2 Samuel 5:7 - ŊWÀʼ NYÙY

⁷ Yii bèy, Davir ku yòʼ tòn ŋkàlaʼ yee Sion rə̀n ye á bomen, yì táv, e bìnèr yír ji Ŋkàlaʼ Davir.

2 Samuel 5:7 Referans Kwoze

1 Afòn 2:10

Fòn Davir nèn lày, á lìtì wun e Ŋkàlaʼ Davir.

2 Samuel 6:16

Ŋkùv mensàŋ Nyùy Tàr lòo nəə́ e ŋkàlaʼ ye á yoŋ ji ye Davir, Mikal woo wan Saul leéy fó wundu, e yèn, a Davir ceŋ, líynin, shéʼri Nyùy Tàr. Wù yén bey, wúné kìn wun.

2 Samuel 6:12

Davir nèn lò, e yù ji ŋkùv mensàŋ yiì ne a, Nyùy Tàr səə́ví Obed‑Edom, kfə̀n səə̀vì a kifá kfə́ kí kidzə̀m. Wù nèn dù, e lì ŋkùv mensàŋ fo Obed‑Edom laʼ, a wìy sho e ŋkàlaʼ ye á yoŋ ji Ŋkàlaʼ Davir.

Ŋgaà Yen 14:1

M kfən lòo leéy, e yèn Wan Njiì Nyùy, a wù tíy e kitu ke Gwan *Sion wùn à wíri nsə̀kì nshòv sikweè e mkweè e wiì (144,000), a dzə̀ ve vé‑eè saŋen yír wun woo Wan Njiì wùn à yé Tàr woví aáwuné yírvishi.

Hibru 12:22

Vèn nén a dzə kén, aá wíy, a tiy a dzə̀ é Gwan *Sion, a dzə̀ láʼ wun woo Nyùy wo wù gòʼòn kàŋ mòʼón, kfə́n a dzə Jerusalem wo wù dzəə̀n a dzə̀ é yuv. A dzə̀ fó, fo nshèelav se Nyùy si yii dzə́ ansə̀kì ansə̀kì, kwá Nyùy.

Ŋwàʼ woó Rom 9:33

A dzə̀ tíy ye vé‑eè saŋen ji Nyùy suuy a jii: «Vèn yuúrí, m neer tíy é *Sion, a wíri wíy a bàyrìn sho, kilán, a wíri wíy a gbùkìr sho. Yii bèy, wìr wo wù wáy shilív a dzə̀ é wùn wó yòʼ wíy jaáy gheéy.»

Mayka 4:2

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri a dzə̀ fó Jerusalem foo fèy.

Aysaya 59:20

Nyùy Tàr suuy jii, «Mfə̀ə́r wíy wìy e Sion, e bòyìr wír vee rám Jakov ve á bìnèrìn meliv mev, e màʼtì vinyo ve bi ví.»

Aysaya 12:6

Wír veé Sion, vèn wáa ndzəʼ, a yòv e kishéʼrì ki. Nyùy woo Ŋgaà wo Ranén woó Isray dzə̀ vèn áwune. Wù dìn ne ji wun dzə̀ e gháʼtín.»

Nsùyrì Nyùy 132:13

Nyùy Tàr shòʼ ne Sion, e lèm fó ji kirə́ʼ kfə́ ké dzə, a suúy jii,

Nsùyrì Nyùy 87:2

a wù koŋ ŋkàlaʼ yee Jerusalem, e shaà mo wù koŋ virə́ʼ veé Isray vidzə̀m.

Nsùyrì Nyùy 51:18

Kú a kòŋ ŋkàlaʼ yee Sion, a yiì kijuŋ sho. Ku kfə̀n bòm virə́v vé kày ye yí gìŋèn Jerusaleme.

Nsùyrì Nyùy 48:12

Vèn wáa ghan, a kaarí Sion, a taŋ virùmèn ve á bomen fó vi.

Nsùyrì Nyùy 9:11

Á wáa yòv, a burí Nyùy Tàr wo wù dzə́ e Sion, a sàmèr vinyo ve ghaʼtín ve wù yii e vitúm vi.

Nsùyrì Nyùy 2:6

«Mómò, m kòʼór ne wóom woo fon, e lèm e Sion woo gwan wom wo ranén.»

2 Wòŋ 24:16

Vé‑eè dzəə̀mè wun e Ŋkàlaʼ Davir e fəm fo vé‑eè litì afon, bìʼ fo wù‑uù lìmèn kijuŋ e Isray. Wù‑uù tàʼtìn féyì bìʼ Nyùy wùn à lav cù.

2 Wòŋ 5:2

Fòn Solomon‑eè tòóy kfə́m sé wìr veé Isray, e tòóy atǎr ram wùn aàtǎr kfəə véví ji á wàá wiy é Jerusalem ji á fiʼ dù, e lì a ŋkùv mensàŋ Nyùy Tàr fó Ŋkàlaʼ Fòn Davir ye á yoŋ sa ji Sion, e kòʼ á sho e lav cù.

1 Wòŋ 11:7

Davir ku nèn a dzə e ŋkàlaʼ ye á bomen kay, e kaàrí sho rə̀n, á nèn kù a yòŋ fó ji Ŋkàlaʼ Davir.

1 Afòn 8:1

Fòn Solomon nèn tòóy kfə́m sé wìr veé Isray wùn aàtǎr ramé, aàtǎr kfəə véví ji á báʼtí á e wun si e Jerusalem, aá du, e lì a ŋkùv mensàŋ Nyùy Tàr fó Ŋkàlaʼ Fòn Davir, aá yoŋ sa ji Sion, e kòʼ shó e lav cù.

1 Afòn 3:1

Fòn Solomon nèn lò, e làáy e bǎm wiíy ji wun koó á viŋkar wùn Farao woo fon woó Ejiv, e nèn lì wan Farao ji wiíy. Wù lì bèy, e lèm a dzə̀ é Ŋkàlaʼ Davir. Wiíy ku nèn a dzə fo, e dù meé mo Solomon‑eè màysìn, e bàʼrì ntoʼ rə wùn à lav cù, e kfə̀n bòm kay ye yí kaarin Jerusalem.

2 Samuel 6:10

Wù yòʼ‑oò ló a kòŋ e lì ŋkùv mensàŋ, e dù sho e mvə̀mlaʼ ye á yoŋ ji Ŋkàlaʼ Davir. Wù nèn lì, e dù sho a dzə̀ e Obed‑Edom laʼ, a dzə̀ wír woo lò fó Gat.

2 Samuel 5:9

Mo Davir tònèn ŋkàlaʼ yee shooy, e bìnèr yír ji Ŋkàlaʼ Davir, e nèn a dzə fo. Wù lò, e bòm gháŋ si, e kaàrí, e tàr, e kèʼ fo vé‑eè wayin a dzə̀ nsay ye wayín é wǔn gwan, e mbìv ye shùy yii tó fo fo.

2 Samuel 5:8

Wáa dzə e kishiíy fóo fèy, Davir dzə́r e wír vəə́ jii, «Wìr dzə̀ shó fèn wo wù bànèn wír veé Jebusi, e kòóy mo ye dzə̀ wù nə̀ə́ áwune e rə́r sí á? Bo a dzə̀ ŋgaàŋ kù tòsín làvŋgòm, e bóo nəə́, e fùnèn amfìr wùn aàndzə́m vísəə.» Á nèn lò, e fùnèn, e tòn. Á kinyo ke kí‑iì yiìn, é bo á siíy a màʼ lám jii, amfìr wùn aàndzə́mé yòʼ yii nəə e Nyùy Tǎr lav.

1 Afòn 9:24

Wiiy Solomon woo wan Farao kóʼ fó Ŋkàlaʼ Davir, e dù nə̀ə́ e wun lav ye Solomon‑eè bomen é ntoʼ, Solomon nèn lò, e bòm kfə̀m woó ŋkàlaʼ e mbìv yee fo shùy yii tó, e rùnsí nsay fo.

Jeremia 21:13

Éè Jerusalem, m yíi fùnèn ven. Vèn yén ji vèn dzə̀ á kirùmèn ke kí gaá e mboʼ. Vèn dzəv nsaŋ jii, a dzə̀ taàmé la ver? Kfə̀n dzəv jii, a dzə̀ bvə̀ʼ la kikum ke kày kér?

Nehemia 3:15

Shallum woo wan Kol‑Hose nèn nàŋsín Shúu Kày wo wú kiʼ dàn. Wù‑uù bòm, e wày vitú, e wàyrí shuu si wùn à mfìn si, à kóŋ sé mfìn si. Wù kfən nàŋsín kirə́v keé ghaa Kisə̀m kee Shela e fòn ghaa sum, e dù, e mèé mo á sèʼtìn dzə́ə ye yì sə́y fo Ŋkàlaʼ Davir. Shallum‑eè dzə̀ ŋgaà saʼ woó kimbàr ke wòŋ kee Mispa.

Nsùyrì Nyùy 48:3

Nyùy kitú kfə́ dzə̀ é mvə̀m ŋkàlaʼ, a dzə̀ wun vitaáví vé virə̀ʼ ve tavkín ví, a wù‑uù dìn ne rú ji kiŋsìn a wun Sion.