2 Wòŋ 26:1 - ŊWÀʼ NYÙY

¹ Wír veé Juda adzə̀me nèn lì lèn Ussiya woo wan Amatsiya, a wù dzə̀ kiyá nshòv ntuùfú e ghvə̀m, e kòʼór ji fon e tàr wóv ntaʼ.

2 Wòŋ 26:1 Referans Kwoze

2 Wòŋ 22:1

Wír veé Jerusaleme‑eè lì Ahasiya wo yì‑iì dzəə̀n kinjòʼsìbàm ké wón Fòn Jehoram woó Juda, e kòʼór ji fon. Wù ku nèn a saʼ e tàr wóv ntaʼ. Vé‑eè kòʼór a dzə̀ wun bèy, bìʼ fo vé‑eè yuyrin ne wón Jehoram vee ŋgày sé wìr adzə̀m, a yì‑iì yùyrí ŋgoo wìr ye yì‑iì jùmrìn wír veé Arab, e nə̀ə́ e wír veé Judàá kilaʼáy ji á faasi vifá.

2 Wòŋ 33:25

Wír veé Judàa nèn lò kév, e yùyrí wir dzə̀m wo wù‑uù kér kiwó e fòn kpu, e nèn kòʼór Josia woo wán və ji fon, wù lì kilíŋ ke tàr wov.

1 Wòŋ 3:12

Amatsiya woo wan Joash, Asaria woo wan Amatsiya, Jotam woo wan Asaria,

2 Afòn 14:21

Wír veé Juda adzə̀me nèn lì Ussiya woo wán və, a wù dzə̀ viyá nshòv ntuùfú e ghvə̀m, e bùn ji fon, wù wáa saʼ e Amatsiya woo tàr wóv ntaʼ.

2 Wòŋ 25:28

Á yúyrí bey, e bèʼèy dzə́n é kitu ke nyàmŋkoʼ, e wìy, e lìtì aàtàr vəə́ ghaŋ, e Ŋkàlaʼ Davir.

2 Wòŋ 26:2

Dzə̀ wun wo wù‑uù bàʼrìn ŋkàlaʼ Elat, e siìr fo, e yiì, yì kfə́n ji ŋkàlaʼ Juda, a Fòn Amatsiya láy ne.

Aysaya 1:1

Ŋwàʼ və̀ne naarì vinyo ve Nyùy‑iì ghemen ndzə, e dìn e Aysaya woo wan Amot, kùm wír veé Juda wùn à ŋkàlaʼ yee Jerusalem. Wù‑uù yèn vinyo vìn e ghan sí jeéy jeéy mo afone‑eè sáʼ e Juda, wùmòʼ e wùmǒʼ bàm. Wù‑uù yèn vímóʼ vee vinyo e ghan se Ussiya‑aà sáʼ vifon, e yèn vímóʼ ví é ghan se Jotam‑eè sáʼá, vímóʼ ví e Ahas ghan, vímóʼ ví e Hesekiya ghan.

Hosea 1:1

Vinyo ve ví dzəə̀n é ŋwàʼ fèn vi dzə̀ ve Nyùy‑iì lo, wù sùŋnín e Hosea woo wan Beeri, e tiìsí sho. Wù‑uù kèʼ, a suŋnín e wun e ghan se Ussiya‑aà sáʼ ji fon woó Juda, e kù a suŋnín e Jotam ghan, a suŋnín e Ahas ghan, e kù a suŋnín sa e ghan se Hesekiya‑aà sáʼ Juda. Ghán sin si‑iì dzə̀, a Jeroboam woo wan Jehoash sáʼ mbìv wòŋ yee kuy ye dzəə̀n ji Isray.

Amos 1:1

Ŋwàʼ və̀ne dzə̀ kisúŋnìn ke Amos wo yì‑iì dzəə̀n wír fo wír veé Tekoa ve vé‑eè leey fo nyám sií. Wú súŋnin a dzə̀ kinyo kee kùm Isray ke Nyùy‑iì ghemen ndzə, e dìn e Amos. Wù‑uù yèn vinyo vìn, a Ussiya sáʼ mbìv wòŋ yee Juda, a Jeroboam woo wan Joash sáʼ yee Isray. Wù‑uù yèn, viyá vi shaà vibaà, é bo nsay lo, a sə̀ʼsì e wòŋ foo fèy.

2 Afòn 14:1

Vé‑eè kòʼór Amatsiya woo wan Joash ji fon woó Juda, a Fòn Jehoash woo wan Jehoahas sí sáʼ Isray ji viyá vibaà.