2 Samuel 5:9 - ŊWÀʼ NYÙY

⁹ Mo Davir tònèn ŋkàlaʼ yee shooy, e bìnèr yír ji Ŋkàlaʼ Davir, e nèn a dzə fo. Wù lò, e bòm gháŋ si, e kaàrí, e tàr, e kèʼ fo vé‑eè wayin a dzə̀ nsay ye wayín é wǔn gwan, e mbìv ye shùy yii tó fo fo.

2 Samuel 5:9 Referans Kwoze

1 Afòn 9:24

Wiiy Solomon woo wan Farao kóʼ fó Ŋkàlaʼ Davir, e dù nə̀ə́ e wun lav ye Solomon‑eè bomen é ntoʼ, Solomon nèn lò, e bòm kfə̀m woó ŋkàlaʼ e mbìv yee fo shùy yii tó, e rùnsí nsay fo.

1 Afòn 9:15

Fòn Solomon‑eè shòʼtí wíri ve á wáa lìm lim vitaavií, áwune wáa bàʼrì lav cù Nyùy Tàr wùn à ntoʼ rə, a bom kfə̀m woó Jerusalem, e mbìv yee fo shùy yii tó, e kfə̀n a bom kay yeé Jerusalem, à yeé Hasori, à yeé Megiddòo, e lì yeé Geser,

2 Wòŋ 32:5

Fòn Hesekiya kfən yòŋ, á bàʼrì kay yeé ŋkàlaʼ ye yí‑iì kèrkìn ne, yí kfə́n fó, e bòm virə́ʼ vé ŋkiy e kitu wo. Wù kfə̀n‑eè bòm yímóʼ yee kay, yí kaárí ye yí‑iì siìn, e bòm vitóm ve ví tóm kfə̀m woó Ŋkàlaʼ Davir wo vé‑eè bomen. Wù kfən fèr vifá ve rər vigháʼán, aàŋkèe sá sho.

1 Afòn 11:27

Kinyo ke kí‑iì yiìn, é bo Jeroboam méŋ sáʼ Solomon ki dzə̀ jii, Solomon‑eè bóm kimbom e Jerusalem wo dzəə̀n Ŋkàlaʼ Davir woo tàr wov. Wù‑uù nàŋsín kfə̀m, e bòm, e nèn sə̀tí nsàn ye yì‑iì dzəə̀n é wǔn kày ye yí kaarin ŋkàlaʼ.

2 Samuel 5:7

Yii bèy, Davir ku yòʼ tòn ŋkàlaʼ yee Sion rə̀n ye á bomen, yì táv, e bìnèr yír ji Ŋkàlaʼ Davir.

1 Wòŋ 11:8

Wù lò, e bòm gháŋ si, e kaàrí, e tàr, e kèʼ fo vé‑eè wayin a dzə̀ nsay ye wayín é wǔn gwan, e mbìv ye shùy yii tó fo fo, Joav nèn màysì, e nàŋsín kibér ke ŋkàlaʼ.

Atǎr Nsaʼ 9:20

Yii bèy, a dzə̀, a bó vèn yòʼ‑oò lo yiì a dzə̀ e shilív she juŋ shi, və́yí kù fəə̀ fo Abimelek wùn, e sə̀ʼsí wír veé Shekem wùn à veé Bet‑Millòo, é wú kfən fəə̀ sá fo wír veé Shekeme wùn à fo veé Bet‑Millòo, e nèn laàr Abimelek.»

Atǎr Nsaʼ 9:6

Wír veé Shekem wùn à veé Bet‑Millòo nèn bàʼtí, e dù e sar kici ke kuʼùn kee *oak ke kí dzəə̀n é ghaa ŋkàlaʼ fo á tuyin kitóm, e nèn kòʼór Abimelek fo ji fon.

2 Samuel 5:8

Wáa dzə e kishiíy fóo fèy, Davir dzə́r e wír vəə́ jii, «Wìr dzə̀ shó fèn wo wù bànèn wír veé Jebusi, e kòóy mo ye dzə̀ wù nə̀ə́ áwune e rə́r sí á? Bo a dzə̀ ŋgaàŋ kù tòsín làvŋgòm, e bóo nəə́, e fùnèn amfìr wùn aàndzə́m vísəə.» Á nèn lò, e fùnèn, e tòn. Á kinyo ke kí‑iì yiìn, é bo á siíy a màʼ lám jii, amfìr wùn aàndzə́mé yòʼ yii nəə e Nyùy Tǎr lav.

2 Afòn 12:20

Atǎr ntoʼ Joashi‑iì nànèn, e kìʼ wun, e yùyrí e lav ye vé‑eè bomen é kitu ke kfə̀m woó Jerusalem, e dzəə ye yì sə́y e Silla.

Nsùyrì Nyùy 122:3

Jerusalem wo á bàʼrìn moo ŋkàlaʼ, wù dzə̀ kilàŋsìn, a tiy kitávín.

Aysaya 29:1

Nyùy Tàr suuy jii, «Lòné dzə̀ wó ŋkàlaʼ yee Ariel, ŋkàlaʼ feyì feyì ye Fòn Davir‑iì liìn ji kirə́ʼ kfə́ ké dzə. Vèn koŋ, á kù shaà fo mbìy, a yi ŋkàʼ sén mo kiyá ki dzəə̀n.

2 Samuel 6:10

Wù yòʼ‑oò ló a kòŋ e lì ŋkùv mensàŋ, e dù sho e mvə̀mlaʼ ye á yoŋ ji Ŋkàlaʼ Davir. Wù nèn lì, e dù sho a dzə̀ e Obed‑Edom laʼ, a dzə̀ wír woo lò fó Gat.

1 Afòn 2:10

Fòn Davir nèn lày, á lìtì wun e Ŋkàlaʼ Davir.

2 Afòn 12:21

Atǎr ntoʼ ve vé‑eè yuyrin wune dzə̀ Josabad woo wan Shimeat wùn Jehosabad woo wan Shomer. Vé‑eè lìtì wun aàtàr vəə́ ghaŋ e Ŋkàlaʼ Davir. Amatsiya woo wán və nèn yì vifon, a saʼ e tàr wóv ntaʼ.

Nehemia 3:15

Shallum woo wan Kol‑Hose nèn nàŋsín Shúu Kày wo wú kiʼ dàn. Wù‑uù bòm, e wày vitú, e wàyrí shuu si wùn à mfìn si, à kóŋ sé mfìn si. Wù kfən nàŋsín kirə́v keé ghaa Kisə̀m kee Shela e fòn ghaa sum, e dù, e mèé mo á sèʼtìn dzə́ə ye yì sə́y fo Ŋkàlaʼ Davir. Shallum‑eè dzə̀ ŋgaà saʼ woó kimbàr ke wòŋ kee Mispa.