3 Joon 1:1 - ŊWÀʼ NYÙY

¹ Sàŋ mo wo dzəə̀n taà kintatì ke wìr Nyùy ŋwàʼ və̀n fo wò Gayur. À dzə̀ ŋkar yem féyì. A m koŋ wò, bìʼ fo wòsò tíy e Nyùy kinyò ke ru kí adzə̀m.

3 Joon 1:1 Referans Kwoze

1 Joon 3:18

Wòn vem, lá vèsən yòʼ a suúy a dzə̀ fó shuù ji vèsən koŋ afə́r vesən. Vèsən wáa kòŋ áwune rúrú, a sə áwune.

1 Korin 1:14

A m beerì feyì, mo bó m yòʼ‑oò lo wày wír fo vèn é ndzəv, e shaà Kiripur wùn Gayur,

Ŋwàʼ woó Rom 16:23

Gayur wo mo woo Por shiiy e wùn lav, shaʼtì sa ven, à kintatì ke kí tár a dzə̀ e wùn lav foo fèn ki. Eratur woo ŋgaà kitàv keé mvə̀mlaʼ fèn wùn fər wòsən Kwatur shaʼtì ven. [

Lim Aŋgàa Ntum 19:29

Ntèʼ nèn lò, e bvəə̀rí e dzə̀m. Wíri báʼtí, e bàm Gayur wùn Aritakur ve vé‑eè ghán wùn à Por, a dzə̀ wír veé Masedonia, a sə̀ŋ, a dù sho e kirə̀ʼ ké kileèy.

Lim Aŋgàa Ntum 20:4

Wù nèn a dù. Wù‑uù ghán wùn à Sopatar woo wan Pirur, a dzə̀ wír woó Beria, à Aritakur, à Sekundur ve dzəə̀n wír veé Tesalonika, à Gayur wo yì‑iì dzəə̀n wír woó Derbe, à Timoti, à Ticikur wùn à Toofimur ve dzəə̀n wír veé Asia.

Lim Aŋgàa Ntum 11:30

Áwune nèn sùʼ mbàm, e tùm Banabar wùn Saul sho ji á du, e wày áàtǎr kintatìí kiwo.

1 Pita 5:1

M nén a tir wír ve dzəə̀n atǎr kintatì e věn mvəm. A m tír moo wír wo dzəə̀n sá taà kintatì wùmòʼ, kfə̀n suuy moo wír wo wù‑uù yenen e sí rəə́ mo Kristu yén ŋgeʼ bìʼ vèsən, kfə̀n suuy moo wír wo vèn áwune wíy nəə́ e vijùŋ ve Kristu wíy wìy sho.

3 Joon 1:2

Ŋkàr yèm, m kìíy ne ji shilív shé shi tíy e Nyùy wùn kitávín. M nén a lon ji Nyùy ku yiì, é wún wóo wáa dzə sa e távín, é vinyo vé vidzə̀m vi wáa dù fo mbìy.