2 Samuel 7:9 - ŊWÀʼ NYÙY

⁹ Mò‑oò dzə̀ wòsò virə́ʼ vidzə̀m ve wò‑oò du, a m kù laar aŋgàa vibàn vé adzə̀m. M yíi yiì, aá kiíynín yír yé moo yé antav ve ghaʼtíné veé kitu ke nsay.

2 Samuel 7:9 Referans Kwoze

2 Samuel 5:10

Wù ku nèn a tavkír, a dù duùn fó mbìy, bìʼ fo Nyùy Tàr woo Taà Mànjòŋ kù‑uù dzəə̀n wùn wun.

1 Wòŋ 17:8

Mò‑oò dzə̀ wòsò virə́ʼ vidzə̀m ve wò‑oò du, a m kù laar aŋgàa vibàn vé adzə̀m. M yíi yiì, aá kiíynín yír yé moo yé antav ve ghaʼtíné veé kitu ke nsay.

2 Samuel 8:6

Wù nèn lèm vé rərí aáwuné wòŋ, e viliŋ viliŋ, á nèn a dzə e wun sar saʼ, a fo nshwì e wun. Mo Davir‑iì ghán maʼ rə́r bey, Nyùy Tàr kú a yiì, wù wáa tòn vitúm vidzə̀m tónen.

1 Samuel 18:14

A virə́ʼ vidzə̀m ve wù‑uù maʼ rə́r fó, wù kù‑uù ton tònèn, bìʼ fo Nyùy Tàr‑iì dzəə̀n wùn wun.

2 Samuel 8:14

Wù lèm vé rərí woŋ Edom e dzə̀m. Wír veé Edom adzə̀me nèn a neŋ e wun sar saʼ. Nyùy Tàr‑iì yiì, Davir wáa tòn vitúm vidzə̀m tónen fo wù‑uù maʼ rə́r.

Kèʼlo 12:2

M wíy yiì, áà wáa ker kfəə́, é yí wìy a dzə kitúm ke kuʼùn kí. M wíy bùʼ wò, e yiì, é yír yée wáa dzə yír ye kuʼùné, áà wáa dzə wir kisəə̀vì fo wíri.

Ŋwàʼ Luk 1:52

Wù sù ne afon, e bàʼtì fo kàvàʼ, e kòʼór a dzə̀ wír vee fó tèr.

Nsùyrì Nyùy 89:23

M wíy laàr aŋgaà və́ vibàn e wun si, e yuyrí wír ve á ron wúu rə́ adzə̀m.

2 Samuel 22:30

Nyùy Tàr, à fó mo vitaáví, a m laar shúu rər, kfə̀n líy kay ye á bomen, e kaàrí láʼ sho.

1 Samuel 2:8

Wù nan aŋgàa kitàn fo kibvə̀r, kfə̀n fəər aŋgàa ŋgeʼ fo áwuné mvə̀m nyar. Wù táti áwune é ŋgoo wón ntoʼ, dzəʼə̀r áwune áàntaʼ ve kuʼkìné. «Wày wun woo Nyùy Tàr kinsə̀ŋ ke ndzə. Bóm wun ndzə e kitu wo.

2 Samuel 22:1

Yì‑iì dzə̀ é ghan se Nyùy Tàr‑iì bòyìrìn Davir fo aŋgaà və́ vibàné wo adzə̀m, bo taaka Saul, wù nèn a yòv luŋ e Nyùy Tàr.

1 Samuel 31:6

Á mo Saul wùn à wón və́ vee ataári, à ŋgaà ŋkeè və, à wìr Saul e dzə̀m‑eè kpuun ben kishiíy kimòʼón.

1 Samuel 5:10

Á nèn tsə̀nsí ŋkùv mensàŋ Nyùy e Ekron. Wù meé fó, wír vee fóo nèn a taŋnín taŋnín, a suúy jii, «Á wìy ne e ŋkùv mensàŋ Nyùy wìr veé Isray e věr nsay ji wù tátí á ver, e yùyrí.»

2 Samuel 8:13

Davir‑iì fùnèn wír veé Edom e Kiwoóy ké Shiŋgwaŋ, e yùyrí wíri nsə̀kì nshòv waamé e ghvə̀m, leŋ vəə́ wáa dù.

2 Samuel 23:1

Kisúŋnìn ke Fòn Davir ke bàm kí kíne. «Dzə̀ jí sém, mo Davir woo wan Jessi, jí se wìr wo Nyùy‑iì koʼorin, wír wo Nyùy Jakov‑iì yoʼon, a kfə̀n dzə̀ wir yòv wo juŋ e Isray.

Joshua 6:27

Á mo Nyùy Tàr‑iì dzəə̀n wùn Joshua, leŋ vəə́ wáa dù woŋ e dzə̀m.

1 Samuel 18:30

Ghán sin, wír veé Filistiàa kù‑uù lo, á wàa fəə, a màʼ rə́r. Fo rər sidzə̀m se vé‑eè maʼà, Davir kù‑uù tòn áwune tónen e shaà vilìmbìy ve rər vé Saul vímóʼ ví. Yír Daviri ku nèn a dù, á wáa kiiynín wun feyì ji wír wo tavín.

2 Samuel 22:43

M jò áwune, á wáa dzəʼ dzəʼə́n moo kibvər. M nyèŋrì áwune mo á nyèŋ kishaʼàr é dzəə.

Nsùyrì Nyùy 21:6

À yiì ne, wù wáa dzə wir kisəə̀vì, e dù, e jòʼsì, wù yú vijuŋ, bìʼ fo à dzəə̀n e wun mentsə̀m.