2 Samuel 3:3 - ŊWÀʼ NYÙY

³ Kileav wo yè wov dzəə̀n Abigail wo yì‑iì dzəə̀n wíiy ŋkfə Nabal woó Karmel, Absalom wo yè wov dzəə̀n Maaka woo wan Talmay, Talmay woo fon woó Geshur.

2 Samuel 3:3 Referans Kwoze

1 Samuel 27:8

Davir wáa dzə fo bèy, wùn à wír vəə́ wáa lò, a dù, a nəə́ wír veé Geshur e rə́r sí, à veé Girsìi, à veé Amalek ve vé‑eè sí dzə́ e mbìv wòŋ foo fèyi. Aá funèn bèy, du duùn é Shur, e dù, e meé e Ejiv.

1 Wòŋ 3:1

Wón ve Fòn Davir‑iì dzəən, a wù dzə̀ é Hebrone víne. Wan və mbìy‑iì dzə̀ Amnon wo wù‑uù dzəən wùn Ahinoam woo wìy fó Jesreel. Wo wù batin wáa dzə Daniel, wo wù‑uù dzəən wùn Abigail woo wìy fó Karmel.

2 Samuel 2:2

Á bèy, Davir nèn dù e Hebron wùn à vikìy və́ vee abàá, vee Ahinoam wo wù loòn fó Jesreel wùn Abigail wo yì‑iì dzəə̀n wiiy ŋkfə Nabal woó Karmel.

1 Samuel 25:42

Abigail túmnín, e kòʼ kimbèʼbìy, wón və́ lìm vee atàne tátí wun, wùn aàŋgàa ntum Daviri nèn a kfən. Wù nèn dù a dzə wíiy Davir.

1 Samuel 25:3

Yír rəə́‑əə̀ dzə̀ Nabal, a dzə̀ wír woo Kalev ram, yé wiiy və Abigail. Abigail‑iì kér vifií, e kfə̀n bòŋ e ŋàŋ, a lum və dzə̀ wir shilìv she bi shí, a kfə̀n dzə̀ wir kisaŋ.

Joshua 13:13

Kù mày wír veé Geshur wùn à veé Maakati, ve bó wír veé Israyi yòʼ‑oò lo tòn, aá kù dzə́ e wír veé Israyí mvəm, e wìy shem lán.

Remrí 3:14

Wìr woó ram Manasse, aá yoŋ ji Jayir nèn yòv woŋ Argov e dzə̀m wo dzəə̀n Bashan. Wù yòv bèy, e dù, e bàʼ mo bìíy Geshur wùn Maakat duùn, e ndzə̀y. Wù nèn shù ntèʼ sí a dzə̀ meŋkfə́m mvə. Á kù dzəə́ kiiy fó, e to lán ji ntèʼ sé Jayir.)

2 Samuel 18:33

Kindzə́m kí tóʼnín fon, wù kóʼ é lav yee fó yuv, e kibùʼ keé shùu kày fèy, a dìy. A wù‑uù kóʼ, tóŋ, suuy jii, «Éè wan wòm Absalom, éè wan wòm, wan wòm Absalom, kì bòŋ ke kpú mo, áà goʼ, éè Absalom, wan wòm, wan wòm.»

2 Samuel 14:24

Fòn fó sáʼ jii, «Absalom kù yíi a dzə, a dzə̀ e wun laʼ, e làa yòʼ a wìy e ntoʼ.» Absalom ku nèn a dzə e wun laʼ, a bó fòn yòʼ tooy wun.

2 Samuel 13:1

Wàn Davir woo Absalom‑eè kér fə́r woo wiíy wùmòʼ, a wù bóŋ féyì, a yír rəə́ dzə̀ Tamar. Amnon wo kù‑uù dzəə̀n sá wan Davir nèn wìy lò, a kòŋ Tamar.

2 Samuel 14:32

Absalom bìnèr jii, «Á tòn, bìʼ fo mò‑oo tsənsin ntum ji à wiy, à tén. A mò‑oo jaŋ wò bèy ji m túm á wò e ntoʼ, áà du, e dzə̀r á e fòn ji wù sà‑aà tooy mo fó Geshur ji ka á? A sì ben, bo yì‑iì bòŋ, é m goʼ á fo. Lì ri mo lèn, e dù sho, é m yén fon. A lòo dzə, a m jáy, é fòn yúyrí mo.»

2 Samuel 15:7

Viyá vi shaà vikweè, Absalom bùn Fòn Davir, e sùúy jii, «Nyàr, á ku màʼtì a, é wun du é Hebron, e yiì a kinyo ke wun‑eè kàʼàn Nyùy Tàr shó.

2 Samuel 15:8

Wun‑eè kàʼ, a wun dzə̀ á e Geshur e Siiria ji a Nyùy Tàr lòo dzə, e siìr a wun e bàm é Jerusalem, é wun du, e cù a wun woo Nyùy Tàr é Hebron.»

1 Afòn 1:6

Adonija wáa dzə, a bó tàr wov yòʼ‑oò lo ghàn sìíy a sə̀r wun fo vinyò ve wù‑uù yii ji wù sà yii bèn bìʼ ka á? Wù kfə̀n‑eè kér mbom ye juŋ feyì, a vé‑eè dzə̀ə́ wun e Absalom bàm.

1 Afòn 2:15

Wù nèn sùúy jii, «Kí à kì ji vifon vìn vi‑iì dzə̀ vém, a wìr dzə̀m woó Isray‑iì kì ji fòn dzə̀ á mo. Yii bèy, vinyo vi kúvsín, vifon vi nèn dù a dzə̀ e fər wom, bìʼ fo dzəə̀n mo Nyùy Tàr‑iì koŋè.

1 Wòŋ 3:2

Wo wù meen ji taár wáa dzə Absalom wo yè wov‑iì dzəə̀n Maaka, Maaka woo wan Fòn Talmay woó Geshur. Wo wù meen ji kweè wáa dzə Adonija woo wan Haggit.

2 Samuel 14:23

Joav nèn lò, e dù e Geshur, e lì Absalom, e wìy sho e Jerusalem.