2 Wòŋ 2:4 - ŊWÀʼ NYÙY

⁴ M yoŋ bèn, a m lo, e bàʼrì lav cù, e fo e Nyùy Tàr woo Nyùy wom, aá wáa ghvəm wun fo. Dzə̀ fó, fo á yíi a tòn kiláy ke rəʼtìn kí, a cù Nyùy Tàr shó, e kfə̀n a neèr kibán fo, é kí wáa dzə e wun si ghán sidzə̀m. Á kfə̀n yíi a yiì cu se tonèn sí fó, kijàvndzə kidzə̀m wùn à e ŋkuùr, a yiì e vishiíy vé bam, e kfə̀n a yiì e vishiíy vé *Ŋkǎʼ Ŋwee wo Fíyi, a yiì e vishiíy vé ŋkàʼ vímóʼ ví ve á lèm ji vé Nyùy Tàr woo Nyùy wor. Á mo kí dzəə̀n ji wír veé Israyi wáa yiì, e wìy dù, e mày.

2 Wòŋ 2:4 Referans Kwoze

Ŋwàʼ Fəə 30:7

«Aaron kù wíy a tòn kiláy ke rəʼtìn kí é kiy cù fèn kijàvndzə kidzə̀m mo wù wìyìn, a naŋsín lam si.

Ŋwàʼ Fəə 25:30

À kù wíy a lèm kibán ke cù e kidàŋ foo fèy, é kí wáa dzə e mǒ si ghán sidzə̀m.

2 Wòŋ 2:1

Fòn Solomon‑eè yèn ji wun‑éè baʼri á lav cù ye á wáa cù Nyùy Tàr shó, e kfə̀n bàʼrì a ntoʼ rə.

1 Afòn 8:63

Fòn wáa yiì cu kikoŋnìn e nàʼ nsə̀kì nshòv sibaà e mbaà (22,000), bvə́y si ansə̀kì kishóv mbaà e wiì (120,000). Kù bey, fòn wùn à wìr dzə̀m woó Isray nèn fò lav cù e Nyùy Tàr.

1 Afòn 8:18

Nyùy Tàr nèn sùúy e tàr wor Davir jii, mo wù kér e wun shiliv ji wun baʼri á lav ye á wáa cù wun sho, bo dzə̀ á kwaʼtì ye juŋe.

1 Afòn 5:5

m nén a tàʼ lèn, e bàʼrì lav Nyùy Tàr woo Nyùy wom. Dzə̀ kíwun ke Nyùy Tàr‑iì yòŋèn tàr wor Davir, e sùúy jii, ‹Wìr wo wù wíy bàʼrì lav yem wíy a dzə wan wò wo m wíy koʼór, é wù li kirə́ʼ ké.›

2 Wòŋ 13:11

Áwune cu Nyùy Tàr vijàvndzə vidzə̀m wùn aàŋkuùri, e cu se tonèn sí, à kiláy ke kí rəm, rəʼtìn ki. Aáwune kfə̀n siysì kibán ke cù, neer e kidàŋ ke á *kfəmrin, kí rán. Lóo dzə aŋkuùr adzə̀m, áwune sə̀ʼtì lam se sí tíy e vitiir vee kisha ke mbàm ke baar kí. Ké ru kí, vèr yii kinyo ke Nyùy Tàr woo Nyùy wor yòŋèn, yii bèy, vèn màʼày ne kén wun máʼayin.

Nehemia 10:33

Aá ku wìy a lìm vinyo veé lav Nyùy sho vee jii, kibán ke á maʼ Nyùy sho, à cu vifa ve yi yee ghán sidzə̀me, à nyám se cù ye tonèné yee vishiíy vidzə̀me, à vifá ve cù seé vishiíy vé bam vi, à vifá ve *Ŋkǎʼ Ŋwee wo Fíyi, à vé ŋkàʼ se shavín sí, à vé cù yee jeéyí, à vé cù ye á mán ajay wìr veé Isray shoo, e bóo lì lim símóʼ sí sidzə̀m see Nyùy woo Nyùy wór lav.

1 Wòŋ 22:5

Fòn Davir‑iì báʼti bèy, rəm jii, «Wan wom Solomon dzə̀ə́ e térí, a wù yòʼ sí kér vifií, a lav cù ye wù wíy bàʼrì kér fó a dzə ye wiiwíy, aá wáa yuʼnín, é vitúm vidzə̀m vi wáa leéy, a kòŋ. Bo kí bòŋ ji m báʼtí á vifá ve kibàʼrì.» Á bèy, Fòn Davir nèn bàʼtí vifá ve lìm vighaágháʼán, e bóo wìy a lày.

Nsùyrì Nyùy 86:8

Rúrú, Nyùy Tàr, a fə̀m dzə̀ anyùy feyì ve wíri cu, bo bó wùmòʼ yòʼ dzə̀ moo wò, a bó lim símóʼ sí yòʼ kfə̀n dzə̀ shó moo sé.

Nsùyrì Nyùy 96:4

Nyùy Tàr dzə̀ e gháʼtín, a dzə̀ á wàa burí wun feyì. Á wáa ghvəm a dzə̀ wun, e shaà anyùy.

Ŋgàn 7:20

Wù yòʼ yíi tav kfən, bìʼ fo wù lòo dù, e lì mbàm nyanyày, a wù kù wíy kfən a dzə̀ é kishiíy ke wù‑uù kàʼàn.»