2 Wòŋ 4:1 - ŊWÀʼ NYÙY

¹ Fòn Solomon‑eè yòŋ, á fèr kíy cù e kisha kee *brons ki, a mbvə̀ʼ wùn à vida vi dzə̀ réŋréŋ kóy e tàn tàn. Vida vee kóʼ koʼón ví wáa dzə kóy e baà e kimbéʼ ki.

2 Wòŋ 4:1 Referans Kwoze

1 Afòn 8:64

Wáa dzə e kishiíy fóo fèy, Fòn Solomon ràŋ kirə́ʼ é maàndzə ye yì‑iì dzəə̀n é mbìy shùu lav cù, e nàŋsín ji kirə́ʼ kee jeéy kí, a yiì cu ye tonèné wùn à yé vifa ve yii fó, e kfə̀n tòn fóm se nyàm se cù kikòŋnìn fo. Wù‑uù yii bèy, bìʼ fo kíy cù woo kisha kee *brons ki, wo wú‑uù tíy e shuù lav cùu yòʼ‑oò dzə̀ wú keèrí cu sìn sidzə̀m.

2 Wòŋ 1:5

Yii bèy, a kíy cù wo vé‑eè fèrìn e kisha kee *brons kií kù dzə̀ kfə́ é Gibeon, a dzə̀ wúwun wo Besalel‑iì fèrìn, wun woo wan Uri, Uri woo wan Hur. Kíy cù və̀ne‑eè dzə̀ é mbìy kibàn ké ntàsín ké Nyùy Tàr. Dzə̀ é kiy cù fèn fo Fòn Solomon wùn à wìr dzə̀m‑eè duùn ji á cu á Nyùy Tàr.

1 Afòn 9:25

Yì‑iì lóo dzə e kitu ke kiya, Solomon yiì cu akàŋ ataár e kiy cù wo wù‑uù fèrìn ji wó Nyùy Tàr. Wù lo, wù yiì cu ye tonèné wùn à yé kikòŋnìne, e kfə̀n a tòn sa kiláy e Nyùy Tǎr si. Á mo Fòn Solomon‑eè màysìn kibaʼrì ke lav cù.

1 Afòn 8:22

Fòn Solomon nèn dù, e tìím e mbìy kiy cù Nyùy Tàr, a wír veé Israyi yéné, e nàn wó rə́, e kìʼ yúv shó,

2 Wòŋ 8:12

Fòn Solomon lò, e cù Nyùy Tàr e cu se tonèn sí e kiy cù wo wù‑uù bomen é mbìy lav cù.

2 Wòŋ 15:8

Fòn Asa yú kisúŋnìn ke Asaria woo wan Oded kìn, e kùr shilív, e fə̀ə́r mebvə̀m me mè‑eè kóʼoy mèy fo nsay Juda e dzə̀m wùn à ye Benjamin, à fó ŋkà se laʼ se wù‑uù faàsìn é wòŋ agwan woó Efrayim. Wù kfən nàŋsín kíy cù Nyùy Tàr wo wú‑uù tíy e mbìy shùu lav cù.

2 Wòŋ 7:7

Fòn Solomon‑eè ràŋ kirə́ʼ é ntìntìn maàndzə ye yì‑iì dzəə̀n é mbìy shùu lav cù, e nàŋsín ji kirə́ʼ kee jeéy kí, e nèn a yiì cu ye tonèné fó, e kfə̀n a tòn fóm se nyàm se cù kikòŋnìne fó. Wù‑uù yiì bey, bìʼ fo kíy cù woo kisha kee *brons ki wo wù‑uù fèrìn, e tìír e shùu lav cùu yòʼ‑oò dzə̀ wú keèrí cu sìn sidzə̀m.

2 Wòŋ 29:18

Áwune nèn lò, e dù, e yèn Fòn Hesekiya, e sùúy e wun jii, «Vèr kfə̀mrí ne lav Nyùy Tàr e dzə̀m. Á kfə̀mrí *kíy cù woo wó cù ye tonèné wùn à vifá və́ ví, e kfə̀mrí sa kidàŋ ke kiban ké cù wùn à vifá veé kidàŋ foo fèy vi vidzə̀m.