2 Samuel 8:1 - ŊWÀʼ NYÙY

¹ Shintàm shi lòo dàr, Davir kfən nə̀ə́ wír veé Filistia e rə́r sí, e tòn áwune, e màyìr sáʼ yév.

2 Samuel 8:1 Referans Kwoze

2 Samuel 7:9

Mò‑oò dzə̀ wòsò virə́ʼ vidzə̀m ve wò‑oò du, a m kù laar aŋgàa vibàn vé adzə̀m. M yíi yiì, aá kiíynín yír yé moo yé antav ve ghaʼtíné veé kitu ke nsay.

2 Samuel 2:24

Joav wùn Abishay nèn shòʼ e Abner bàm. Shùy lòo nəə́, á meé é gwan woo Amma e ghaa Gia, e dzəə ye yì du e woʼ yeé Gibeon.

Hibru 11:33

Wír vìn adzə̀me‑eè wày shilív e Nyùy wùn é ŋàŋ, ámóʼó lo, á nèn a tòn vitúm, ámóʼó wàa dzə aŋgàa saʼ, a neèr sáʼ a dzə̀ yee là kiloʼ. Wír vìn adzə̀me kù‑uù dzə́, shiy a dzə̀ Nyùy, e nèn wìy kòóy kifá ke wù‑uù kàʼàn áwune shó. Ámóʼó wáy shilív e Nyùy wùn ji dzə̀ á wù sə̀tí shuu se abvərə̀ʼ fo á kfə́r áwune, wù nèn sə̀tí.

Hibru 11:34

Wù kfən ndzə̀mér və́y wo wú‑uù beéme fo wú ton ámóʼó. Wù téʼtín ámóʼó fo á lémkír é shùu rər, e tàvír anjoó, á kfə́n ji antav. Wìr lo, wù tàm shúu rər e fur wùn mòʼón, e jùm wír vee shooy adzə̀m.

2 Samuel 19:9

Wíri nèn lò, e kèʼ, a kfə̀ynìn woŋ Isray e dzə̀m jii, «Fòn Davir‑iì lo bòyìr ver fo aŋgàa vibàn vérí wo, e kfə̀n sə̀ ver fo wír veé Filistiàá wo, yii bèy, wù fəə̀ ne kitúm lèn, bìʼ Absalom.

2 Samuel 22:44

«À sə́ mo, m gháʼ wír ve á tsə́y kóy vèr áwune. À lém mo, m wáa dzə taà saʼ fo vitúm vi, vitúm ve bó m yòʼ‑oò kiìn ví wáa shwi mo.

Nsùyrì Nyùy 18:43

À sə́ mo, m gháʼ wír ve á tsə́y kóy vèr áwune. À lém mo, m wáa dzə taà saʼ fo vitúm vi, vitúm ve bó m yòʼ‑oò kiìn ví wáa shwi mo.

Nsùyrì Nyùy 60:8

Kitúm kee Moav ki kù dzə̀ kfə́ mbǐʼ mendzə̀v, mbìʼ wo m su wúu yém shó, woŋ Edome wáa dzə fo m yíi shwèy alábáʼ vém. Kù‑uù tòn mo fó, a m yíi a yòv nsiì e wír veé Filistiàá kitu.»

1 Samuel 7:13

Á bèy, wír veé Israyi tòn wír veé Filistia e kishiíy fóo fèy, la wír veé Filistiàa yòʼ kfə̀n dzəə nə̀ə́ áwune e rə́r sí. Nyùy Tàr yòʼ‑oò lo fò kintóʼ e wír veé Filistiàa e Samuel ghan.

2 Samuel 5:17

Wír veé Filistiàa yú ji á kòʼór a ne Davir ji fon wìr veé Isray, e nèn kòʼ ji á jwím á wun, e koò. Davir yú bey, e nèn sə̀y, e dù a dzə e kirə̀ʼ ke kiŋsìn kí.

2 Samuel 5:25

Davir nèn yiì mo Nyùy Tàr kì suuyin, e jùm mànjòŋ woó Filistia, e kèʼ fo Geba, e dù, e meé e Geser.

Nsùyrì Nyùy 60:2

Wò‑oò yiì, nsay sə́ʼsí, e shàʼkìr. Ku sə̀tí viŋgwáʼ vee shooy vi, ví sí gheŋènè.