Biblia Todo Logo
Bib sou entènèt

- Piblisite -




2 Samuel 7:12 - ŊWÀʼ NYÙY

12 à wíy kpú, aá dzəəme wò aàtàr veé ghaŋ, é m nèn kòʼór wan wò wùmòʼ wo dzəə̀n vitó vé, é wù li kirə́ʼ ké ji fon. M wíy yiì, é sáʼ rəə́ wáa tiy.

Gade chapit la Kopi




2 Samuel 7:12
36 Referans Kwoze  

Wù‑uù dzə̀ *ŋgaà ntum Nyùy, a wù‑uù kìíy ne ŋkàʼmé wo Nyùy‑iì kàʼàn wun sho, e kfə̀n lìʼ ji wun wíy fo kàvàʼ və e wan woo wùn ram.


Nyùy Tàr dzə̀, a wù yiì ne kinyo kee shooy lán. M lì ne kirə́ʼ ké tàr wor Davir, e kòʼ é kàvàʼ woó Isray, kù mo Nyùy Tàr‑iì kàʼàn. M bàʼrì ne lav ye á wáa cù Nyùy Tàr shó woo Nyùy wìr veé Isray.


Fòn Davir yú a wù sí méʼ mentsə̀m me kpu, e nèn tòóy wán və Solomon, e tìr kpú sho.


Ké Fòn Davir ki wáa dzə kfə́, a wù‑uù yiì vinyo və́ e wun ghan mo Nyùy‑iì sìysìn, e kpù, á dzəə̀mè aàtàr vəə́ ghaŋ, wù fòy e sày.


à wíy kpú ji à sí jumrì a atàr vé, é m nèn kòʼór wan wò wùmòʼ, wo dzəə̀n vitó vé, é wù li kirə́ʼ ké ji fon. M wíy yiì é sáʼ rəə́ wáa tiy.


Wù tiím, e yòŋ e Mooser jii, «Yén ri mbà, à sí lo, e dù, e yen atàr vé aàŋkfəə́ wòŋ. À kpú, bo wír vìne sí lo, a jùmrì anyùy vitum veé nsay yee fo á du, e nəə́. Áwune wíy bìn ndzə̀m e mò, e shoʼór *mensaŋ me mò‑oò gwàrìn vèr áwune.


Vèsən biìmé ji Jesus‑eè kpù, e kfə̀n fəə̀ á fo kpu. Mo vèsən kiìn kee shooy, vèsən nén a kiíy sa jii, Jesus wíy lòo kfən, é Nyùy fəə́r á wir dzə̀m wo wù wayin shilív e Jesus wùn fó kpu réŋréŋ mo wù‑uù fəərin sá wun woo Jesus.


Vèn yuúrí, é m shóŋ kilìtì ke kinyò kímóʼ kí, e sùúy e vèn. A kí dzə̀ jii, bó vèsən yòʼ waà wíy kpukír adzə̀m, e mày. Yii bèy, wún wósən e dzə̀me wíy sàsìn, e kuvsín ji ghàár, mo wìr bvə̀rbvə̀r sí. Wíy lóo dzə e ghan sé kinjòʼsì sí, sóŋ Nyùyi sasìn, súŋninè, é Nyùy ku nèn fə̀ə́r wír ve vé‑eè kpukin, aá sí kér a dzə̀ wún wo fíyi wo bó yòʼ dzə̀ wú dzəə fòy, é vèsən ve á dzə̀ə́ atin adzə̀me wáa ker sa wún woo shooy.


Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.


Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.


Nyàr, a kí bùŋ fó bèy, bo taàtá wom woo fon wíy lày, é vèr wan wom nèn a dzə a vé vibàné.»


Màŋgòŋ wo wù buúne lèn e sày wíy fəə fo kpu, aámóʼó nəə́ é dzə̀ʼə̀m yee là may, aámóʼó nəə́ é nshoórmé wùn ǎ nshéʼmé woo là may.


M wíy tuúy rám rə́, é yí goʼ, a dzə ghán sidzə̀m, e fo sáʼ sho, e meé mo yúví wíy dzə̀ʼə̀m, e dù, e jòʼsì.


Wù ku nèn yù jí Nyùy Tàr, a yì suuy jii, «Wìr və̀n yòʼ wíy a dzə njìlaʼ wò. Kù wíy a dzə wán woo wò vito.»


Kin ki dzə̀ yír sé atǎr rám Jesus Kristu wo dzəə̀n wán woo Fòn Davir ram, a Fòn Davir və̀n‑eè ràm fo Abraham.


Wù wíy a dzə wír wo kuʼùn, aá wáa yòŋ ji Wan Nyùy woo Taà Vitu. Nyùy Tàr, wun woo Nyùy wíy dzə̀ʼə̀r wun e Fòn Davir woo tàr à ràm yév kàvàʼ,


Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.


e sùúy jii, ‹Á wáa burí Nyùy Tàr woo Nyùy wìr veé Isray, wo wù yiìn, wan wom yí vifon lán, a m yén e sí yémé.› »


Aà yúnin Nyùy Tàr, bo wù wíy yiì kinyo ke wù‑uù kàʼàn mo shó jii, a wón vée wìy a tiír kiwuú, a fìʼ, a ghan e mǒ mbòv shilív shimòʼón, a tiír vifií e mǒ wùn, bo rám yée yòʼ wíy buŋ wír wo wù wáa dzə e kàvàʼ woó Isray.


m nén a tàʼ lèn, e bàʼrì lav Nyùy Tàr woo Nyùy wom. Dzə̀ kíwun ke Nyùy Tàr‑iì yòŋèn tàr wor Davir, e sùúy jii, ‹Wìr wo wù wíy bàʼrì lav yem wíy a dzə wan wò wo m wíy koʼór, é wù li kirə́ʼ ké.›


a suúy jii, «Búríi wáa dzə fo Nyùy Tàr woo Nyùy wìr veé Isray wo wù yiìn ne kinyo ke wù‑uù kàʼàn tàr wor Davir sho. Wúnwun kitú kfə́‑əə̀ lo yòŋ jii,


Yii bèy, yòʼ wíy bàʼrì a wun. Wíy bàʼrì a wán və wo dzəə̀n vitó və́ lav ye á wáa cù wun a sho.


bo m wíy yiì, é sáʼ yée wáa tiy e Isray, e wìy dù, e mày, é kinyo ke mò‑oò kàʼàn tàr won Davir sho ki gheén, a dzə̀ ke mò‑oò suuyin e wun jii, ‹Bó rám rəə́ yòʼ wíy buŋ wír wo wù wáa dzə e kàvàʼ woó Isray.›


Yii bèy, la Nyùy Tàr yòʼ laàr wír veé Juda. Wù ku bàvtí bìʼ Davir woo ŋgaà lìm və wo wun woo Nyùy Tàr‑iì kàʼàn ne ji rám rəə́ waà kù wíy a saʼ a vifon, e wìy dù, e mày.


Éè Nyùy Tàr, wò woo Nyùy, ku yiì, é ŋkàʼmé wo wò‑oò kàʼàn tàr wor Davir sho gheén. Kí à kòʼór ne mo ji fon ji m wáa saʼ wíri, aá dzə̀ nyanyày, a bó yòʼ dzə̀ á tàŋ.


Vèn kuúmé ji Nyùy Tàr woo Nyùy wìr veé Isray‑iì gwàr *mensaŋ me shiŋgwaŋ wùn Davir me bó yòʼ dzə̀ á shòʼór, a mè dzə̀ jii, Davir wùn à rám rəə́ wíy a saʼ a Isray, e wìy dù, e mày.


Yii bèy, la Nyùy Tàr yòʼ laàr rám Davir. Wù kù‑uù bàvtí bìʼ *mensaŋ me wù‑uù gwàrìn wùn Davir, e kàʼ ji rám rəə́ kù wíy a saʼ a vifon, e wìy dù, e mày.


Á báʼtí bey, e nèn nə̀ə́ e lav cù wùn à Joash woo wan ntoʼ gwàr *mensaŋ. Jehoyiada‑aà yòŋ áwune, e sùúy jii, «Vèn leéy, e yèn, wan fòn woo kimfòrkìr və̀ne. Bòŋ, aá fó sáʼ sho, é wù wáa saʼ mo Nyùy Tàr‑iì yòŋèn kùm rám Davir.


«Rúrú, Nyùy Tàr leey fo fòn wo wù shoʼon, fó wun vitaáví, a wù ton vitúm vinín. Wù din koŋ rə́ ye wiyí e wìr wo wù yoʼon, din e Davir wùn à rám rəə́, e dù, e jòʼsì.»


Fòn Davir nèn lày, á lìtì wun e Ŋkàlaʼ Davir.


Yii bèy, yòʼ wíy bàʼrì a wun. Wíy bàʼrì a wán və wo dzəə̀n vitó və́ lav ye á wáa cù wun a sho.


À yiì ne kinyo ke wò‑oò kàʼàn tàr wor Davir woo ŋgaà wò lìm sho. Wò kitú ké, wò‑oò kàʼ wun e kinyò fèn, e nèn yiì e vitaáví vé vi, kí koóy lán.


Bó rám Daviri yòʼ wíy a buŋ wír wo wù wáa saʼ vifon veé Isray. Suuy mo woo Nyùy Tàr.


Swiv nou:

Piblisite


Piblisite