2 Samuel 8:2 - ŊWÀʼ NYÙY

² Wù kfən tòn wír veé Moav, e sùúy, wír ve vé‑eè koon é kwaʼ rərí neèm fo nsay ataár ataár, wù yúyri vee abaà, wù màʼtì wo mòʼón. Wír veé Moavi nèn nə̀ə́ e Davir sar saʼ, a fo nshwì e wun.

2 Samuel 8:2 Referans Kwoze

Kintaŋ 24:17

M yén ŋgaàŋ, a bó wù yòʼ sì lèn. M màʼ sí, a m yén wun ntàmda. Fòn wíy lò fo Jakov ram mo lò sàŋ, kitoómé ké vifòn ki wíy koʼ e Isray. Wù wíy bvəʼtí vitú ve wìr veé Moav, e teè wónlě vilum veé Shet.

Nsùyrì Nyùy 60:8

Kitúm kee Moav ki kù dzə̀ kfə́ mbǐʼ mendzə̀v, mbìʼ wo m su wúu yém shó, woŋ Edome wáa dzə fo m yíi shwèy alábáʼ vém. Kù‑uù tòn mo fó, a m yíi a yòv nsiì e wír veé Filistiàá kitu.»

2 Samuel 8:6

Wù nèn lèm vé rərí aáwuné wòŋ, e viliŋ viliŋ, á nèn a dzə e wun sar saʼ, a fo nshwì e wun. Mo Davir‑iì ghán maʼ rə́r bey, Nyùy Tàr kú a yiì, wù wáa tòn vitúm vidzə̀m tónen.

1 Samuel 10:27

Yii bèy, aŋkùmshuù ámóʼó wáa màʼ lám jii, «A dzə̀ jwè və̀n sə̀ ver é gha?» Áwune nèn a leéy Saul ntéŋ, e làa yòʼ a fo wun afómo. Yii bèy, Saul ku lèm kfə́ a dzə̀ nyaáŋ, e làa yòʼ a ci.

Aysaya 36:16

Lá vèn yòʼ a yuurí kinyo ke Hesekiya.› «Fòn woó Assiriya suuy jii, ‹Vèn fəə́ á fo ŋkàlaʼ, e gbù wun, é wìr mòʼón mòʼón nèn a dzə ji nyaáŋ e wun laʼ, a kfər báŋ se sí loòn fo wun kitiír ké *vayin, a kfər sa *fig wo wù kù lo a dzə̀ fo ŋgaàŋ kici, e kfə̀n a no mendzə́v, a kù dzə̀ fo wun ndzəv ye tuŋéné.

Nsùyrì Nyùy 108:9

Kitúm kee Moav ki kù dzə̀ kfə́ ji mbǐʼ mendzə̀v, mbìʼ wo m su wúu yém shó, woŋ Edome wáa dzə fo m yíi shwèy alábáʼ vém. Kù‑uù tòn mo fó, a m yíi a yòv nsiì e wír veé Filistiàá kitu.»

2 Wòŋ 26:8

Wír veé Ammone‑eè fó sa nshwì e Fòn Ussiya. Wù‑uù kér vitaáví é ŋàŋ, a leŋ vəə́ du, mee e Ejiv.

1 Wòŋ 18:2

Wù kfən tòn wír veé Moav, á wáa dzə e wun sar saʼ, a fo nshwì e wun.

2 Afòn 17:3

Fòn Shalmaneser woó Assiriya lò, e nə̀ə́ Fòn Hoshea e rə́r sí. Hoshea gbù wun, e nèn a fo nshwì e wun viyá vidzə̀m.

2 Afòn 1:1

Fòn Ahav woó Isray‑iì lày, wír veé Moavi nèn kèʼ, a tav kitú fo wír veé Israyi.

2 Samuel 12:31

Wù‑uù lì wír vee fó, á wáa lìm lim se tavkín sí. Vé‑eè lim lim aàsòó wùn à e visoó vi, à njàm sí, aámóʼó tsə́m nsay, tonè. Kù dzə̀ mo wù‑uù lóvti bèy e ŋkà se laʼ se wìr veé Ammon si sidzə̀m. Wùn à wír vəə́ nèn wìy lò, e kfə̀n é bàm é Jerusalem.

1 Samuel 14:47

Sáʼ Sauli yiì tùúy e Isray, wù nèn kèʼ a fùnèn aŋgàa vibàn və́ adzə̀m veé Moav wùn à veé Ammon, à veé Edome, e bóo lì afon veé Tsoba wùn à wír veé Filistiàa. Virə́ʼ vidzə̀m ve wù‑uù màʼàn rə́r fó, wù kù‑uù tòn tónen.

Nsùyrì Nyùy 83:6

Aá dzə̀ jii, wír veé Edom wùn à veé ram Ishmaeli, veé Moav wùn à veé Hagrìi

1 Samuel 22:3

Davir kfən lò fo fo, e dù e Mispe e wòŋ Moav, e sùúy e fòn woo fó jii, «Nyàr, á wàá ku màʼtì, é tàr wor wùn yè wor wiy, a dzə a wùn à fòn, e dù, e meé a mo m yíi yen kinyo ke Nyùy yíi yiì e mò.»

1 Samuel 22:4

Á bèy, wù nèn màʼtì áwune e fòn woó Moav. Á ku nèn a dzə wun à fòn ghán sidzə̀m se Davir‑iì laay e virə̀ʼ vé kilìr.

1 Afòn 4:21

Fòn Solomon‑eè sáʼ vitúm vidzə̀m vee kèʼ fó ndzəv yee Yufret, e dù mèé e nsay Filistia, e kfə̀n dù mèé e bìíy yeé ŋguùŋè Ejiv. Vitúm vi‑iì wiy, fó nshwì e Fòn Solomon, e kù a fo bèy, e dù, e meé mo wù‑uù dzə̀ʼə̀mèn, e wìy lày.

Nsùyrì Nyùy 18:45

Wúmé kpú fo áwuné bvə̀m, á wáa yàʼ, a meekír fo virə̀ʼ ve ví kiŋ áwune.

Nsùyrì Nyùy 60:10

Éè Nyùy, à bìn ne rú ndzə̀m e vèr a? À yòʼ dzəə́ du fo mbìy, danèr vé rər vér a?