3 Joon 1:11 - ŊWÀʼ NYÙY

¹¹ Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.

3 Joon 1:11 Referans Kwoze

Nsùyrì Nyùy 37:27

Léʼ fó bǎm kinyò ke bi kí. Léʼ, a yiì a dzə̀ ke juŋ ki, áà nèn wìy shaàrì e wòŋ.

Efesor 5:1

Vèn wáa kuumé ji vèn dzə̀ wón Nyùy, a wù koŋ ven é ŋàŋ. Vèn ku nèn a yiì mo dzə̀ wóné wàa yiì, a bìʼnìn liì a dzə̀ wo Tàr wov.

1 Pita 3:11

Wù maʼti vinyo ve bi ví, a yiì a dzə̀ ve ru ví, a jùm a dzə̀ dzəʼə̀m yee nyaáŋ, e meé e ghan se wù wíy koóy.

Joon 3:20

A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Nsùyrì Nyùy 34:14

Wù maʼti vinyo ve bi ví, a yiì a dzə̀ ve juŋ vi, a jùm a dzə̀ dzəʼə̀m yee nyaáŋ, e meé mo wù wíy koóy.

1 Pita 3:13

A vèn lò, a yiì a dzə̀ vinyo ve juŋ vi bey, bo dzə̀ kfə̀n yiì la ven e kinyo ki?

2 Timoti 3:10

Yii bèy Timoti, wò‑oò ló a yu kinyo ke mò‑oò yéʼeyì, a yen mo m tiir kiwúu kém, e kfə̀n a yen kinyo ke m tiir vifíi vém shó e mǒ dzə̀ʼə̀m. Wò‑oò yén mo m wáy shilív a dzə̀ e Nyùy wùn, li vinyo vidzə̀m ji weè, koŋ wíri, tíy a dzə̀ é kinyò ke ru kí.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

1 Tesalonika 2:14

Kinyo ki nén a koóy ven, afə̀r vem, réŋréŋ mo kí‑iì kooy wír veé Juda ve vé‑eè wayin shilív e Jesus Kristu wùn, e tàtí, a dzə ji wír Nyùy. Wír vee věn wòŋe nén a fo sa ven ŋgeʼ mo wír veé Judàa‑aà fó e vee shooyi.

1 Tesalonika 1:6

Vèr kfə́n a kuumé sa mo vèn bìʼnìn ver, a dzə̀ ji vèn bìʼnìn a dzə̀ Tàr wòsən Jesus Kristu. Vèn‑eè biìmé kinyo ke Nyùy, á nèn a rəsí, a nyàvrì e vèn, vèn kú a way shilív, Kiyoy ke Ranén kí wáa yiì, vèn wáa ker kishéʼrì e věn meliv.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Joon 10:27

Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

Ŋwàʼ Fəə 23:2

Lá wìr yòʼ jùmrì kinyo ke kisaŋ ke màŋgòŋ yii. Wìr lóo tiím vinjen e kibàʼ ke nsaʼ, lá wù yòʼ jùmrì kinyo ke màŋgòŋ, e lò, e laàr suuyrú.

Hibru 6:12

Lá wìr yòʼ a yiì ŋgòy. Vèn wáa bìʼnìn a dzə̀ wír ve á siìn fó mbìy, aá koóy ne ŋkàʼmé woo shooy, bìʼ fo vé‑eè dzə́, wáy shilív a dzə̀ e Nyùy wùn, leey fó mbìy ji nyaáŋ.

1 Korin 11:1

Vèn kú a bìʼnìn mo réŋréŋ mo m biʼnìn Jesus Kristu.

1 Korin 4:16

M nén a lon ji vèn kú a tiír sa kiwuú kén á mo m tiir kém.

Ŋgàn 12:11

Wìr shev súm və́ kijuŋ, wù kùʼ é viyikìr, lóo jùmrì vinyo ve vinjeenjèm, bo wù dzə̀ kfə́ kiyúŋ.

Filipi 3:17

Afə̀r vem, ven adzə̀m kú a lì mfìʼ a dzə̀ fo mò, e kfə̀n a lì sa fo wír ve á yii vinyo réŋréŋ mo mò‑oò dìnèn e vèn.

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?