2 Samuel 4:5 - ŊWÀʼ NYÙY

⁵ Rekav wùn Baana nèn wìy fəə̀ é kishiíy kímóʼ kí, e dù e Ish‑Boshet ntoʼ, a shùy kóŋrí ne, a sì ghán se fòn meemè. Á wáa meé e faáy kishiíyí,

2 Samuel 4:5 Referans Kwoze

2 Wòŋ 25:27

Fòn Amatsiya‑aà bìn ndzə̀m e Nyùy Tàr, á nèn kèʼ, a kar menàŋ é Jerusalem mo á lo, e ghan, e bóo yuyrí wun. Wù nèn lèʼ, e dù e Lakish. Á nèn tsə̀nsí wíri e wun bàm, á yúyrí wun fo.

2 Wòŋ 24:25

Wír veé Siiriàa‑aà tòn wír veé Juda bèy, e lèmér Fòn Joash e dzəə ye bi, e bó a lòkìr. Atǎr ntoʼ vəə́ nèn kùr menàŋ e wun bàm, e nə̀ə́, e yùyrí wun e wun mbvə̀ʼ, bìʼ fo wù‑uù yuyrin wan taà cù Jehoyiada. Wù‑uù lày, á lìtì e Ŋkàlaʼ Davir, yii bèy, a yòʼ dzə̀ é fəm fo vé‑eè litì ámóʼó vee afon.

1 Afòn 16:9

Simri nèn kèʼ, a woŋ wuú rə́. Simri‑iì dzə̀ mfòómé wo wù wám kintoʼnìn ke *vitentén vé rər. Wáa dzə e kishiíy kímóʼ kí, a Ela kuúŋe meluʼ e Arsa laʼ e Tirsa,

2 Samuel 11:2

Wáa dzə e ŋkuùr wùmòʼ, Fòn Davir ŋáʼáy fo wù‑uù meemè, e kòʼ, a ghan e kikfəv ke lav. Wù lòo màʼ sí, e yèn wiíy wùmòʼ, a wù su wún, a wù bóŋ é ŋàŋ.

2 Samuel 2:8

Kí wáa koóy bèy, a mfòóme Saul woo Abner wo yì‑iì dzəə̀n wan Ner kì lì ne Ish‑Boshet, e lìysín sho e Mahanayim.

2 Wòŋ 33:24

Atǎr ntoʼ vəə́ nèn wìy lò, e kàr menàŋ e wun bàm, e laàr wun e wun ntoʼ.

2 Samuel 4:2

Ish‑Boshet wáa dzə, a wù kér vilìmbìy ve rər vibaà. Yír wo mòʼóne‑eè dzə̀ ji Baana, a yé wùmòʼó dzə̀ ji Rekav. Áwune‑eè dzə̀ wón Rimmon woo wír woó ntèʼ yee Beerot, a dzə̀ ji áwune kù dzə̀ kfə́ə Benjamin, bìʼ fo vé‑eè li ji Beerot dzə̀ á ntèʼ Benjamin.