə a ji àáy. Vèn lóo yiì bèy, é la wìr yòʼ dzəə wìy gbù fo wùn shuù.

Filipi 2:27

Wù‑uù lo jòy rú féyì, a tàʼ kpu. Yii bèy, Nyùy shám mendzən mvə, wù lùŋ, e kfə̀n rə̀r sá méem fo wù kpú, é m maysi, a sòv kitú e ŋàŋ.

2 Tesalonika 2:13

Yii bèy, afə̀r ver, vèn dzə̀ kén, a dzə̀ vèr kù a beèrì Nyùy bìʼ ven ghán sidzə̀m, ven ve Taàtá wòsən Jesus kòŋèn é ŋàŋ. Vèr beerì wun woo Nyùy, bìʼ fo wù‑uù shoʼon ne ven fó kèʼ ji vèn wìy lùŋ. A vèn lùŋ a dzə̀ mo Kiyoy kfə́ kí‑iì shavin ven ji vee jeéy, vèn kfən yù kinyo ke Nyùy ke ru kí, e wày shilív shó.

Matio 9:12

Á lòo dzər, Jesus yú, e yòv lám wúmóʼó jii, «Wír ve tavkíné yòʼ yii taʼ ŋgaà shìv, kù yii taʼ vé yàsíi.»

3 Joon 1:1

Sàŋ mo wo dzəə̀n taà kintatì ke wìr Nyùy ŋwàʼ və̀n fo wò Gayur. À dzə̀ ŋkar yem féyì. A m koŋ wò, bìʼ fo wòsò tíy e Nyùy kinyò ke ru kí adzə̀m.