2 Samuel 4:8 - ŊWÀʼ NYÙY

⁸ a dù e Hebron, e dù, e fò kitú kìy e Fòn Davir. Fó bèy, suuy jii, «Kitú ke Ish‑Boshet woo wan Saul ki kíne. Dzə̀ kitú ke ŋgaà vibàn fòn. Wù‑uù táŋ ji á laar á fon. Nyùy Tàr siìr ne ŋkfə́tir fòn lán e Saul wùn à rám rəə́.»

2 Samuel 4:8 Referans Kwoze

1 Samuel 25:29

A wíri ŋàʼáy, e shèm e tàr wór bàm ji á yúyrí wun, bo Nyùy Tàr woo Nyùy və yíi kìŋsìn a dzəʼə̀m rə́, e rə̀ŋ aŋgàa vibàn və́ mo á rə̀ŋ tíy fó kiŋkoʼ.

2 Samuel 22:48

Dzə̀ wun woo Nyùy wo wù‑uù səən mo, m tón aŋgaà vém vibàn, e wày áwune e mǒ sar saʼ.

Ŋgaà Yen 18:20

Wír vìn adzə̀me lóo dìy bèn, é wír ve á dzəə̀n é yuví wáa sheʼrí kév sheʼrín. Wír Nyùy wùn aàŋgàa ntum Jesuse wíy a sheʼrí adzə̀m, bìʼ fo Nyùy bìnèn ne nsaʼ yev, e màʼ ŋgeʼ e ŋkàlaʼ rə̀n kitu.

Ŋgaà Yen 6:10

rəə́me jii, «Tàr woo Ŋgaà Vitaàví Vidzə̀m, à dzə̀ e ránén, aà kù yii tíy a dzə̀ e wò jì. Ghán sí bèr é le, é bo à sáʼ wír veé kitu ke nsay, e màʼ ŋgeʼ sho, bìʼ fo vé‑eè yúyri ver?»

Matio 2:20

«Nànèn é yuv, e lì wán wùn kiyìy kí, é vèn áwune wáa kfən e wòŋ Isray. Kú a kiíy ji wír ve vé‑eè taʼ, e laàr wán woo shooyi kpùkír ne.»

Nsùyrì Nyùy 71:24

M yíi a fìʼtì ghán sidzə̀m kinyo ke juŋ ke à yiìn e mò. À màʼ ne wír ve á taʼ, e lemér mo, e yiì, á wáa woomé.

2 Samuel 18:31

Wìr kitum woó Etiopia və̀y nèn wìy, e bùn fon ji wun kér a sáʼka wo juŋ wóo fìʼtì a e taàtá və woo fon. Nyùy Tàr sə̀ á ne fon lán fo wír ve vé‑eè ŋáʼri wùn à fòne.

2 Samuel 18:19

Ahimaas woo wan Tsadok nèn sùúy e Joav jii, «Ku màʼtì, é m nyéŋ, e dù, e fìʼtì sáʼka və̀n e fòn ji Nyùy Tàr bòyìr a ne wun fo aŋgaà və́ vibàné.»

1 Samuel 24:4

Wír Daviri nèn sùúy e wun jii, «Kin ki dzə̀ kishiíy ke Nyùy Tàr‑iì yòŋèn é ghan se wù‑uù suuy e wò jii, ‹M wíy way ŋgaà vibàn wò e wò kiwo, áà lóvtí shó mo à koŋè.› » Davir ŋàŋrì, e dù, e tìn kór kikum ké Saul, la wù yòʼ kìíy.

1 Samuel 23:15

Davir wáa dzə e Horesh e woʼ yeé Tsiv fèy, e nèn yèn ji Saul fəə á ne, a tàʼ wun, a wìy ji wun laar á dzəʼə̀m rə́.

1 Samuel 20:1

Davir nèn lò, e nyèŋ fó Nayiot e Rama, e dù, e yèn Jonatan, e dzə̀r e wun jii, «M yèe le? Jay wom dzə̀ ka? M jày ka e tàr won, é bo wù wáa tàʼ ji wun yúyrí mo?»

1 Samuel 19:15

Saul yú bey, e siìr áwune é bàm ji á du, e yèn á Davir e síi, e lì e kikun ké yàsí, e wìy a sho, é wun wàá yúyrí.

1 Samuel 18:11

Saul yòŋ fo wun bvə̀m jii, «M lo tsəm Davir, e tàŋ e wǔn lav.» Wù yòŋ bèy, e màʼ Davir e kòŋé, wù bàʼàr. Wù kfən yiì lò, e màʼ, wù ku bàʼàr.

2 Samuel 2:8

Kí wáa koóy bèy, a mfòóme Saul woo Abner wo yì‑iì dzəə̀n wan Ner kì lì ne Ish‑Boshet, e lìysín sho e Mahanayim.

1 Samuel 19:1

Saul yiì lò, e sùŋnín e wan və Jonatan wùn à nsheèlav sə́ sí ji áwune ku yùyrí a Davir. Yii bèy, mo Jonatan‑eè koŋ Davir e ŋàŋ,