2 Wòŋ 2:1 - ŊWÀʼ NYÙY

¹ Fòn Solomon‑eè yèn ji wun‑éè baʼri á lav cù ye á wáa cù Nyùy Tàr shó, e kfə̀n bàʼrì a ntoʼ rə.

2 Wòŋ 2:1 Referans Kwoze

1 Afòn 5:5

m nén a tàʼ lèn, e bàʼrì lav Nyùy Tàr woo Nyùy wom. Dzə̀ kíwun ke Nyùy Tàr‑iì yòŋèn tàr wor Davir, e sùúy jii, ‹Wìr wo wù wíy bàʼrì lav yem wíy a dzə wan wò wo m wíy koʼór, é wù li kirə́ʼ ké.›

1 Wòŋ 22:10

Wíy bàʼrì a wun lav ye á wíy a cù wun woo Nyùy sho. Wù wíy a dzə a wán və, é wun wáa dzə a tàr wov. Wun wíy yiì, é sáʼ rəə́ tuúy é Isray, e wìy dù, e jòʼsì.»

1 Afòn 9:1

Solomon‑eè màysì kibaʼrì ke lav cù Nyùy Tàr, à kee wun ntoʼ ki, e kfə̀n màysì, e bòm kifá kidzə̀m ke wù‑uù kér shií e bom,

1 Afòn 8:20

Nyùy Tàr dzə̀, a wù yiì ne kinyo kee shooy lán. M lì ne kirə́ʼ ké tàr wor Davir, e kòʼ é kàvàʼ woó Isray, kù mo Nyùy Tàr‑iì kàʼàn. M bàʼrì ne lav ye á wáa cù Nyùy Tàr shó woo Nyùy wìr veé Isray.

1 Afòn 8:18

Nyùy Tàr nèn sùúy e tàr wor Davir jii, mo wù kér e wun shiliv ji wun baʼri á lav ye á wáa cù wun sho, bo dzə̀ á kwaʼtì ye juŋe.

1 Afòn 7:1

Fòn Solomon‑eè bàʼrì sá ntoʼ rə, a kí‑iì lì wun kiyá nshòv sitaár e ghvə̀m, é bo wù maysi.

Remrí 28:58

Mooser nèn yòŋ jii, «Vèn ku wìy a yunín yéʼéy Nyùy Tàr rən, a ŋeèvì nsər se sí dzəə̀n é ŋwàʼ fèn sidzə̀m, a yiì mo sí dzəə̀n. A vèn dzə̀ là fó a ghvəm yír Nyùy Tàr woo Nyùy won, a wù dzə̀ e gháʼtín, e kfə̀n a dzə e beémén,

Remrí 12:11

Nyùy Tàr woo Nyùy won wíy shóʼ kirə́ʼ ke wù shoʼon ji á wáa ghvəm wun fo, bo dzə̀ fo vèn wíy a wìy e kifá ke m yòŋèn e vèn kí kidzə̀m, a dzə̀ ji cu yén ye tonèné wùn à ye seeríné, à nsùʼ woo kintóʼ ke kifa kimòʼón fo vee ghvə̀m vi, à cu seé dzəə sí dzəə sí, à yé ŋkàʼmée.

Remrí 12:5

Vèn kù wíy a tàʼ a dzə̀ kirə́ʼ kee shó ke Nyùy Tàr woo Nyùy won wíy shoʼ fo rám sén sí nsay, e lèm ji kfə́ ke á wáa cù wun fo. Ghán se vèn wiy e wun si, a cù wun, vèn kù dù a dzə̀ fó.

2 Wòŋ 1:17

a kávi dzə̀ ashekel kishóv mtàn e wiì, a dzə̀ *shekel woo kisha ke mbàm ke fəvír kí. Á lo, á yùn kiténtén fó Ejiv, a kávi dzə̀ ashekel ghií ntuùfú. Á kfə̀n‑eè lo, á wàa lì sa viténtén wùn à nyám sìn si, a fiìnè aàfon veé Hit wùn à veé Arame.

2 Wòŋ 2:12

Fòn Hiram kfə̀n‑eè sàŋ jii, «Búríi wáa dzə fo Nyùy Tàr woo Nyùy wìr veé Isray wo wù bomen yúv wùn à nsay. Wù fò ne Fòn Davir wán woo fií, wán, a wù kiiy vinyo, kfə̀n rətì vinyo. Wù yíi bàʼrì lav cù Nyùy Tàr, fo kfə́ kí, é wù baʼri ntoʼ rə.

1 Afòn 5:15

Fòn Solomon kfə̀n‑eè kér vé lìm ve vé‑eè béʼ vifá wír nsə̀kì msaàmbà, kfə̀n kér wír ve vé‑eè sán tíy é virə̀ʼ vé agwan, nsə̀kì mwaamé.