2 Samuel 3:1 - ŊWÀʼ NYÙY

¹ Vindzəʼ ve wír Saul wùn à wír Davir vi ku nèn a dù duùn fó mbìy, e bònen dù ntàmda, a wír Daviri kúy kuyín é vindzə̀ʼ, a vé Sauli kfə́n kfənén é bàm.

2 Samuel 3:1 Referans Kwoze

1 Afòn 14:30

A Fòn Rehoboam wùn Fòn Jeroboam‑eè dzə̀, aá maʼ rə́r là meemè.

Ŋwàʼ Jov 8:7

Wù siirì, é kéŋ yée wáa jamtín jamtín, é ye wò‑oò kér fo mbìyi wáa yensín e shàr.

2 Samuel 2:17

Vindzəʼ veé kishiíy fóo fèy vi‑iì dzə̀ vitávín, wír Daviri‑iì ghàʼ Abner wùn à wír və́ veé Israyi.

Efesor 6:12

Vèn wáa kiíy ji bó vèsən yòʼ maʼ rə́r a dzə̀ á vèsən à wìr msòŋ. Á maʼ a dzə̀ vèsən à vifá ve bi ví vidzə̀m ve ví ghán e shwer, yii vinyo e ndzə fèn. Vèsən funèn a dzə̀ *anyùy wùn à vitú vév vé saʼ vi. A kù dzə̀ áwune vin ve á sáʼ ndzə yee lèn ye yì sə́n dzə̀v rə̀n.

Nsùyrì Nyùy 84:7

Vitaáví vév ví kù kúy, du duùn fó mbìy, aá kù yíi dù, e yen Nyùy e Sion, wun woo Nyùy wo wù shaàn anyùy adzə̀m.

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

Galatia 5:17

Kinyo ke mensə́ mè koŋ ki yòʼ dzə̀ ke Kiyoy ke Ranén kí tíy sho. Ke Kiyoy ke Ranén kí tíy sho ki nén a dzə ke bó mensə́ mè yòʼ koŋè. Mo bó yòʼ dzə̀ vinyo vìn vi shèmsín, bo bó yòʼ dzə̀ vèn wàa yiì vinyo ve vèn koŋ a yiì.

Esta 6:13

Wù kfə́n bey, e fèr kinyo kidzə̀m ke kí kooyin e yeè lav və Seresh wùn à ŋkar sə́ sí. Ŋkar sə́ see afií wùn à yeè lav və suúy shó jii, «Leéy, e yèn mo vinyo vé vi kèʼèn, a sen e Mordekay kiwo. Mo wù dzəə̀n wír woó Juda, bo bó à yòʼ yíi tam vèn wun. À kù yíi kar ntéŋ ntéŋ, e gbù.»

1 Afòn 15:32

A Fòn Asa wùn Fòn Baasha woó Isray kù‑uù rə́si maʼ a dzə̀ rə́r ghán sidzə̀m, e dù meé mo sáʼ yéví‑iì duùn, e jòʼsì.

1 Afòn 15:16

Fòn Asa‑aà ló a màʼ rə́r wùn Fòn Baasha woó Isray ghán sidzə̀m, aá kù maʼ bèy, e dù meé mo sáʼ yéví‑iì duùn, e jòʼsì.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Ŋgaà Yen 6:2

M ku nèn yèn nyamŋkoʼ, a yì fə́r fərín, a wìr dzə́ e kitu wo, kér kinte. Á nèn sòv fə́ə nsiì e kitu wo, e yòŋ ji gùy. Wù nèn a dù, a tòn vitúm, a saʼ.

2 Samuel 2:28

Joav nèn tòŋ sóŋ, wìr dzə̀m tiím, e làa yòʼ dzə́ə a nyoòrì afə́r vév. Vindzəʼ vi nèn mày.

2 Samuel 5:10

Wù ku nèn a tavkír, a dù duùn fó mbìy, bìʼ fo Nyùy Tàr woo Taà Mànjòŋ kù‑uù dzəə̀n wùn wun.

2 Samuel 22:44

«À sə́ mo, m gháʼ wír ve á tsə́y kóy vèr áwune. À lém mo, m wáa dzə taà saʼ fo vitúm vi, vitúm ve bó m yòʼ‑oò kiìn ví wáa shwi mo.

1 Wòŋ 11:9

Davir ku nèn a tav, a dù duùn fó mbìy, bìʼ fo Nyùy Tàr woo Taà Mànjòŋ kù‑uù dzəə̀n wùn wun.

Esta 9:4

Wìr dzə̀m kù‑uù kìíy ne ji Mordekay sì á wír wo kuʼùn é ntoʼ, a leŋ vəə́ sámér ne, sáʼ rəə́ wáa kuy kuyín, wíri wáa yunín wun.

Nsùyrì Nyùy 18:43

À sə́ mo, m gháʼ wír ve á tsə́y kóy vèr áwune. À lém mo, m wáa dzə taà saʼ fo vitúm vi, vitúm ve bó m yòʼ‑oò kiìn ví wáa shwi mo.

Nsùyrì Nyùy 46:9

Wù mayìr rə́r fó kitu ke nsay, béʼti vinte, kívti kòŋ sí kivtín, ton *viténtén vé rər e və́yí.

2 Samuel 3:6

Mo wír veé kfəə Sauli rə́si maʼ rə́r wùn à wír Daviri, Abner wáa kuy e wír Saulí mvəm, a kùʼùr ntaʼ və.

1 Wòŋ 3:1

Wón ve Fòn Davir‑iì dzəən, a wù dzə̀ é Hebrone víne. Wan və mbìy‑iì dzə̀ Amnon wo wù‑uù dzəən wùn Ahinoam woo wìy fó Jesreel. Wo wù batin wáa dzə Daniel, wo wù‑uù dzəən wùn Abigail woo wìy fó Karmel.