2 Samuel 7:1 - ŊWÀʼ NYÙY

¹ Mo Fòn Davir dzə̀ʼə̀mèn e wun ntoʼ, a Nyùy Tàr fó ne wun meemè bìʼ aŋgàa vibàn və́ ve vé‑eè gìmèn wun, e kaàrí, e tàrí,

2 Samuel 7:1 Referans Kwoze

Ŋgàn 16:7

Yíi wìri lóo gheén Nyùy Tàr, wíri wàa gbù e wùn wó, fə̀m aàŋgaà və́ vibàné shó.

1 Afòn 5:4

Wáa dzə lèn, a Nyùy Tàr woo Nyùy wom fó ne mo rəsìn mbìv sidzə̀m, a m yòʼ dzəə́ kér aŋgàa vibàn, kìn wír ve á wáa nəə́ mo e rə́r sí,

2 Wòŋ 14:6

Mo wóŋe‑eè siìn nyaáŋ, wù nèn kfə̀n lò, e bàʼrì ŋkà se laʼ seé Juda se yì‑iì siìn vikum, sí távkír. Nyùy Tàr‑iì fò wun nyaáŋ é mvə̀m viya foo fèy, la rə́r sí yòʼ jìvír wun.

Nsùyrì Nyùy 18:1

Nyùy Tàr, m wày ne wò e shiliv, dzə̀ wò vitaáví vém.

Joshua 23:1

Ntàm wìy dàr mo Nyùy Tàr‑iì yiìn, wír veé Israyi meèmè fo aŋgaà vév vibàné wo, a vé‑eè kaàrí áwune, e tàr. Yì‑iì dzə̀ é ghan fen, a Joshua dzə́n ne e ŋàŋ.

Joshua 21:44

Nyùy Tàr nèn fò áwune meemè mbìv sidzə̀m, kù mo wù‑uù lìʼìn ne aàtàr véví. Bó ŋgaà vibàn wov yòʼ‑oò lo ghàʼ áwune, fə̀m e mòʼón. Nyùy Tàr‑iì wày aŋgàa vibàn vév adzə̀m aáwuné kiwo.

Lim Aŋgàa Ntum 7:46

Wù‑uù dzə̀ wír, a wù bóŋ fo Nyùy e ŋàŋ, wù nèn a lon ji Nyùy ku biìmé, é wun bóm á lav wun woo Nyùy Jakov.

2 Samuel 6:23

Á bèy, Mikal woo wan Saul nèn dzə̀ʼə̀m, e wìy kpù là wán.

2 Samuel 7:11

e kèʼ fo ghan se mò‑oò shoʼtin atǎr nsaʼ ve á wáa saʼ wír vém veé Isray. M yíi yiì, áà meeme fo aŋgàa vibàn veé wo. Mo woo Nyùy Tàr, m kfə̀n yoŋ e wun woo Davir jii, mómò kitú kém, m yíi dzə̀sì kfə́ə yé,

2 Samuel 5:11

Hiram wo yì‑iì dzəə̀n fon woó Taya nèn lò tsə̀nsí wír wùn à vicí vé *sidar vi, e kfə̀n tsə̀nsí sa vé kintaa wùn à vé kimbome ji á du, e bàʼrì a ntoʼ Fòn Davir.

1 Wòŋ 22:6

Fòn Davir yiì lò, e tòóy wán və Solomon, e wày kibaʼrì ke lav Nyùy Tàr woo Nyùy wìr veé Isray e wun kiwo.

1 Wòŋ 22:7

Wù‑uù yòŋ shó jii, «Wan wòm, mò‑oò sí kér e mǒ kwàʼtì ji m wíy bàʼrì a lav ye á wáa cù Nyùy Tàr woo Nyùy wom shó.

1 Wòŋ 28:2

Vé‑eè bàʼtí bey, Fòn Davir nèn lò e yuv, e yòŋ aáwune jii, «Afə̀r vem, wìr vem, vèn yuúrí, é m suúy ven kinyo. Mò‑oò sí kér e mǒ kwàʼtì ji m wíy bàʼrì a lav ye ŋkùv mensàŋ Nyùy Tàr kù wíy a dzə sho ghán sidzə̀m, ŋkùv mensàŋ wo Nyùy dzə́ e kàvàʼ, a wúu rəə́ meemè sho. Á bèy, m nèn yiì mbaʼtì kibàʼrì kìn.

2 Wòŋ 20:30

Á bèy, woŋ Jehoshafati nèn a ker nyaáŋ, bìʼ fo Nyùy və‑əə̀ foon wun rəsìn mbìv sidzə̀m.

Nsùyrì Nyùy 132:5

a bó m náŋsín kirə́ʼ ke dzəə̀n ké Nyùy Tàr. Kirə́ʼ ke Nyùy Jakov wáa dzə sho, wun woo Ŋgaà Vitaàví Vidzə̀m.»

Matio 25:16

Wìr wo wù‑uù kér vibam vitàn və̀y siíy, e kàvnín wáy e mbàm sìy si, e kòóy séʼ sa vibam vitàn.