3 Joon 1:10 - ŊWÀʼ NYÙY

¹⁰ M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.

3 Joon 1:10 Referans Kwoze

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Ŋgàn 10:10

Wìr kív sí, bo kí kù yíi jòʼsì a dzə̀ é ŋgeʼ. Njìʼ lóo yòr yòrìn, wù wày kitú kfə́ é ŋgeʼ.

2 Korin 13:2

M nén a kàʼtì kiwó e wír ve vé‑eè yiìn liì kisaŋ vìyi, e kfə̀n a suúy sa e wìr dzə̀m, a kù dzə̀ kíwun ke mò‑oò suuyin é ghan se mò‑oò wìyìn ji akàŋ vee abaà, a m kfə̀n sí suuy lèn, a m dzə̀ fó səné. M kfə̀n yíi wìy lèn, é la wìr yòʼ dzəə bòy fo ŋgeʼ ye m yíi fo e ŋgaàŋ.

Ŋwàʼ Luk 6:22

«Vèn lóo jùmrì ŋgaà wo yírí dzəə̀n *Wanwìr, wíri lóo bàn ven, lóo jùmjùm, lóo kuùrì ven, lóo yòŋ ven e yír se bi sí, bo bòŋ vishí vén.

Ŋgàn 10:8

Wìr lóo ker vifií, wù wàa yu ntir, lóo dzə njìʼ woo ŋgaà kiyòr, wù kfə̀r kitú.

3 Joon 1:5

Ŋkàr yèm, m kì sá mo à rə́si sə́ afə́r vesən adzə̀m, bo taaka ve dzəə̀n viŋgwìy, réŋréŋ mo Nyùy taʼ ji vèsən wáa yiì.

Joon 9:22

Aá ndzə́v lám bey, a vé‑eè fan a dzə̀ vé wòŋe, bìʼ fo vé‑eè sìysìn ne jii, a wìr bìnsí ji Jesus dzə̀ *Mfə̀ə́r wo Nyùy‑iì kàʼàn, á jùm á ŋgaàŋ fo kintatì keé ŋgày bùnrì.

Lim Aŋgàa Ntum 1:15

Wìy lòo dzə e kishiíy kímóʼ kí, wír Jesuse báʼtí kishóv mbaà é wiì. Pita nèn nànèn, a suúy jii,

Galatia 6:10

Vèsən ku nèn a yiì a dzə̀ vinyo ve juŋ vi e wìr dzə̀m mo Nyùy fó kintóʼ, bo taaka wír ve vèsən áwune tatin, e wày shilív e Kristu wùn.

1 Timoti 5:13

Kí kfə́n a dzə sa jii, vee shooyi yíi lò, aá nèn kèʼ, a yiì a dzə̀ á ŋgòy, a ghan, a taŋrí melav, a duu viduú, a wayrí shuu e wírí vinyò, e nèn a fèr vinyo ve bó yòʼ kì dzə̀ á wàa fèr.

2 Joon 1:10

Mo kí siìn ben, a wìr wìy, e yèn ven, a yeʼéy kinyo ke bó yòʼ dzəə̀n ké Jesus Kristu, lá vèn yòʼ səə̀sí, e wày é lav. Lá wìr yòʼ fə̀m shàʼtì feyì, a shaʼtìi shó.

2 Joon 1:12

Vinyo vi dzə̀ vinín ve kì dzə̀ m sùúy e vèn. Yii bèy, a bó m yòʼ sáŋ a dzə̀ é ŋwàʼ fèn. M leey ji kintóʼ ki fəə́sín, é m wiy, e ghàn á ven. Vèsən lóo dzə fo si, é bo m fer vinyo vee shooy e vèn vidzə̀m. Vèn yú, é vèsən nèn màysì, a sheʼrí.

3 Joon 1:3

Mò‑oò shéʼri feyì, bìʼ fo afə́r vesən ámóʼó‑oò wìyìn, a fèr ji à tíy e kinyò ke dzəə̀n ké ru kí á shilív shimòʼón, réŋréŋ mo m kiìn ji à tíyí.