2 Samuel 3:9 - ŊWÀʼ NYÙY

⁹ Nyùy ku màʼ ŋgeʼ e mǒ kitu, e dzə̀sì, a m fen dzə̀ làa yòʼ yiì kinyo ke Nyùy Tàr‑iì kàʼàn Davir sho, e kfə̀n lìʼ.

2 Samuel 3:9 Referans Kwoze

1 Samuel 15:28

Samuel suúy e wun jii, «Kù dzə̀ bey mo Nyùy Tàr faàsìn ne sáʼ yeé Isray lán fo wò kiwo, a wù fò ne e wìr wo sən, wo dzəə̀n wír woo réŋ, a wù kfə̀n shaà wò.

1 Afòn 19:2

Jesebel nèn tùm wír fo Elija wùn, wù dú, e tiìsí ji Yaà suuy a ji a lòo dzə moo lèn bèn kibvəə́shí, a bó wun yoʼ lòvtí e wun mo wù kì lovtin áàŋgàa ntum və́ víyi, anyùyi kù màʼ ŋgeʼ a e wun kitu, e kfə̀n dzə̀sì.

1 Wòŋ 12:23

Yì‑iì dzə̀ é ghan se Davir‑iì dzəə̀n é Hebron, vé rərí wìy aàkáŋ aàkáŋ ji á sə́ á vifon fo Saul, e fò e wun woo Davir mo Nyùy Tàr‑iì yiìn ne yòŋ. Áwune adzə̀me‑eè wiy, kér vifá ve rər, a vé‑eè dzə̀ jii,

1 Samuel 28:17

Nyùy Tàr yiì ne a dzə̀ kinyo ke wù‑uù shaàn fo mò, e sùúy e wò. Wù faàsì ne sáʼ fo wò kiwo, e fò e wìr wo sən, a dzə̀ Davir.

Ŋwàʼ Rut 1:17

Fo à wíy kpu, dzə̀ fo m wíy kpu, a kù dzə̀ fo á wiy dzəə̀mè mo. Nyùy Tàr ku màʼ ŋgeʼ e mǒ kitu, e kfə̀n dzə̀sì, a kinyo kímóʼ kí fen jàvsìn wòsò, e shaà kpú.»

2 Samuel 19:13

Davir kfən sùúy e Tsadok wùn Abiyatar ji á du, e sùúy a e Amasa jii, wùn wun dzə̀ á mensə́ memòʼón, e kèʼ fo lèn, wun sí lem a wun woo Amasa e Joav kirə̀ʼ ji kitú ke vé rərí. Nyùy maʼ á ŋgeʼ e wun woo Davir kitu, a wun fen dzə̀ làa yòʼ a tiy a e wun jì.

2 Samuel 3:35

Á rə́sí, a dìy kpú bèy, wíri wáa lon fon kishiíy kifur ji wù ku wày á kifá e shuù. Wù sháʼnín ji a dzə̀ ji wun wáy kifá e shuù, a bó shùy yóʼ ne nə̀ə́, Nyùy kù màʼ a ŋgeʼ ye tavín e wun kitu.

1 Samuel 25:22

A lòo meé kijàvndzə, a bó m yoʼ laàr vilum vee Nabal kfəə adzə̀m, Nyùy kù màʼ ŋgeʼ ye tavín e mǒ kitu.»

1 Samuel 14:44

Saul suúy shó jii, «Aà dzə̀ là fóo kpu, Nyùy kù yùyrí mo.»

1 Samuel 3:17

Eli dzə́r shó jii, «Nyùy Tàr kì sùúy e wò ji ka? Lá à yòʼ lìtì fo mò. Aà lìtì kinyo fo kinyò ke Nyùy kì suuyin e wò, Nyùy kù màʼ ŋgeʼ ye tavín e wò kitu.»

2 Samuel 19:14

Jí se Davir sìn si nèn yiì, wìr dzə̀m woo Juda tátí shuu, e tìím e wun bàm. Á nèn tsə̀nsí ntum e wun ji wù wáa kfən a e bàm wùn à wír vəə́ adzə̀m.

1 Afòn 2:23

Fòn Solomon nèn lìʼ e Nyùy Tǎr yir jii, «A Adonija dzə̀ làa yòʼ kpu fo wun shuù, Nyùy kù màʼ ŋgeʼ e mǒ kitu, e kfə̀n dzə̀sì.