2 Samuel 5:2 - ŊWÀʼ NYÙY

² Yì‑iì dzə̀ é ghan se sí‑iì shaàn, a Saul dzə̀ fon wor, a yì‑iì li wò wír veé Isray, du sho e shùu rər. A Nyùy Tàr‑iì lo kàʼ wò ji à wíy a leéy a fo wír və́ veé Israyi mo nshìy lèéy fo njiì, aà wíy a dzə a taà saʼ woó Isray.»

2 Samuel 5:2 Referans Kwoze

Matio 2:6

«Wò woo shintèʼ shee Betlehem e nsay Juda, lá à yòʼ a kwàʼtì ji bó à yòʼ kér kilíŋ e mvə̀m ntèʼ seé Juda se sí tíy mbìy. Kilíŋ ké ki kùʼ, bìʼ fo ŋgaà saʼ wíy fəə fo wò mvəm, a dzə̀ wo wù wíy a dànèr wír vém veé Isray.»

Mayka 5:4

Á kfə́né, é ŋgaà saʼ nèn kèʼ sáʼ rə́, a dànèr áwune mo nshìy dànèr njiì, a dànèr e vitaáví ve Nyùy Tàr foon e wun vi, a dànèr e vikuʼùy ve ghaʼán ví, vikuʼùy vé wun woo Nyùy Tàr woo Nyùy və. Wír vəə́ wíy a dzə dzə́ yee nyaáŋ, là kinyo ké a fàn, bìʼ fo wìr msòŋ e dzə̀m woó kitu ke nsay wíy a binsí sáʼ rə́.

Esiker 34:23

M wíy shoʼ nshìy wov e mòʼón fo Fòn Davir woo ŋgaà lìm wóm ram. Wù wíy a shìy áwune, a dànèr.

Joon 10:11

«Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

2 Samuel 7:7

Vé‑eè rə́si du e virə̌ʼ virə̀ʼ, a kù ghán vèr áwune, aá kér atǎr nsaʼ ve mò‑oò yòŋèn ji á wáa leéy a fo wíri. Vèr áwune‑eè ghán bèy, a bó m yòʼ‑oò yiì ne dzə̀r aáwune ji sà yiì ka, la á yòʼ bàʼrì lav yem, e bóo bàʼrì yee kicí ké sidar ki á?

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

1 Samuel 25:30

Nyùy Tàr wíy yiì vinyo ve juŋ ve wù‑uù kàʼàn tàr wor shó, e lèm a wun ji fon woó Isray,

Aysaya 55:4

Rúrú, m yiì ne, wun woo Davir wáa dzə ji njen, a fìʼtì mo m dzəə̀n e vitúm vi, a m lèm ne wun ji kilìmbìy, wù wáa saʼ vitúm.

1 Samuel 18:13

Á bèy, Saul nèn tsə̀ʼ Davir fo wun ghaŋ, e lèm ji mfòómé wo wù wáa wam wíri nsə̀kì, a lì, a dù sho e shùu rər.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

Hibru 2:10

Vinyo vidzə̀m vi dzə̀ a dzə̀ e Nyùy kiwo, a sìysì wun, ví wáa lìm mo wù taʼà. Mo wù‑uù taʼ ji wun wìy lì wír ve dzəə̀n wón və́ adzə̀m, e wày e wùn mvə̀m vijùŋ, kí nen ghèén feyì mo wù‑uù sìysìn ji Jesus ku wìy, e yèn ŋgeʼ, e fíʼ gheén e wìr wo dzə̀ wù shèm mbìy wìr vee shooy, e dànèr e dzə̀ʼə̀m yee là may.

1 Samuel 18:16

Yii bèy, wír veé Isray wùn à wír veé Juda adzə̀me wáa kòŋ Davir kóŋen, bìʼ fo wù‑uù dzəə̀n kilìmbìy kév, a vinyo vi ghán e wun kiwo kijuŋ.

1 Samuel 18:5

Saul‑iì lo, wù wàa tum Davir e virə̌ʼ virə̀ʼ, wù du, vinyo vi kù a dzə vijuŋ. Á bèy, wù nèn kòʼór Davir, wù wáa dzə kitú ke vé rərí. Kinyo kìy ki bòŋ wir dzə̀m, aàtǎr ntoʼo shó.

Kintaŋ 27:17

Wír wo wù yíi a fəə, e kfə̀n a nəə́ aáwuné mbìy, a tsəəné áwune, a fəə sho, e kfə̀n a kfən sho e bàm, é la màŋgòŋ wìr Nyùy Tàr yòʼ yiì a dzə moo njiì woo là nshìy.»

1 Samuel 25:28

Kii wun, wù ku làysìn a ajay wánlè və. M kì ji Nyùy Tàr kù wíy fo sáʼ e tàr wor, e tuúy a ji rə́ wùn à yé rám rəə́, bìʼ fo tàr wor funèn rə́r sé Nyùy Tàr, a bó jay yòʼ dzə̀ á e tàr wór kinyò, e kèʼ fo meterí.

1 Samuel 13:14

Yii bèy, sáʼ yée sèéy ne fèn. Nyùy Tàr shòʼ ne wír wo wù gheenen wun, e lèm ji wù wáa saʼ a wír və́, bìʼ fo bó à yoʼ yùnín nsər Nyùy Tàr.»

1 Samuel 9:16

bvəə́shi lòo dzə a e ghan fen kibvəə́shí, é wun tsə́nsí á wír fo wun wùn wo wù loòn á fo nsay Benjamin. Samuel yéné, wù yòʼ á wun e meŋgvə́r mè ji ŋgaà saʼ wo wù wáa saʼ wír Nyùy Tàr veé Isray. A wun wíy sə a áwune fo wír veé Filistiàá wo, bìʼ fo wun yenen á ne ŋgeʼ se wìr və́, e kfə̀n yù á tóŋ yév.

2 Afòn 20:5

«Kfə́n é bàm, e yòŋ e Fòn Hesekiya wo wù sáʼ wír vém jii, mo woo Nyùy Tàr, mo woo Nyùy Davir woo tàr à atàr vén, m yù ne bunrì yé, a m lo, e fèr wò.

Kèʼlo 49:24

yii bèy, kinte ki yòʼ‑oò lo wèʼ fo wun kiwo, kóy sə́ sí‑iì gòʼ sicaʼàn. A yiì Nyùy Jakov woo Ŋgaà Vitaàví Vidzə̀m, wun woo Nshìy wo dzəə̀n Kilán keé Isray.

1 Wòŋ 11:2

Yì‑iì dzə̀ é ghan se sí‑iì shaàn, a Saul dzə̀ə́ fon, yì‑iì li wò wír veé Isray, du sho e shùu rər. A Nyùy Tàr woo Nyùy wò‑oò lo kàʼ wò ji à wíy a leéy a fo wír və́ veé Israyi mo nshìy lèéy fo njiì.

2 Wòŋ 1:10

Ku fò ri mo vifií wùn à kiíyi, é m wáa saʼ wír vìn sho. Kí búŋ fó bèy, bo bó yòʼ dzə̀ wìr kìíy móo saʼ wír vé ve á dzəə̀n agháʼán vin.»

2 Samuel 6:21

Davir suúy e Mikal jii, «M kì dzə́n bèy, shéʼri a dzə̀ Nyùy Tàr wo wù shoʼon mo ji m wáa dzə kilìmbìy keé Isray, e lì a kirə́ʼ ké tàr won wùn à ké kfəə rə́ kí. A m kù wíy a dzən bèy, a sheʼrí Nyùy Tàr.

2 Samuel 7:8

«Á bèy, dù ri, e sùúy e ŋgaà lìm wom Davir ji Nyùy Tàr woo Taà Mànjòŋ suuy a jii, ‹Mò‑oò lì wò fo kwaʼ fo wò‑oò dzə́ shiy anjiì, e lèm wò ji kilìmbìy ke wìr vém veé Isray.