2 Samuel 4:2 - ŊWÀʼ NYÙY

² Ish‑Boshet wáa dzə, a wù kér vilìmbìy ve rər vibaà. Yír wo mòʼóne‑eè dzə̀ ji Baana, a yé wùmòʼó dzə̀ ji Rekav. Áwune‑eè dzə̀ wón Rimmon woo wír woó ntèʼ yee Beerot, a dzə̀ ji áwune kù dzə̀ kfə́ə Benjamin, bìʼ fo vé‑eè li ji Beerot dzə̀ á ntèʼ Benjamin.

2 Samuel 4:2 Referans Kwoze

Joshua 18:25

Símóʼ sí wáa dzə jii, Gibeon, Rama, Beerot,

Joshua 9:17

Á nèn ŋàʼáy, a dù fo. Á ghán vishiíy vitaár, e nèn mèé e wír vìyí ŋkà se laʼ, a sí‑iì dzə̀ jii, Gibeon wùn à Kefira, à Beerot, à Kiriat‑Jearim.

2 Afòn 6:23

Wù nèn bàʼtí ŋkàʼ wo kuʼùné, á yí bìʼ áwune. Á màysì viyíkìr wùn à nóo, wù nèn siìr áwune é bàm, á kfə́n, e dù, e yèn tàr wov. Á bèy, la wír veé Siiriàa yòʼ dzə́ə a nəə́ rə́r, a faàsì vifá fo nsay Isray.

2 Afòn 5:2

Wír veé Siiriàa‑aà ghàn màʼ rə́r wùn à wír veé Israyi, e koò wánlè ŋgòn wùmòʼ fó Isray, wù wìy, a lìm fo wiiy Naaman.

2 Samuel 3:22

Abner ku nèn lò fo Hebron, a kfən mo Davir kì tsənsin, e fò sáʼ ji á ku màʼtì, é wù du á kijuŋ. Kù mo wù loòn, Joav wùn à wír Davir ve vé‑eè dzəə̀n é kwaʼ rərí nèn nə̀ə́, aá kér vifá vigháʼán ve á kuuyin fó kwaʼ rər.

2 Samuel 4:5

Rekav wùn Baana nèn wìy fəə̀ é kishiíy kímóʼ kí, e dù e Ish‑Boshet ntoʼ, a shùy kóŋrí ne, a sì ghán se fòn meemè. Á wáa meé e faáy kishiíyí,

2 Samuel 4:9

Davir bìnèr e Rekav wùn fər və Baana vee wón Rimmon woó Beerot jii, «Mo Nyùy Tàr wo wù‑uù fəərin mo fó ŋgeʼ sidzə̀m dzəə̀n shó, vèn‑éè yén ke kí lo, e koóy ven.

2 Samuel 23:37

à Tsəlek woo wan wìr Ammon, à Naharay woó Beerot wo wù‑uù béʼ ŋkeè rə̀r Joav woo wan Tsəruyia,

Joshua 18:26

Mispe, Kefira, Mosa,