2 Samuel 7:6 - ŊWÀʼ NYÙY

⁶ Kèʼ fo ghan se mò‑oò fəərin wír veé Isray fo Ejiv, e wìy shem lán, m yòʼ‑oo ghán ne a dzə e lav. Mò‑oò dzə́ a dzə̀ é kibàn, é virə̀ʼ vidzə̀m fo vé‑eè du.

2 Samuel 7:6 Referans Kwoze

1 Afòn 8:16

‹Kèʼ fo ghan se wun‑eè fəərin wír veé Isray fo Ejiv, wun yòʼ‑oò lo shòʼ ŋkàlaʼ yìmòʼ fó ram seé Isray sidzə̀m ji á baʼri á lav ye á wáa ghvəm wun fo. Wun‑eè shòʼ kfə́ a dzə̀ Davir ji wáa saʼ a wun wír veé Isray.›

Joshua 18:1

Wìr dzə̀m woó Isray nèn lò, e bànén e Shilo, e tùúy *kibàn ké ntàsín fó. Mo á fə̀m‑eè tònèn ne woŋ, a nsay néŋ e mboʼ,

Ŋgaà Yen 2:1

Wìr wo m kì yenen və̀y nèn sùúy e mò jii, «Sáŋ ŋwàʼa lèn, a dzə̀ wó ŋgaà ntum woó kintatì keé Efesor. A wú dzə̀ jii: «Kinyo kìn ki suuy mo wo m kér shijiy shee saàmbà e mǒ kiwo ke yìy kí, a dzə̀ mo wo m ghán e nsàn vitiir ve làm vee saàmbà vìy.

2 Korin 6:16

A bó yòʼ dzə̀ sá, á lì lav Nyùy, e bìnèr ji ye anyùy kisaŋe. A dzə̀ vèsən vin ve dzəə̀n lav wun woo Nyùy réŋréŋ mo wù‑uù suuyin jii: «M wíy a dzə e wír vémé mvəm, a ghan vèr áwune. M wíy a dzə Nyùy wov, aáwune wáa dzə wír vém.»

Lim Aŋgàa Ntum 7:44

«Aàtàr vesən víne‑eè dzə́ e kirə̀ʼ ké woʼ kí, kér *kibàn ké ntàsín ke kí‑iì din ji Nyùy dzə̀ wùn áwune. A yì‑iì fèr Mooser kibàn kee shooy réŋréŋ moo ke Nyùy‑iì dìnèn shó, e sùúy ji wù fer á kímóʼ kí bey.

Remrí 23:14

Vèn kú a yiì bèy, bìʼ fo Nyùy won yii ghán e věn kilaʼáy ji wun wáa sə ven, a way aŋgàa vibàn vén e věn kiwo. Bo dzə̀ ji vèn kú a lèm kiláʼáy kén kiránén fo wù yén kifá ke kifàn kí e věn mvəm, e bìn ndzə̀m e vèn.»

2 Samuel 11:11

Uria bìnèr jii, «Mo wír veé Juda wùn à veé Israyi dzəə̀n é kwaʼ rər, a ŋkùv mensàŋ dzə̀ fó wùn áwune, a tàá mfòómé woo Joav wùn à nsheèlav se fòn si shiiy sa e kwaʼ, bo a dzə̀ m ghàn kém é le, e bóo dù e mǒ laʼ, a yikír, a no, e kfə̀n shiíy vèr wiiy wom. Rúrú, mo Tàr wor woo fon dzəə̀n shó, bo yòʼ dzə̀ mo, m mùm kfə́ə kinyò kee bey.»

Atǎr Nsaʼ 20:27

A wìr wo wù‑uù leey fo ŋkùv mensàŋ‑eè dzə̀ Finehas woo wan Eleasar woo wan wàn Aaron. Wír veé Israyi nèn dzə̀r e Nyùy Tàr jii, «Vèr kfən dù, e ghìʼ afə́r vér vee wír veé Benjamin e rə́r sí moo ŋgáŋ á?» Nyùy Tàr bìnèr jii, «Vèn du, bìʼ fo m bvəə́shi, e koo áwune, e fo e vèn.»