2 Samuel 7:7 - ŊWÀʼ NYÙY

⁷ Vé‑eè rə́si du e virə̌ʼ virə̀ʼ, a kù ghán vèr áwune, aá kér atǎr nsaʼ ve mò‑oò yòŋèn ji á wáa leéy a fo wíri. Vèr áwune‑eè ghán bèy, a bó m yòʼ‑oò yiì ne dzə̀r aáwune ji sà yiì ka, la á yòʼ bàʼrì lav yem, e bóo bàʼrì yee kicí ké sidar ki á?

2 Samuel 7:7 Referans Kwoze

1 Wòŋ 17:6

Vé‑eè rə́si du e virə̌ʼ virə̀ʼ, a kù ghán vèr áwune, aá kér vé saʼa ve mò‑oò yòŋèn ji á wáa leéy a fo wíri, a bó m yòʼ‑oò yiì ne dzə̀r aáwune jii, sà yiì ka la á yòʼ bàʼrì lav yem e kicí kee *sidar ki á?

2 Samuel 5:2

Yì‑iì dzə̀ é ghan se sí‑iì shaàn, a Saul dzə̀ fon wor, a yì‑iì li wò wír veé Isray, du sho e shùu rər. A Nyùy Tàr‑iì lo kàʼ wò ji à wíy a leéy a fo wír və́ veé Israyi mo nshìy lèéy fo njiì, aà wíy a dzə a taà saʼ woó Isray.»

Lim Aŋgàa Ntum 21:28

a rəəmé ji wír veé Israyi wàá kaáy. Dzə̀ á wír və̀n wo wù ghán virə́ʼ vidzə̀m, yéʼey wíri ji á wáa leéy woŋ və̀n, wùn à Nsər Mooser, à lav Nyùy rə̀n ntéŋ. Wù kfən màysì lèn, e wìy e wír ve bó yòʼ dzəə̀n veé Judàa é lav cù fèn, a bivír kirə́ʼ ké Nyùy kìn sho.

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

Matio 2:6

«Wò woo shintèʼ shee Betlehem e nsay Juda, lá à yòʼ a kwàʼtì ji bó à yòʼ kér kilíŋ e mvə̀m ntèʼ seé Juda se sí tíy mbìy. Kilíŋ ké ki kùʼ, bìʼ fo ŋgaà saʼ wíy fəə fo wò mvəm, a dzə̀ wo wù wíy a dànèr wír vém veé Isray.»

Mayka 5:4

Á kfə́né, é ŋgaà saʼ nèn kèʼ sáʼ rə́, a dànèr áwune mo nshìy dànèr njiì, a dànèr e vitaáví ve Nyùy Tàr foon e wun vi, a dànèr e vikuʼùy ve ghaʼán ví, vikuʼùy vé wun woo Nyùy Tàr woo Nyùy və. Wír vəə́ wíy a dzə dzə́ yee nyaáŋ, là kinyo ké a fàn, bìʼ fo wìr msòŋ e dzə̀m woó kitu ke nsay wíy a binsí sáʼ rə́.

Esiker 34:23

M wíy shoʼ nshìy wov e mòʼón fo Fòn Davir woo ŋgaà lìm wóm ram. Wù wíy a shìy áwune, a dànèr.

Esiker 34:15

Mómò, m wíy a dzə nshìy wov, a m wíy a màʼtì, aáwune wáa neèm, a meèmè.› Suuy mo woo Nyùy Tàr.

Esiker 34:2

«Wàn wìr msòŋ, tiísí ntum yem, a roòmè vilìmbìy veé Isray vi. Ku roòmè áwune ve á shiy njiì womé, e sùúy ji ke Nyùy Tàr woo Taà Ndzə yoŋ aáwune kí dzə̀ á jii, ‹Ébéèy, anshìy veé Isray, lòné shòʼ ne ven, ven ve á yí vitú. Vèn yòʼ dzəə́ leey njiì wom a?

Jeremia 23:4

M wíy shoʼ anshìy ve á wáa leéy áwune. Áwune yòʼ dzəə́ wìy a fàn, kìn ji á wáa yàʼ, a bó wìr yòʼ dzəə́ wìy lày fo áwuné mvəm. Suuy mo woo Nyùy Tàr.

Jeremia 3:15

M yíi fo ven vilìmbìy ve ví yú mo, é ví wáa dànèr ven e vifií ví wùn à kiíyi.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Remrí 23:14

Vèn kú a yiì bèy, bìʼ fo Nyùy won yii ghán e věn kilaʼáy ji wun wáa sə ven, a way aŋgàa vibàn vén e věn kiwo. Bo dzə̀ ji vèn kú a lèm kiláʼáy kén kiránén fo wù yén kifá ke kifàn kí e věn mvəm, e bìn ndzə̀m e vèn.»

1 Pita 5:1

M nén a tir wír ve dzəə̀n atǎr kintatì e věn mvəm. A m tír moo wír wo dzəə̀n sá taà kintatì wùmòʼ, kfə̀n suuy moo wír wo wù‑uù yenen e sí rəə́ mo Kristu yén ŋgeʼ bìʼ vèsən, kfə̀n suuy moo wír wo vèn áwune wíy nəə́ e vijùŋ ve Kristu wíy wìy sho.

1 Wòŋ 11:2

Yì‑iì dzə̀ é ghan se sí‑iì shaàn, a Saul dzə̀ə́ fon, yì‑iì li wò wír veé Isray, du sho e shùu rər. A Nyùy Tàr woo Nyùy wò‑oò lo kàʼ wò ji à wíy a leéy a fo wír və́ veé Israyi mo nshìy lèéy fo njiì.

Aysaya 66:1

Nyùy Tàr suuy jii: «Yúví dzə̀ kàvàʼ wom, nsay wáa dzə kibur ke m tiir wúu yém shó. A dzə̀ wìr bàʼrì lav ji yéem, a yìwun dzə̀ moó le? Kirə́ʼ kí dzə̀ shó ke dzə̀ m dzə̀ʼə̀m shó a?