2 Samuel 5:1 - ŊWÀʼ NYÙY

¹ Rám seé Isray sidzə̀m si nèn wìy, e yèn Davir e Hebron, e sùúy e wun jii, «Vèr dzə̀ jav yè wùn, e kfə̀n a dzə mensə́ mè.

2 Samuel 5:1 Referans Kwoze

Efesor 5:30

bìʼ fo kintatì kìn ki dzəə̀n wún və́, a vèsən dzə̀ vibar ve wùn woo shooy.

2 Samuel 19:13

Davir kfən sùúy e Tsadok wùn Abiyatar ji á du, e sùúy a e Amasa jii, wùn wun dzə̀ á mensə́ memòʼón, e kèʼ fo lèn, wun sí lem a wun woo Amasa e Joav kirə̀ʼ ji kitú ke vé rərí. Nyùy maʼ á ŋgeʼ e wun woo Davir kitu, a wun fen dzə̀ làa yòʼ a tiy a e wun jì.

Kèʼlo 29:14

Laban yuúrí, e sùúy sho jii, «Rúrú, à dzə̀ mensə́ mem, à dzə̀ kibar kém ké wùn.» Jakov nèn dzə̀ʼə̀m wùn Laban ŋwee fur.

Hibru 2:14

Wù wáa suúy bèy, a wón və́ vin adzə̀me kù dzə̀ wíri, aá kér wún, kér mensə́ mo wíri yii kérí. Wun woo Jesus nèn lì wún a dzə̀ wó wìr, e bìnkìr a dzə moo áwune ji wun fíʼ kpu, e ndzəə̀r vitaáví vé Satan ve dzə̀ wù lì wír wo wù sí kpú sho.

Atǎr Nsaʼ 9:2

«Vèn dzə́r e vilum veé Shekem adzə̀me jii, ‹Sà bòŋ ji wón Jerubbaal vee msaàmbàa tátí, a saʼ áwune mo bòŋ ji wáa saʼ woo mòʼón a?› Vèn kuúmé ji vèsən dzə̀ mensə́ memòʼón.»

Remrí 17:15

Kí lóo dzə bèy, vèn kù tàʼ wír a dzə̀ wo shavin Nyùy Tàr woo Nyùy won. Vèn ku shòʼ a dzə̀ fə́r won wùmòʼ. Lá vèn yòʼ mùm ji á shóʼ kiŋgwìy ji kí wáa saʼ ven.

Joshua 10:36

Joshua wùn à shúu rər woó Israyi nèn kòʼ fó Eglon, e taàmé Hebron e rə́r sí,

2 Samuel 19:12

Áwune waà dzə̀ á afə́r və́, a wùn áwune dzə̀ á mensə́ memòʼón. Sà yiì ka lèn, bo áwune wáa dzə vé bàmé vée lì wun, e siìr e bàm é ntoʼ a?

2 Samuel 19:43

Wír veé Israyi bìnèr e veé Judàa jii, «Vèr kér ghay e Davir mvə̀m vifòn kilíŋ e ghvə̀m. Kér ver Fòn Davir feyì feyì. Vèn kì kày ver ji ka? Lá vèn yòʼ làysìn ji dzə̀ á ver wír mbìyi vée shù ji á siir á fon e bàm.» Á wáa taŋnín bèy, wír veé Judàa wáa nyarkír aáwuné kisuŋnìn, a shaà veé Isray.

2 Samuel 2:32

Joav nèn lì dzə́n Asahel, e dù, e dzəə̀mè e tàr wov sày e Betlehem. Wùn à wír vəə́ nèn kfə̀n ghàn vitsə́ʼ vifur, ndzə lòo jàv, á meé é Hebron.

2 Samuel 19:14

Jí se Davir sìn si nèn yiì, wìr dzə̀m woo Juda tátí shuu, e tìím e wun bàm. Á nèn tsə̀nsí ntum e wun ji wù wáa kfən a e bàm wùn à wír vəə́ adzə̀m.